ដោយ វ៉ែន សុមេធ
2019-10-30
RFA
ស្ដាប់ ឬទាញយកសំឡេង
លោក ភុន យុទ្ធ ជនពិការនៅខេត្តសៀមរាប ដែលរិះគន់របបក្រុងភ្នំពេញតាមសង្គមហ្វេសប៊ុក ហើយត្រូវបានអាជ្ញាធរចាប់ឃុំខ្លួនជាង ៣ខែហើយ។
រូប៖ ពលរដ្ឋផ្ដល់ឱ្យ
ភរិយាជនពិការ ដែលនិយាយរិះគន់របបក្រុងភ្នំពេញ តាមបណ្ដាញសង្គមហ្វេសប៊ុក ហើយត្រូវសមត្ថកិច្ចចាប់ឃុំខ្លួនជាង៣ខែមកនេះ អំពាវនាវដល់សាលាដំបូងខេត្តសៀមរាប ដោះលែងប្ដីគាត់ឲ្យមានសេរីភាពវិញ ដើម្បីបានវិលមកជួបជុំក្រុមគ្រួសារ និងមានឱកាសប្រកបរបរលក់វត្ថុអនុស្សាវរីយ៍ចិញ្ចឹមកូនស្រីនៅតូច។ សង្គមស៊ីវិលដែលឃ្លាំមើលផ្នែកសិទ្ធិមនុស្សរំពឹងថា នៅថ្ងៃប្រកាសសាលក្រមនៅចុងខែតុលានេះ ចៅក្រម នឹងពិចារណាគ្រប់ជ្រុងជ្រោយ ហើយទម្លាក់បទចោទប្រឆាំងនឹងលោក ភុន យុទ្ធ ដែលជាជនពិការ ។
លោកស្រី មុំ វិត ដែលជាភរិយាលោក ភុន យុទ្ធ ថ្លែងថា ក្នុងរយៈពេលជាង៣ខែកន្លងទៅនេះ រូបគាត់និងកូនស្រីអាយុ៥ឆ្នាំ រស់នៅខ្វះមុខខ្វះក្រោយ និងជំពាក់ប្រាក់អ្នកជិតខាង ព្រោះប្រាក់ដែលរកបានពីការលក់វត្ថុអនុស្សាវរីយ៍ ត្រូវចំណាយលើការហូបចុកប្រចាំថ្ងៃ និងប្រាក់មួយចំណែកទៀត ត្រូវទុកទៅមើលប្ដីដែលកំពុងឃុំក្នុងពន្ធនាគារ ក្រោយពីសមត្ថកិច្ចចាប់ខ្លួនដោយគ្មានមូលហេតុ កាលពីពាក់កណ្ដាលខែកក្កដាកន្លងទៅ។
លោកស្រី បន្តថា មុនពេលមានរឿងរ៉ាវកើតឡើងចំពោះលោក ភុន យុទ្ធ គ្រួសាររបស់លោកស្រីរស់នៅដោយសុភមង្គល ព្រោះប្ដីគាត់ដែលជាជនពិការជើងពីកំណើត អាចរកចំណូលបានពី៤ម៉ឺនទៅ៥ម៉ឺនរៀលក្នុងមួយយប់ៗ ដោយគាត់អង្គុយលើរទេះពិការ លក់ខ្សែដៃអំបោះវេញចេញជាឈ្មោះ ឲ្យភ្ញៀវជាតិនិងអន្តរជាតិនៅផ្សាររាត្រី ក្នុងក្រុងសៀមរាប៖ «គាត់លក់វត្ថុអនុស្សាវរីយ៍ហ្នឹងនៅលើរទេះ។ គាត់លក់ឲ្យជនជាតិ។ គាត់លក់ហ្នឹងជាង៣ឆ្នាំហើយ។ គាត់លក់វត្ថុហ្នឹងតាំងពីគាត់នៅកំលោះ។ និយាយរួមទៅ ខ្ញុំលក់ខ្សែដៃរបស់ប្ដី ដល់គាត់គេចាប់ទៅបាត់អ៊ីចឹង ខ្ញុំលក់របស់គាត់ លក់មិនសូវដាច់។ វាបន្តិចបន្តួច វាបានហូបចុកមួយគ្រាៗ ដែរ»។
លោកស្រី មុំ វិត រៀបរាប់ទៀតថា ក្រោយពេលលោក ភុន យុទ្ធ ជាប់ពន្ធនាគារ ភ្លាមៗ លោកស្រីនិងកូនស្រី តែងទៅមើលនិងសួរសុខទុក្ខប្ដីនៅពន្ធនាគារ មួយសប្ដាហ៍ម្តង។ លោកស្រី ឲ្យដឹងថា ពេលទៅជួបម្ដងៗ គឺត្រូវចំណាយប្រាក់ប្រមាណ៥ម៉ឺនរៀល ក្នុងនោះ មានបង់ឲ្យអនុរក្សពន្ធនាគារ១ម៉ឺនរៀល បង់ថ្លៃទឹកភ្លើង និងទិញអាហារហូបឲ្យលោក ភុន យុទ្ធ។ ប៉ុន្តែមួយរយៈកាលចុងក្រោយនេះ លោកស្រីខកខានមិនបានទៅសួរសុខទុក្ខប្តីទៀតឡើយ ដោយសារគ្មានថវិកា។
លោកស្រីថា ការចាប់ខ្លួនប្ដីលោកស្រីយកទៅឃុំខ្លួនបែបនោះ គឺជារឿងអយុត្តិធម៌ ចំពោះជនពិការដែលមិនអាចធ្វើអ្វីបាន។ ស្ត្រីវ័យ ២៦ឆ្នាំរូបនេះ ស្នើសុំចៅក្រមសាលាដំបូងខេត្តសៀមរាបដោះលែងលោក ភុន យុទ្ធ ឲ្យមានសេរីភាពវិញ ដើម្បីបានជួបជុំគ្រួសារ ហើយរកប្រាក់ចិញ្ចឹមកូនស្រីដែលជិតដល់វ័យត្រូវចូលរៀនផង៖ «សំណូមពរឲ្យតុលាការជួយដោះលែងគាត់លើកលែងទោសឲ្យគាត់ទៅ ហើយណាមួយគាត់ពិការផង។ ដោះលែងគាត់ឲ្យជួបប្រពន្ធកូន។ ឃុំឃាំងគាត់ធ្វើអី ហើយគាត់ពិការជើង។ បើឃុំគាត់ទៅ បានអីរកស៊ីចិញ្ចឹមប្រពន្ធកូន»។
អ្នករត់រ៉ឺម៉កកង់បីម្នាក់ដែលតែងតែដឹកលោក ភុន យុទ្ធ ទៅលក់វត្ថុអនុស្សាវរីយ៍នៅផ្សាររាត្រី លោក ធឿន សារ៉ន ថ្លែងថា លោក ភុន យុទ្ធ គឺជនពិការម្នាក់ ខុសប្លែកពីជនពិការដទៃទៀត ដោយគាត់ប្រឹងប្រែងរស់នៅចិញ្ចឹមគ្រួសារ តាមលទ្ធភាពដែលគាត់រកបាន៖ «ដល់ពេលគាត់លក់ចប់ហើយ ខ្ញុំទៅជួយលើករទេះគាត់មក ហើយគាត់រំកិលគូថមក ទម្រាំចេញផាប់ស្ទ្រីតហ្នឹង ៥០ម៉ែត្រ។ ពេលភ្ញៀវខ្លះគេស្រណោះអាណិត គេតាមមើលគេឲ្យលុយ ១រៀល ២រៀល គ្រាន់រួចថ្លៃរ៉ឺម៉កហ្នឹងបន្តិចទៅ។ ខ្ញុំសរសើរគាត់ចំណុច គឺគាត់មិនសុខចិត្តទៅសុំទានគេ។ បើសិនជាគាត់សុំទានគេ ប្រហែលគាត់បានច្រើនជាងលក់វត្ថុអនុស្សាវរីយ៍។ គាត់អត់ធ្វើតែម្ដងខ្ញុំសរសើរកន្លែងហ្នឹងតែម្ដង។ បើលើកដៃសំពះសុំគេគេខ្លោចចិត្តហ្មងណា៎ ចុះមនុស្សកខ្វេងកខ្វង់អស់អាលីងទៅហើយសុខចិត្តលក់អ៊ីចឹងណា៎បង»។
លោក ធឿន សារ៉ន ឲ្យដឹងថា លោក ភុន យុទ្ធ ស្រកទម្ងន់ច្រើនជាងពេលគាត់មិនទាន់ជាប់ឃុំបន្ទាប់ពីលោកបានទៅសួរទុក្ខទុកនៅពន្ធនាគារ៖ «ខ្ញុំចូលទៅគាត់ហ្នឹង ខ្ញុំឃើញរលីងរលោងទឹកភ្នែក ហើយអ្នកនៅក្នុងគុតទាំងអស់ក៏គេស្រណោះគាត់ដែរ។ មួយៗ យកគាត់មកឲ្យជួបអ្នកសួរសុខទុក្ខ មានតែអ្នកក្នុងគុកជួយលើកមកដាក់លើកៅអី។ គាត់ឡើងមិនរួច។ សូម្បីតែអ្នកនៅក្នុងគុកហ្នឹង គេអាណិតដល់ហើយ។ គេត្អូញថា ដើរមិនរួចមកទុក្ខទោសជាមួយគេដែរ។ គេថា កុំព្រួយពេក គ្មានអ្នកណាធ្វើបាបគាត់ទេ។ មានតែគេស្រណោះគាត់ហ្នឹង។ គាត់កាវេចកាវច់អស់អាលីងហើយហ្នឹង។ អ្វីដែលធ្វើឲ្យដុតរោល និងចាក់ដោតបំផុតហ្នឹង គាត់ថាមិនចាំបាច់រស់នៅក្នុងគុក សូម្បីតែខាងក្រៅក៏រស់ពិបាកដែរ។ ពាក្យហ្នឹងធ្វើឲ្យយើងខ្លោចចិត្តជំនួសគាត់»។
នគរបាលខេត្តសៀមរាប បានចាប់ខ្លួនលោក ភុន យុទ្ធ វ័យ ៣៦ឆ្នាំ នៅផ្ទះជួលក្រោយវត្តកេសារ៉ារ៉ាម កាលពីព្រឹកព្រលឹមថ្ងៃទី១៨ ខែកក្កដា ដោយចោទប្រកាន់ពីបទញុះញង់ឲ្យមានការរើសអើង និងជេរប្រមាទជាសាធារណៈ។ ការចាប់ខ្លួននោះ ធ្វើក្រោយពេលលោក ភុន យុទ្ធ ប្រើគណនេយ្យហ្វេសប៊ុកឈ្មោះ “ខ្ញុំចង់បាននាយករដ្ឋមន្ត្រីថ្មី “និយាយរិះគន់របបដឹកនាំសព្វថ្ងៃ និងទាមទារឲ្យលោកហ៊ុន សែន ចុះចេញពីតំណែង។ បច្ចុប្បន្នគណនេយ្យហ្វេសប៊ុកលោក ភុន យុទ្ធ មិនអាចរកឃើញនៅក្នុងបណ្ដាញសង្គមហ្វេសប៊ុកទៀតឡើយ។
កាលពីថ្ងៃទី៣ តុលា សាលាដំបូងខេត្តសៀមរាប បានបើកសវនាការលើអង្គសេចក្ដី ជំនុំជម្រះសំណុំរឿង លោក ភុន យុទ្ធ ទាក់ទងនឹងបទចោទ ២ករណី រួមមានបទញុះញង់ឲ្យមានការរើសអើង និងបទជេរប្រមាទជាសាធារណៈលើថ្នាក់ដឹកនាំរបបក្រុងភ្នំពេញ។ ប្រធានចៅក្រមជំនុំជម្រះ លោក ស៊ិន សុវណ្ណារ័ត្ន នឹងប្រកាសសាលក្រមសំណុំរឿងជនពិការរូបនេះ នៅថ្ងៃទី៣០ ខែតុលា។
អ្នកនាំពាក្យសមាគមអាដហុក លោក ស៊ឹង សែនករុណា សង្កេតឃើញថា រាល់អ្នកហ៊ានចេញមុខរិះគន់អំពីភាពអសកម្មរបស់រដ្ឋាភិបាលតាមបណ្ដាញសង្គមហ្វេសប៊ុក អ្នកទាំងនោះតែងតែរងការចោទប្រកាន់និងចាប់ខ្លួនជានិច្ច ដោយជាប់ចោទពីបទញុះញង់និងជេរប្រមាទជាសាធារណៈ។ លោកយល់ថា ថ្នាក់ដឹកនាំប្រទេស គឺជាបុគ្គលសាធារណៈ ដែលគួរណាស់តែបើកចិត្តឲ្យទូលាយ ទទួលយកការរិះគន់ពីគ្រប់និន្នាការទាំងអស់ ដោយមិនគួរចាត់វិធានការផ្លូវច្បាប់ចំពោះពលរដ្ឋដែលហ៊ានចេញមុខរិះគន់បញ្ហាសង្គមនោះឡើយ។ មន្ត្រីផ្នែកសិទ្ធិមនុស្សរូបនេះ ស្នើដល់តុលាការខេត្តសៀមរាប ពិនិត្យមើលសំណុំរឿងជនពិការនេះ ដោយឈរលើសុភវិនិច្ឆ័យត្រឹមត្រូវ និងឯករាជ្យ ក្នុងការផ្ដល់យុត្តិធម៌ដល់ជនជាប់ចោទ៖ «បើសិនជាអាចនោះ អ្នកអនុវត្តច្បាប់គួរតែពិនិត្យមើលបើមានភស្តុតាងឬមានមានវិមតិសង្ស័យដែលបានប្រយោជន៍ដល់ជនជាប់ចោទនោះ គួរពិនិត្យក្នុងចំណុចទាំងអស់នេះវិញ។ ហើយបើសិនការអនុវត្តច្បាប់មិនបានត្រឹមត្រូវ មិនមានភស្តុតាង មានវិមតិសង្ស័យច្រើនគួរទម្លាក់ចោលបទចោទប្រកាន់នេះ ដើម្បីផ្ដល់សិទ្ធសេរីភាពឲ្យគាត់ ដើម្បីបានជួបជុំក្រុមគ្រួសារនិងរកទទួលទាន។ គាត់ជាជនពិការអ៊ីចឹងផង យើងមើលទៅវាពិបាកភ្នែកក្នុងការមើលជនពិការដែលគាត់គ្រាន់តែបញ្ចេញមតិតាមទស្សនៈរបស់ពួកគាត់ដែលពួកគាត់មិនសប្បាយចិត្តនឹងការដឹកនាំរបស់រដ្ឋាភិបាលហ្នឹង បែរជារងគ្រោះនូវការដាក់ទោសទណ្ឌអ៊ីចឹងទៅវិញ»។
