ដោយ ខែ សុណង
2020-08-27
RFA
លោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជា ពេលទៅពិនិត្យបង្គោលព្រំដែន លេខ ១១៤ នៅភូមិត្រពាំងផ្លុង ស្រុកពញាក្រែក ខេត្តត្បូងឃ្មុំ កាលពីថ្ងៃទី២១ ខែកក្កដា ឆ្នាំ២០២០។
រូប៖ ពលរដ្ឋផ្ដល់ឱ្យ
លោក រ៉ុង ឈុន ធ្លាប់បានលើកឡើងពីការព្រួយបារម្ភ កាលពីលោកនៅមានសេរីភាពករណីកងទ័ពវៀតណាមបោះតង់នៅតំបន់ព្រំដែន ថា អាចនឹងធ្វើឱ្យខាតបង់ទឹកដីកម្ពុជា។ អ្នកឃ្លាំមើលបញ្ហាព្រំដែនរូបនេះក៏ធ្លាប់មានគម្រោងចុះទៅតំបន់វៀតណាមបោះតង់នោះដែរ ប៉ុន្តែលោកត្រូវសមត្ថកិច្ចចាប់ខ្លួនមុនពេលធ្វើដំណើរទៅទីនោះ ខណៈរឿងវៀតណាមបោះតង់នេះ រដ្ឋាភិបាលហាក់មិនទាន់បង្ហាញវិធានការជាក់លាក់ ឬបង្ខំឱ្យវៀតណាមដកតង់ចេញវិញនៅឡើយទេ។
អ្នកឃ្លាំមើលបញ្ហាព្រំដែន និងជាប្រធានសហជីពប្រធានសហភាពសហជីពកម្ពុជា លោក រ៉ុង ឈុន ធ្លាប់លោកឡើងថា អាជ្ញាធរដែនដី ឬក្រសួងមហាផ្ទៃហាក់ដូចជាមិនបានពន្លឿនរបាយការណ៍ស្ដីពីករណីវៀតណាមបោះតង់នៅលើទឹកដីកម្ពុជានោះទេ។ លោកបន្តថា ត្បិតភាគីវៀតណាមលើកហេតុផលថា ការបោះតង់ដើម្បីបង្ការជំងឺកូវីដ១៩ក្ដី ប៉ុន្តែលោកសង្ស័យថា រូបភាពនេះមិនមែនដើម្បីបង្ការ ឬទប់ស្កាត់ជំងឺកូវីដនោះទេ ប៉ុន្តែប្រៀបដូចជាការដាក់ខ្សែត្រៀមដើម្បីប្រុងធ្វើអ្វីមួយគួរឱ្យសង្ស័យ៖ «ក្នុងនាមក្រុមប្រឹក្សាឃ្លាំមើលកម្ពុជាយើងនឹងចុះទៅពិនិត្យអង្កេតថា តើខាងអាជ្ញាធរយួន(វៀតណាម) បានដក ឬមួយរុះរើតង់ក្នុងគោលដៅនីមួយៗហើយឬនៅ?»។
លោក រ៉ុង ឈុន ថា ករណីវៀតណាមបោះតង់នៅតំបន់ព្រំដែនជាការគំរាមកំហែងលើអធិបតេយ្យភាពកម្ពុជា និងការរំលោភបំពានឈ្លានពានលើដែនដីមិនទាន់ដោះស្រាយ ប៉ុន្តែភាគីវៀតណាមបានបោះតង់លើតំបន់នោះ។ លោកក៏ធ្លាប់បង្ហាញជំហរទៅឃ្លាំមើលតំបន់បោះតង់ទាំងនោះ ដើម្បីឃើញពីស្ថានភាពជាក់ស្ដែង៖ «យើងទៅត្រួតពិនិត្យជាក់ស្ដែងថា តើស្ថានភាពនៃការបោះតង់ហ្នឹងប្រែប្រួល ឬយ៉ាងណាហើយ ពីព្រោះនេះជាការគំរាមកំហែងលើគំរាមកំហែងលើអធិបតេយ្យភាពកម្ពុជាយើង ហើយក៏ចាត់ទុកចាររំលោភបំពានលើដែនអធិបតេយ្យភាពកម្ពុជាយើង»។
ក្នុងពេលមានផ្ទុះឡើងនៃករណីជំងឺកូវីដ-១៩ (Covid-19) កាលពីខែមីនាមកអាជ្ញាធរវៀតណាមបានបោះតង់ដោយឯកតោភាគីចំនួន ២៥៦កន្លែងនៅតាមព្រំប្រទល់វៀតណាម។ ទោះការបោះតង់ត្រូវអ្នកឃ្លាំមើលនិងបក្សប្រឆាំងថា ការរំលោភបំពានឈ្លានពានលើដែនដី ប៉ុន្តែរដ្ឋាភិបាលកម្ពុជានៅតែបង្ហាញឥរិយាទន់ភ្លន់លើភាគីវៀតណាម ដោយដោះស្រាយត្រឹមកំណត់ទូតប៉ុណ្ណោះ។
ក្រសួងការបរទេសកម្ពុជា កាលពីខែមីនា បានផ្ញើកំណត់ទូតតវ៉ាអំពីការបោះតង់ និងទាមទារឱ្យភាគីវៀតណាមរុះរើតង់យោធាទាំងអស់ចេញនិងបញ្ឈប់សកម្មភាពនានាដើម្បីរក្សាស្ថានភាពដើមនៅក្នុងតំបន់នោះ។ ប៉ុន្តែក្រសួងការបរទេសវៀតណាមបានឆ្លើយតបកាលពីចុងខែឧសភាថា ការបោះតង់ទាំងនោះមិនមានផលប៉ះពាល់ដល់ខណ្ឌសីមា និងបោះបង្គោលព្រំដែននៃប្រទេសទាំងពីរនោះទេ ។ ចាប់ពីពេលនោះមកភាគីរដ្ឋាភិបាល លោក ហ៊ុន សែន ហាក់យល់ព្រមទទួលការពន្យល់របស់វៀតណាមដោយមិនបានប្រើប្រាស់កម្លាំងទ័ពទៅបណ្ដេញកងទ័ពវៀតណាមទាំងនោះដូចដែលខ្លួនបានធ្វើដាក់ការរំលោភបំពានរបស់កងទ័ពថៃ និងកងទ័ពