ដោយ ហេង រស្មី
2019-10-29
RFA
ស្ដាប់ ឬទាញយកសំឡេង
អ្នកគាំទ្រគណបក្សសង្រ្គោះជាតិ នៅប្រទេសអូស្ត្រាលី
Screenshot
ខ្មែរនៅអូស្ត្រាលីនឹងធ្វើពិធីសាសនា ដើម្បីប្រសិទ្ធិពរជ័យដល់ការវិលចូលស្រុករបស់លោក សម រង្ស៊ី ខណៈដំណើរមាតុភូមិនិវត្តន៍នេះ នៅសល់តែ ១២ថ្ងៃទៀតប៉ុណ្ណោះនឹងដល់ពេលកំណត់។
អ្នកគាំទ្រគណបក្សសង្រ្គោះជាតិនៅប្រទេសអូស្ត្រាលីអំពាវដល់ពលរដ្ឋខ្មែររស់នៅប្រទេសនេះ ចូលរួមធ្វើពិធីសាសនានៅវត្តពុទ្ធរង្សីម៉ែលប៊ន ក្នុងទីក្រុងម៉ែលប៊ន ដើម្បីបួងសួងប្រសិទ្ធិពរ ជ័យដល់បេសកកម្មស្ដារលទ្ធិប្រជាធិបតេយ្យ និងសិទ្ធិមនុស្សនៅកម្ពុជា។ ពិធីនេះនឹងធ្វើនៅថ្ងៃទី៣ ខែវិច្ឆិកា គឺមុនប៉ុន្មានថ្ងៃដែលលោក សម រង្ស៊ី សន្យាថានឹងវិលចូលស្រុកវិញ។
ប្រធានសាខាគណបក្សសង្គ្រោះជាតិទីក្រុងម៉ែលប៊ន (Melbourne) ប្រទេសអូស្ត្រាលី លោក អ៊ិន ហេមារា ឲ្យដឹងថា ការធ្វើពិធីបុណ្យប្រសិទ្ធិពរជ័យនេះមាននិមន្តព្រះសង្ឃ ដើម្បីសូត្រមន្តប្រោសព្រំ និងបួងសួងដល់វត្ថុស័ក្ដិសិទ្ធិ ដើម្បីបញ្ជាក់ពីជំហរនៃការគាំទ្រការធ្វើមាតុភូមិនិវត្តន៍នេះ។ លោក អ៊ិន ហេមារា ដែលអះអាងថា នឹងអមដំណើរលោក សម រង្ស៊ី ចូលស្រុកដែរនោះយល់ថា ការវិលចូលប្រទេសកម្ពុជានៅថ្ងៃទី៩ ខែវិច្ឆិកា ខាងមុខជាការបង្កើតព្រឹត្តិការណ៍ប្រវត្តិសាស្ត្រថ្មីក្នុងបុព្វហេតុជាតិ៖ «ទី១ គឺប្រសិទ្ធិពរជ័យទី២គឺបញ្ជាក់ថាយើងខ្មែរជាអ្នកស្រឡាញ់លទ្ធិប្រជាធិបតេយ្យ គឺចូលរួមអមដំណើរជាផ្លូវកាយជាផ្លូវចិត្តពីចម្ងាយ យើងទាំងអស់គ្នាបង្កើតប្រវត្តិសាស្ត្រថ្មីនៅក្នុងការតស៊ូទាមទារលទ្ធិប្រជាធិបតេយ្យ»។
តំណាងចលនាស្ត្រីសង្គ្រោះជាតិបណ្ដាញសកលនៃទីក្រុងម៉ែលប៊ន អ្នកស្រី សៀម អេង និយាយថា ការធ្វើពិធីនេះ គឺដើម្បីលើកកម្លាំងចិត្តដល់ខ្មែរគ្រប់ប្រទេសក្នុងការអមដំណើរលោក សម រង្ស៊ី។ អ្នកស្រីអំពាវនាវដល់ពលរដ្ឋខ្មែរនៅប្រទេសអូស្ត្រាលីទាំងអស់ចូលរួមឲ្យបានច្រើនកុះករ៖ «ដូច្នេះហើយសូមអញ្ជើញបងប្អូនចូលរួមឲ្យបានច្រើនកុះករ ដើម្បីលើកកម្លាំងចិត្តបងប្អូនយើង ដែលគាត់លះបង់កម្លាំងចិត្ត និងថវិកាក្នុងការអមដំណើរលោកប្រធាន»។
គិតត្រឹមថ្ងៃទី២៨ ខែតុលា ការសន្យាវិលចូលប្រទេសកម្ពុជាវិញរបស់លោក សម រង្ស៊ី នៅសល់តែ ១២ថ្ងៃទៀតប៉ុណ្ណោះ នឹងដល់ពេលកំណត់នៃការធ្វើដំណើរមាតុភូមិនិវត្តន៍របស់លោក។