ក្រុមគ្រួសារនិងសង្គមស៊ីវិលសង្ឃឹមថា សាលាដំបូងខេត្តសៀមរាបនឹងទម្លាក់ចោលបទចោទករណីលោក ភុន យុទ្ធនៅថ្ងៃទី៣០ តុលាដោយផ្ដល់សេរីភាពដល់ជនពិការរូបនេះ បានជួបជុំក្រុមគ្រួសារវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សកម្មជនបក្សប្រឆាំងជាច្រើននាក់នៅខេត្តឧត្ដរមានជ័យរត់ភៀសខ្លួនពីការបង្ខំឱ្យសារភាព
- របបក្រុងភ្នំពេញពង្រាយយោធា និងសមត្ថកិច្ចប្រដាប់អាវុធល្បាតតាមព្រំដែន ពេលជិតដល់ថ្ងៃកំណត់មាតុភូមិនិវត្តន៍របស់លោក សម រង្ស៊ី
- ខ្មែរនៅអូស្ត្រាលីធ្វើពិធីប្រសិទ្ធិពរជ័យដល់ការវិលចូលស្រុករបស់លោក សម រង្ស៊ី
- បទសម្ភាសន៍ជាមួយលោក អ៊ូ ច័ន្ទឫទ្ធិ ជុំវិញការរៀបចំដំណើរមាតុភូមិនិវត្តន៍របស់លោក សម រង្ស៊ី
- ភរិយាសកម្មជនបក្សប្រឆាំងខេត្តមណ្ឌលគិរីថា ប៉ូលិសចាប់ស្វាមីដោយអយុត្តិធម៌ និងគ្មានអាវជាប់ខ្លួន
- ចលនាសង្គ្រោះជាតិនៅប្រទេសជប៉ុន ប្រកាសធ្វើបាតុកម្ម នៅថ្ងៃទី៣ វិច្ឆិកា ដើម្បីកៀរគរ និងគាំទ្រដំណើរមាតុភូមិនិវត្តន៍ លោក សម រង្ស៊ី
- ពលករខ្មែរមួយក្រុមធ្វើការនៅថៃប្ដេជ្ញាទៅចូលរួមអមដំណើរលោក សម រង្ស៊ី វិលចូលស្រុកវិញ
- មន្រ្តីជាន់ខ្ពស់គណបក្សសង្រ្គោះជាតិអះអាងថា កំពុងចរចាជាមួយភាគីថៃ ដើម្បីឲ្យលោក សម រង្ស៊ី ឆ្លងកាត់ទៅកម្ពុជាតាមព្រំដែនថៃ
- ក្រុមយុវជនស្នើរដ្ឋាភិបាល ឱ្យបង្ហាញភាពច្បាស់លាស់រឿងអភិវឌ្ឍន៍តាមបណ្តោយព្រំដែន និងគ្រប់គ្រងព្រំដែនឲ្យរឹងមាំ
- ពលរដ្ឋមួយចំនួនមិនពេញចិត្តនឹងបម្រាមរបស់អភិបាលខេត្តបន្ទាយមានជ័យរឿងមិនឱ្យមន្ត្រីថ្នាក់ក្រោមចេញក្រៅប្រទេស អំឡុងពេលលោក សម រង្ស៊ី វិលត្រឡប់
មិនស្អប់ខ្ពើមទេ !
តែអាល្ងង់ចោលម្សៀត គួរដាក់គុកវាយ៉ាងតិចដប់ឆ្នាំ !
