អាស៊ីសេរី
2020-08-26
RFA
លោក រ៉ុង ឈុន ពេលទៅចូលរួមរំលឹកខួបមរណភាពរបស់បណ្ឌិត កែម ឡី នៅស្ថានីយសាំង កាល់តិច (Caltex) បូកគោ រាជធានីភ្នំពេញ ថ្ងៃទី៨ ខែកក្កដា ឆ្នាំ២០២០។
រូប៖ ពលរដ្ឋ
សាលាឧទ្ធរណ៍ភ្នំពេញមិនអនុញ្ញាតឱ្យលោក រ៉ុង ឈុន បាននៅក្រៅឃុំបណ្ដោះអាសន្ននោះទេ ដោយតម្កល់ការសម្រេចរបស់តុលាការក្រុងភ្នំពេញទុកជាបានការដដែល នៅថ្ងៃទី២៦ សីហានេះ។ មន្ត្រីសិទ្ធិមនុស្សរិះគន់សេចក្ដីសម្រេចនេះថា រឿងមិនត្រឹមត្រូវ។
អំឡុងពេលដំណើរការក្ដីនេះ ក្រុមយុវជនខ្មែរថាវរៈ សហជីព និងពលរដ្ឋ ប្រមាណ ១០០នាក់ នាំគ្នាតវ៉ានៅមុខសាលាឧទ្ធរណ៍ដើម្បីស្នើសុំឱ្យតុលាការដោះលែង លោក រ៉ុង ឈុន និងយុវជនខ្មែរថាវរៈដោយឥតលក្ខខ័ណ្ឌ ។
ប្រធានផ្នែកសិទ្ធិមនុស្សនៃសមាគមការពារសិទ្ធិមនុស្ស អាដហុក (Adhoc) លោក នី សុខា មានប្រសាសន៍ថា ការដោះលែងលោក រ៉ុង ឈុន ឱ្យនៅក្រៅឃុំបណ្ដោះអាសន្នពុំមែនជាការធ្វើឱ្យវឹកវរដល់សង្គមដូចការលើកឡើងរបស់តុលាការនោះទេ។ លោកជឿថា គឺការបន្តឃុំខ្លួនលោកទៅវិញទេ ដែលកាន់តែធ្វើប្រជាពលរដ្ឋផ្ទុះកំហឹង និងនាំគ្នាធ្វើបាតុកម្ម ដែលអាចបង្កឱ្យភាពវឹកវរនៅក្នុងសង្គម ពីព្រោះពលរដ្ឋជាច្រើននាក់គាំទ្រសកម្មភាពរបស់លោក រ៉ុង ឈុន ហើយពួកគាត់តែងតែនាំគ្នាតវ៉ាឱ្យតុលាការដោះលែងមេសហជីពរូបនេះជាបន្តបន្ទាប់៖ «រហូតទៅដល់អាជ្ញាធរមានការប្រើប្រាស់អំពើហិង្សាទៅលើអ្នកតវ៉ាហ្នឹង ប្រទាញប្រទង់ ហើយទៅដល់មានការចាប់ខ្លួនជាបន្តបន្ទាប់ទៅទៀតនេះគឺដោយសារការឃុំខ្លួនលោក រ៉ុង ឈុន ទេ។ខ្ញុំថាផ្ទុយទៅវិញបើសិន មានការដោះលែងលោក រ៉ុង ឈុន ឱ្យនៅក្រៅឃុំ ខ្ញុំគិតថា ការតវ៉ាទាំងអស់នេះនឹងមានភាពស្ងប់ស្ងាត់ទៅវិញទេ។ ដូច្នេះគឺសន្តិភាព ឬក៏ស្ថិរភាពគឺជាការដោះលែងទៅវិញទេ មិនមែនជាការឃុំទេ»។
មេធាវីការពារក្ដីឱ្យលោក រ៉ុង ឈុន គឺលោក ជួង ជួងី ប្រាប់ក្រុមអ្នកសារព័ត៌មាននៅមុខសាលា ឧទ្ធរណ៍ភ្នំពេញថា ក្រុមប្រឹក្សាជំនុំជម្រះបានតម្កល់ការសម្រេចរបស់តុលាការក្រុងភ្នំពេញ រឿងឃុំខ្លួនកូនក្តីរបស់លោកទុកជាបានការដដែល ក្រោមហេតុផលថា ដើម្បីបញ្ចប់បទល្មើស និងកុំឱ្យមានបទល្មើសកើតឡើងជាថ្មី។
ស្របពេលសាលាឧទ្ធរណ៍ភ្នំពេញកំពុងបើកសវនាលើបណ្ដឹងស្នើសុំនៅក្រៅឃុំរបស់លោក រ៉ុង ឈុននេះ ក្រុមប្រជាពលរដ្ឋ ក្រុមយុវជនខ្មែរថាវរៈ និង មន្ត្រីសហជីព ប្រមាណ ១០០នាក់ នាំគ្នាតវ៉ានៅមុខតុលាការជាន់ខ្ពស់មួយនេះ ដើម្បីទាមទារឱ្យតុលាការទម្លាក់ចោលការចោទប្រកាន់ និងដោះលែង លោក រ៉ុង ឈុន និងក្រុមយុវជនខ្មែរថាវរៈជាបន្ទាន់។
យុវជនខ្មែរថាវរៈដែលបានចូលរួមតវ៉ានៅមុខសាលាឧទ្ធរណ៍ភ្នំពេញ កញ្ញា ផូ សារ៉េត ប្រាប់អាស៊ីសេរីថា កញ្ញាសោកស្ដាយយ៉ាងខ្លាំងដែលតុលាការជាន់ខ្ពស់មួយនេះបដិសេធសំណើសុំនៅក្រៅឃុំរបស់លោក រ៉ុង ឈុន។ យុវតីរូបនេះ បន្តថា ពូកកញ្ញានឹងប្រមូលគ្នាសម្ដែងមតិទាមទារឱ្យតុលាការដោះលែងលោក រ៉ុង ឈុន និង ក្រុមយុវជនខ្មែរថាវរៈ ព្រមទាំងសកម្មជននយោបាយ ចេញពីពន្ធនាគារនៅពេលខាងមុខទៀត ដោយមិនមានការរាថយឡើយ។ កញ្ញាបញ្ជាក់ថា តុលាការឃុំខ្លួន លោក រ៉ុង ឈុន និងសកម្មជនសង្គម ទាំងនោះក្នុងពន្ធនាគារដោយអយុត្តិធម៌៖ «ខ្ញុំត្រូវការលោកគ្រូ រ៉ុង ឈុន ហើយហ្នឹងស្នេហាជាតិទាំងអស់នោះ ដែលរងភាពអយុត្តិធម៌ មានការដោះលែងពួកគាត់ជាបន្ទាន់ ។ព្រោះខ្ញុំត្រូវការពួកគាត់ ដើម្បីធ្វើការបម្រើជាតិបន្តទៀត ដើម្បីជួយកូនខ្មែរកំពុងតែរងទុក្ខវេទនា មានគាត់ហ្នឹងហើយដែលជួយដោះស្រាយដល់ពួកខ្ញុំហ្នឹងប្រជាពលរដ្ឋដទៃទៀត។ ខ្ញុំត្រូវការគាត់ គឺឆន្ទៈពួកគាត់គឺក្លាហានមែនទែន ដែលជាវីរបុរសរបស់ពួកខ្ញុំ»។
ប្រធានសហភាពសហជីពកម្ពុជាលោក រ៉ុង ឈុន ត្រូវបានអាជ្ញាធរចាប់ខ្លួនកាលពីយប់ថ្ងៃទី៣១ កក្កដាពីបទ «ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម»។ ការចាប់ខ្លួននេះ បន្ទាប់ពីលោកបាននិយាយថា អាជ្ញាធរវៀតណាមរំលោភយកដីពលរដ្ឋខ្មែរនៅខេត្តត្បូងឃ្មុំ។ ទោះជាយ៉ាងណា ក្រុមអ្នកសង្កេតការណ៍ជាតិ និងអន្តរជាតិជឿថា បញ្ហាព្រំដែននេះ គ្រាន់តែជាលេសប៉ុណ្ណោះ។ ពួកគេថា របបលោក ហ៊ុន សែន ចាប់លោក រ៉ុង ឈុន ដោយសារបារម្ភខ្លាចមេសហជីពរូបនេះ ដឹកនាំក្រុមកម្មករធ្វើបាតុកម្មទ្រង់ទ្រាយធំ បន្ទាប់ពីរបបនេះធ្វើឱ្យបាត់ការអនុគ្រោះពន្ធ EBA ចំនួន២០% ដែលនឹងបណ្ដាលឱ្យកម្មកររាប់ម៉ឺននាក់បាត់បង់ការងារ។
ក្រៅពីចាប់លោក រ៉ុង ឈុន ហើយ អាជ្ញាធររបបក្រុងភ្នំពេញបានបន្តចាប់ខ្លួនមនុស្ស ៦នាក់ទៀត ក្នុងនោះរួមមាន សកម្មជនគណបក្សសង្គ្រោះជាតិ ៣នាក់ យុវជនខ្មែរថាវរៈ ២នាក់ និងប្រធានគណបក្សខ្មែរឈ្នះ លោក សួង សុភ័ណ្ឌ។ ពួកគេទាំង ៦នាក់ គឺជាអ្នកចូលរួមតវ៉ាឱ្យអាជ្ញាធរដោះលែងលោក រ៉ុង ឈុន វិញ។តុលាការបានចោទប្រកាន់ពួកគេពីបទ “ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម” និងឃុំខ្លួនពួកគេក្នុងពន្ធនាគារ ដូចលោក រ៉ុង ឈុន ដែរ។
ក្រុមអង្គការសង្គមស៊ីវិលជាតិ និងអន្តរជាតិ ជាពិសេសសហជីពអន្តរជាតិធំៗ ជាច្រើនស្ថាប័ន បានចេញសេចក្ដីថ្លែងការណ៍ជាបន្តបន្ទាប់ អំពាវនាវឱ្យដោះលែង និងទម្លាក់បទចោទប្រកាន់លោក រ៉ុង ឈុន និងអ្នកជាប់ឃុំទាំងនោះឱ្យមានសេរីភាពជាបន្ទាន់។ អង្គការទាំងនោះក៏ជំរុញឱ្យរដ្ឋាភិបាលគោរពសិទ្ធិ និងសេរីភាពជាមូលដ្ឋានដូចដែលមានចែងក្នុងសន្ធិសញ្ញាអន្តរជាតិនានាពាក់ព័ន្ធនឹងបញ្ហាសិទ្ធិមនុស្សផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សង្គមស៊ីវិលស្នើសុំរដ្ឋាភិបាលឱ្យទទួលយកអនុសាសន៍របស់ពួកគេ ក្នុងការធ្វើវិសោធនកម្មច្បាប់ស្ដីពីអង្គការ សមាគម
- យុទ្ធនាការបញ្ចប់អំពើនិទណ្ឌភាពនៅកម្ពុជា ដែលរៀបចំដោយគណបក្សសង្គ្រោះជាតិ កើនចំនួនគាំទ្រដល់ជិត ១ម៉ឺន ៥ពាន់ (១៤.៧៤៣) នាក់ គិតត្រឹមយប់ថ្ងៃទី២១ សីហា។
- យុទ្ធនាការបំបាត់អំពើនិទណ្ឌភាព មានអ្នកចូលរួមកើនឡើងជាង ១ម៉ឺន ៣ពាន់នាក់
- ក្រសួងមហាផ្ទៃដាក់កំហិតឲ្យមន្ត្រីជ្រើសរើសការងារតែមួយគត់ រវាងក្របខ័ណ្ឌរដ្ឋ និងមេធាវី
- អ្នកវិភាគនិងអ្នកច្បាប់ថា របបក្រុងភ្នំពេញព្រមានពលរដ្ឋមិនឲ្យតវ៉ាដោះលែងលោក រ៉ុង ឈុន ព្រោះខ្លាចធ្លាក់ពីអំណាច
- សង្គមស៊ីវិលស្នើរដ្ឋាភិបាលជួយសម្របសម្រួលដល់ពលរដ្ឋខ្មែរដែលវៀតណាមនឹងកាត់ទោសប្រហារជីវិត
- លោក រ៉ុង ឈុន ត្រូវបានអាជ្ញាធរចាប់ខ្លួន
- មន្ត្រីសង្គមស៊ីវិលជំរុញមានវិធានការផ្លូវច្បាប់លើមន្ត្រីនគរបាលខេត្តព្រៃវែង ៧នាក់ ដែលប្រើហិង្សា និងយកលុយពីជនសង្ស័យករណីគ្រឿងញៀន
- តុលាការភ្នំពេញសម្រេចឃុំខ្លួនជនជាតិចិន១១នាក់ ពីបទចាប់ជំរិត និងបង្ខាំងមនុស្សខុសច្បាប់
- ខួប២៣ឆ្នាំនៃរដ្ឋប្រហារ៖ ប្រពន្ធលោក ហូ សុខ ទុកឱ្យព្រះជាអ្នករកយុត្តិធម៌ជំនួសខ្លួន
ដូចខ្ញុំទាយទុកមិនខុស !
គណបក្សសង្គ្រោះផេះ ក្រោយងាប់តៃហោង ដោយសារការប្រព្រឹត្តនយោបាយក្បត់ជាតិ
បានរៀបចំយុទ្ធសាស្ត្រថ្មី នោះ គឺបំបែកកម្លាំងបង្កើតរូបរាងថ្មី តាមទិសដៅដើម្បីបង្រួមកម្លាំង
ប្រោសឲ្យរស់ឡើងវិញបក្សសង្គ្រោះផេះ ហើយដែលយុទ្ធសាស្ត្របែបនេះ ត្រូវបានអ្នកនយោបាយជំនាន់មុខបានប្រើប្រាសកន្លងមករួចហើយ ។
ការប្រមាណទុករបស់ខ្ញុំ វាត្រូវបានស្តែងចេញូតាមរយះទិដ្ឋភាពជាក់ស្តែង ដែលសួង សុភ័ណ្ឌ មេ
គណបក្សនយោយបាយថ្មី មួយដែលបែកចេញពីអតីតបក្សសង្គ្រោះផេះ ដែលបានងាប់តៃហោង
មកបង្កើតបក្សថ្មី ប៉ុន្តែសួង សុភ័ណ្ឌ នៅដើរតាមនយោបាយ ក្បត់ជាតិ បំផ្លាញជាតិ របស់គណបក្សសង្គ្រោះផេះតែដដែលទេ ។
ឥឡូវនេះ អាក្បាលជ្រូកខ្វៃ សុន ឆៃ អើតក្បាល មករកសុំបើកគណបក្សថ្មី ដូចសួង សុភ័ណ្ឌទៀតហើយ ។
ដូចនេះនឹងមាន មនុស្សសកម្មក្នុងការបង្កើតចលនាបង្ករចលាចលក្នុងសង្គមរបស់អតីតបក្សសង្គ្រោះផេះមកចូលរួមជាមួយបក្សថ្មី ដែលអាក្បាលជ្រេូកខ្វៃ សុន ឆៃបង្កើតឡើង សំដៅប្រោសឲ្យរស់ឡើងវិញអតីតបក្សសង្គ្រោះផេះតែប៉ុណ្ណោះ ។
ពិតហើយ អាក្បាលជ្រូកខ្វៃ សុន ឆៃ ជាមនុស្សកំសាក ជាមនុស្សយកក្បាលជ្រកតែក្រោមសារ៉ុង
ដែលគួរឲ្យអាណឹត។
ប៉ុន្តែភាពឃោរឃៅ របស់ដៃជើងអតីតបក្សសង្គ្រោះផេះ ទៅវិញទេ ដែលនឹង បង្កើតនូវចលាចល
ក្នុងសង្គម បំផ្លាញការរស់នៅសុខសាន្តរបស់ប្រជាជន សំដៅបំផ្លាញសន្តិភាពជាតិទាំងមូល ។
តែថា ការមិនធ្វេសប្រហែស ក្នុងការការពារសន្តិសុខ ជូនប្រជាជន ទោះត្រូវលះបង់ក្នុងតម្លៃណា
ដើម្បីការពារសន្តិភាពជាតិ គឺជាកាតព្វកិច្ច របស់ប្រជាជនកម្ពុជាគ្រប់រូប ក្នុងការកំទេច
រាល់ឪបាយកលដ៏អាក្រក់របស់ ពួកក្បត់ជាតិ នឹងពួករួមដៃក្បត់ជាតិតាមគ្រប់រូបភាព ៕
no comment to this AH CHHKOUTH
I do not think the evil HUN SEN will do any thing to RONG CHHUN the reason why ?? it is world wide story the whole world knew every thing about RONG CHHUN . 2020 is HUN SEN year to go hell . I knew nothing can stop Cambodian from rising up to take HUN SEN out .
វាគ្មានឆន្ទះរាស្រ្តស្អីទេ មី កា ហួរ កាដួយស្វឹត !
បក្សសង្គ្រោះតែកាដួយ សង្គ្រោះតែក្តហ្នឹង វាងាប់តៃហោង តាមផ្លូវច្បាប់ហើយ !
ម៉ោ អះអាងពីឆន្ទះរាស្ត្រកាដួយស្ញេញស្អីទៀត ?
កុំចង់បោក មីកាដួយស្វឹត ។ ភាសានិយាយរបស់ហង វាគ្រាន់តែជាការជួយបិទបាំង
សកម្មភាពរបស់ពួកហង ដើម្បីបំបែកកម្លាំងតូចៗ ឲ្យធ្វើសកម្មភាពបង្ករចលាចល
បំរើឲ្យនយោយបាយសង្គ្រោះផេះ របស់ពួកហង បំផ្លាញជាតិតែប៉ុណ្ណោះ ។
ព្រោះថាសម្រាប់អាក្បត់ជាតិ សម រង្ស៊ី អ្វីដែលវាមិនបានស៊ី កុំសង្ឃឹមថាអ្នកដ៏ទៃបានសុខឲ្យសោះ ។