ទោះរបបក្រុងភ្នំពេញតែងតែព្រមានថា នឹងចាប់ខ្លួន បាញ់សម្លាប់ ឬពឹងប្រទេសជិតខាងកម្ពុជាមិនឲ្យលោក សម រង្ស៊ី ឆ្លងកាត់ក្តី ក៏លោក សម រង្ស៊ី នៅតែរក្សាជំហរវិលចូលស្រុកវិញដដែល។
លោក សម រង្ស៊ី អះអាងថា លោក និងថ្នាក់ដឹកនាំគណបក្សប្រឆាំងគ្មានការរួញរាចំពោះការវិលចូលស្រុកវិញនោះទេ បើទោះមានការគំរាមកំហែង និងចាប់ខ្លួនសកម្មជនបក្សប្រឆាំងរាល់ថ្ងៃក៏ដោយ៖ «ដល់ពេលហើយបងប្អូនកូនក្មួយយើងទៅប្រទេសយើងវិញ យើងនឹងបើកទំព័រថ្មីមួយក្នុងប្រវត្តិសាស្ត្រប្រទេសកម្ពុជា ដែលបងប្អូនកូនក្មួយទាំងអស់ យើងចូលរួមសរសេរទាំងអស់គ្នាទំព័រថ្មីនៃប្រវត្តិសាស្ត្រប្រទេសកម្ពុជាទំព័រថ្មីដ៏រុងរឿងសម្រាប់ខ្លួនយើង និងកូនចៅយើងជំនាន់ក្រោយ»។
អ្នកវិភាគនយោបាយ លោក គឹម សុខ យល់ថា បើរបបក្រុងភ្នំពេញហ៊ានបាញ់សម្លាប់ ឬចាប់ខ្លួនលោកសម រង្ស៊ី និងអ្នកគាំទ្ររបស់លោក សម រង្ស៊ី មែននោះ របបនេះនឹងប្រឈមការដាក់ទណ្ឌកម្មពីសហគមន៍អន្តរជាតិ ជាពិសេស ការបាត់បង់ប្រព័ន្ធអនុគ្រោះ EBA ពីសហភាពអឺរ៉ុប៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- របបក្រុងភ្នំពេញពង្រាយយោធា និងសមត្ថកិច្ចប្រដាប់អាវុធល្បាតតាមព្រំដែន ពេលជិតដល់ថ្ងៃកំណត់មាតុភូមិនិវត្តន៍របស់លោក សម រង្ស៊ី
- បទសម្ភាសន៍ជាមួយលោក អ៊ូ ច័ន្ទឫទ្ធិ ជុំវិញការរៀបចំដំណើរមាតុភូមិនិវត្តន៍របស់លោក សម រង្ស៊ី
- ភរិយាសកម្មជនបក្សប្រឆាំងខេត្តមណ្ឌលគិរីថា ប៉ូលិសចាប់ស្វាមីដោយអយុត្តិធម៌ និងគ្មានអាវជាប់ខ្លួន
- ចលនាសង្គ្រោះជាតិនៅប្រទេសជប៉ុន ប្រកាសធ្វើបាតុកម្ម នៅថ្ងៃទី៣ វិច្ឆិកា ដើម្បីកៀរគរ និងគាំទ្រដំណើរមាតុភូមិនិវត្តន៍ លោក សម រង្ស៊ី
- ពលករខ្មែរមួយក្រុមធ្វើការនៅថៃប្ដេជ្ញាទៅចូលរួមអមដំណើរលោក សម រង្ស៊ី វិលចូលស្រុកវិញ
- មន្រ្តីជាន់ខ្ពស់គណបក្សសង្រ្គោះជាតិអះអាងថា កំពុងចរចាជាមួយភាគីថៃ ដើម្បីឲ្យលោក សម រង្ស៊ី ឆ្លងកាត់ទៅកម្ពុជាតាមព្រំដែនថៃ
- ក្រុមយុវជនស្នើរដ្ឋាភិបាល ឱ្យបង្ហាញភាពច្បាស់លាស់រឿងអភិវឌ្ឍន៍តាមបណ្តោយព្រំដែន និងគ្រប់គ្រងព្រំដែនឲ្យរឹងមាំ
- ពលរដ្ឋមួយចំនួនមិនពេញចិត្តនឹងបម្រាមរបស់អភិបាលខេត្តបន្ទាយមានជ័យរឿងមិនឱ្យមន្ត្រីថ្នាក់ក្រោមចេញក្រៅប្រទេស អំឡុងពេលលោក សម រង្ស៊ី វិលត្រឡប់
- មន្ត្រីអាមេរិក និងអង់គ្លេសមិនបានសន្យាបន្តផ្ដល់ GSP និង EBA ដល់កម្ពុជាក្នុងស្ថានភាពបច្ចុប្បន្ន
- របបភ្នំពេញប្រកាសបន្តស្វាគមន៍លោក សម រង្ស៊ី ប៉ុន្តែបញ្ជូនដីកាចាប់ខ្លួនទៅសមាជិកអាស៊ាន
ល្ខោនអត់រោង
*******
ដូចខ្ញុំបានវាយតម្លៃស្ថានការណ៍នយោបាយ នៃការសន្យាការវិល
របស់ជនក្បត់ជាតិសមរង្ស៊ីនិងបក្សពួករួចមកហើយថាវាមិនខ្មេះទេ ។
អាសមរង្ស៊ីជាជនកំសាក ការភូតភរបោកប្រាសចុងក្រោយ
របស់ជនក្បត់ជាតិសមរង្ស៊ី និងបក្សពួក គឺដើម្បីយកលុយ
មូលនិធិ ៣០ម៉ឺនដុល្លារចាយ ក្នុងពេលវេលាចុងក្រោយ
នៃការបញ្ចប់អាជីពនយោបាយរបស់វាជារៀងរហូត។
តើមានអន្តរជាតិណាមួយហ៊ានធានាចំពោះអាក្បត់ជាតិសមរង្ស៊ី
និងបក្សពួកក្បត់ជាតិរបស់វាដើម្បីបំពានលើអធិបតេយ្យរបស់ប្រទេសមួយ
ដែលស្ថិតក្នុងកិច្ចគាំពារតាមច្បាប់អង្គការសហប្រជាជាតិនោះ។
សរុបសេចក្តីមក ទាល់តែសេះដុះស្នែង ទើបសមរង្ស៊ីនិងបក្សពួកហ៊ាន
ចូលកម្ពុជាវិញ។ សម្រាប់ល្បះចុងក្រោយដែលថា និងជំរុញឲ្យសមរង្ស៊ី
ចូលកម្ពុជាថ្ងៃទី៩វិច្ឆិកា វាគ្រាន់តែជាការនិយាយដើម្បី
បោកប្រាស ដើម្បីបោកយកលុយបន្ថែមពីពីអាល្ងង់ខ្លៅ មីល្ងង់ខ្លៅ
តែមានលុយទិញសក្តិ៍ខ្យល់ប៉ុណ្ណោះ។
វា ទាល់តែយូរបានអាក្បត់ជាតិសមរង្ស៊ី និងបក្សពួកក្បត់ជាតិរបស់វា
ហ៊ានមកជាប់គុក និង ឲ្យគេបាញ់ងាប់
អត់ប្រយោជន៍ ។
ដំណឹង សម្រាប់ ពួកអាកាកសំណល់ អតីតបក្សខ្មោចតៃហោងសង្គ្រោះជាតិ
ដែលត្រូវយល់ឲ្យច្បាស់មុនបង្កររឿងហេតុ ដែលនាំគ្រោះដល់ខ្លួន
ដែលនឹកស្មានមិនដល់ !
*******
កម្ពុជា ជារដ្ឋអធិបតេយ្យ !
ក្រោមបាវចនា ជាតិ សាសនា ព្រះមហាក្សត្រ
ច្បាប់ស្ដីពីវិសោធនកម្មច្បាប់ស្ដីពីគណបក្សនយោបាយ ត្រង់មាត្រា៦ គឺសំដៅដាច់ខាត
ឲ្យមានការគោរពអនុវត្តន៍ ដោយចែងថា គ្រប់គណបក្សនយោបាយមិនត្រូវធ្វើ
សកម្មភាពណាមួយ ដូចខាងក្រោមជាដាច់ខាត៖
១. ធ្វើឱ្យមានអបគមន៍ ដែលនាំឱ្យអន្តរាយដល់ឯកភាពជាតិ និងបូរណភាពដែនដី។
២. ធ្វើវិទ្ធង្សនាប្រឆាំងនឹងរបបប្រជាធិបតេយ្យ សេរី ពហុបក្ស និងរបបរាជានិយមអាស្រ័យធម្មនុញ្ញ។
៣. ធ្វើប៉ះពាល់សន្តិសុខនៃរដ្ឋ។
៤. បង្កើតកម្លាំងប្រដាប់អាវុធ។
៥. ធ្វើការញុះញង់ដែលអាចនាំអោយមានការបែកបាក់ជាតិ។
ដូច្នេះចលានាណាមួយដែលមានបំណងបំផ្លាញសន្តិភាពជាតិ ដើម្បីផ្តួលរំលំរដ្ឋាភិបាល
ស្របច្បាប់ដែលកើតចេញពីការបោះឆ្នោត តាមលទ្ធិប្រជាធិបតេយ្យ សេរីពហុបក្ស
សម្រាប់ឆន្ទះប្រជាពលរដ្ឋ ដែលជ្រើសរើសអ្នកដឹកនាំជាតិ ទោះក្នុងទម្រង់ណាមួយ ក៏ដោយ
គឺដាច់ខាតកម្ទេចចោល ដោយគ្មានការអត់ឱនឡើយ ។
ដូច្នេះ ! ត្រូវចាំឲ្យច្បាស់ពួកអាកាកសំណល់បក្សក្បត់ជាតិសង្គ្រោះជាតិ