what you mean Mr ??? it seem you said I like you but I just want to kill you isn’t it right?? this fucking evil is so LNGOUNG
តំបន់ព្រំដែនគឺជាតំបន់គ្មានមេត្តា
***
ជាការពិតណាស់ តំបន់ព្រំដែនកម្ពុជា-ថៃគឺតំបន់កលិយុគ
ប្រទូស្តរាយគ្នាដោយអាវុធរវាងកងទ័ពកម្ពុជា-ថៃតាមគ្រប់
ច្រករបៀងទាំងអស់ ក្នុងពេលដែលថៃបញ្ជូនកងទ័ពចូល
ឈ្លានពានដណ្តើមកាន់កាប់ប្រសាទព្រះវិហារ ដែលជា
បិតិកភ័ណ្ឌពិភពលោករបស់ជាតិខ្មែរ។
ស្ថានភាពបែបនេះ បានតម្រូវឲ្យកងទ័ពកម្ពុជា ប្រុងជើងការ
ត្រៀមប្រយុទ្ធតទល់ស្ត្រូវឈ្លានពានរហូតដល់សព្វថ្ងៃ។
ក្រៅពីច្រករបៀងសម្រាប់ការចេញចូលដោះដូរ ពាណិជ្ជកម្ម
កម្ពុជាថៃ បណ្តារផ្លូវឆ្លងកាត់ផ្សេងទៀត ដែលអាចរាប់បានថា
ជាផ្លូវយុទ្ធសាស្ត្រសង្គាមឈ្លប គឺនៅពោរពេញដោយគ្រាប់
មីនស្អេកស្កះ ដែលមិនទាន់ដោចេញនៅឡើយ។
សង្គ្រាមស៊ីវិល ដែលបានញាំញីកម្ពុជាតាំងពីទស្សវត្សរ៍ឆ្នាំ៧០
ដែលផ្តួចផ្តើមបង្ករឡើងដោយសហរដ្ឋអាមេរិក តាមរយះ
ពួកអាយ៉ងលន់ណុល និងក្រោយមកតាមរយះរបបប្រល័យពូជសាសន៍ប៉ុលពតក្នុងសង្គ្រាមប្រឆាំងរបបសាធារណរដ្ឋប្រជាមានិតុកម្ពុជា រដ្ឋកម្ពុជា ហើយដែលរបបប៉ុលពត បានរួមដៃជាមួយពួកប្រតិកិរិយាផ្សេងទៀតនោះ វិនាសកម្មនៃគ្រាប់មីន នឹងយុទ្ធភណ្ឌមិនទាន់ផ្ទុះបានបង្កើនចំនួនរាប់សឹបម៉ឺន សែន លានគ្រាប់ ហើយដែលបានបង្ករទុក្ខសោក ដល់ប្រជាជនកម្ពុជាដោយសារគ្រាប់មីនរហូតដល់សព្វថ្ងៃនេះ។
សម្រាប់ជនលង់គំនឹតក្រោមឧបាយកលក្បត់ជាតិ របស់ជន
ក្បត់ជាតិសមរង្ស៊ី នឹងបក្សពួក ដែលបានរួមដៃគ្នាកាត់ដី
ប្រទេសកម្ពុជា៤ខេត្តឲ្យយួនដេហ្កាធ្វើ ជាតំបន់ស្វយ័ត ជាថ្នូរដូរយកលុយជិត ៣ម៉ឺនដុល្លាក្នុងមួយខែ ដើម្បីបង្កើតជាទីតាំងប្រឆាំងរដ្ឋាភិបាលវៀតណាមសព្វថ្ងៃ គឺជាការអន្ទោលមករកទុក្ខសោកនៃការបាត់បង់ជិវិត។
មីនគឺជាចំណងមួយ តែការបាញ់ប្រហារ ចំពោះការជ្រៀតចូល
តាមតំបន់ប្រឈម គឺជាគ្រោះថ្នាក់ ដែលមិនអាចបន្ទោស
អ្នកណាបានទេ ។
ដូចនេះជនលង់ក្នុងឧបាយកក្បត់ជាតិសមរង្ស៊ី ត្រូវគឹតឲ្យ
បានច្បាស់ថា តើការធ្វើសកម្មភាពបែបល្ងង់ខ្លៅរបស់អ្នក
ធ្វើដើម្បីអ្វី ? ។ ឱពុកម្តាយអ្នក ប្តី ឬ ប្រពន្ធ កូនរបស់អ្នក
អាចប្រឈមនិងការសោកសង្រេងជាមួយភាពល្ងង់ខ្លៅ
របស់អ្នក ហើយជីវភាពរស់នៅរបស់គ្រួសារ អ្នកក្លាយទៅជាយ៉ាងណា បើពួកអ្នក ដែលជាបង្គោលគ្រួសារបាត់បង់ជិវិតរបួសពិការ ហើយនោះ ។
តែថាបើអ្នកគឺតថាជ្រុលលង់គំនឹតទៅហើយ អ្នកត្រូវរុញ
អាក្បត់ជាតិសមរង្ស៊ី និងបក្សពួកក្បត់ជាតិរបស់វា ឲ្យដើរមុខ
ដើរមុនអ្នក ដោយរក្សាចម្ងាយគម្លាត ពី៥០ម៉ែត្រទៅ៧០ម៉ែត្រ
តាមច្បាប់បំភ្លឺផ្លូវពីអ្នកស៊ើបការណ៍សង្គ្រាម នោះអាចថា អ្នកប្រហែលអាចមានសុវត្ថិភាពត្រឡប់ទៅផ្ទះជួបប្រពន្ធកូនបានវិញខ្លះ ។
តើអ្នកដឹងថា គ្រាប់កាំភ្លើងAK47 រត់បានចម្ងាយប៉ុន្មានទេ ?
ចុះបេ40 B41 មីត្រៃយ៉ើរ ដឺត្រង់ ។ល។ នោះ ។
គឹជាទាហានត្រូវយល់ !
មិនមែនទាស្ងោរ ដែលអ្នកប្រមាថបាននោះទេ !
ជាការពិតណាស់មានពួកអាល្ងង់ មីល្ងង់ខ្លះ ពេលឃើញ
សំណេរដាស់តឿនរបស់ខ្ញុំ វាបែរជាថាខ្ញុំមនុស្សខូចខួរក្បាល ។ តែថាសំណេរខ្ញុំមិនអត់ប្រយោជន៍ទេ ។
ខ្ញុំបានដាស់តឿនអាល្ងង់ខ្លៅ មីល្ងង់ខ្លៅអស់នោះ
កុំឲ្យមានជំនឿខុសបទ ក្រែងវាជាប់គុក ដែលអាចត្រូវគេបាញ់ងាប់អត់ប្រយោជន៍។
ម៉ែពួកអ្នកបង្កើតក្បាលពួកអ្នកមកចង់ឃើញអ្នកមានអាយុវែង
មានជីវភាពរស់នៅសមរម្យថ្លៃថ្នូរដូចគេអែង តែពួកទេដែលមិនប្រឹង ធ្វើឲ្យខ្លួនប្រសើរឡើង ។
ការតបគុណឱពុក ម្តាយ ជាករណីយកិច្ចរបស់កូនគ្រប់រូប
មិនថាអ្នកមានអ្នកក្រ ។ តែបើស្ថានភាពដូចអ្នក តើក្តីរំពឹងរបស់ពួកគាត់ក្នុងពេលគាត់ចាស់ជរា តើបានសមប្រាថ្នាទេ ។
ឯណាទៅពាក្យសន្យា ដែលពួកអ្នកសច្ចារ ថាថែរក្សាពួកគាត់នោះ ? ជឿអាពូជឆ្កែអាក្បត់ជាតិសមរង្ស៊ី ជឿឆ្កែវិញល្អជាង។
សម្រាប់អ្នកដែលដាក់គំនឹត ជឿអាពូជឆ្កែអាក្បត់ជាតិសមរង្ស៊ី
អ្នកគ្រាន់តែជាមនុស្សដែលមានសតិអន់ជាងឆ្កែតែប៉ុណ្ណោះ ។
ប្រយ័ត្នងាប់តៃហោង !
ខ្ជិលនិយាយច្រើន ! តែនេះគឺជាពាក្យដាស់តឿន
ពួកអ្នកជាចុងក្រោយ ។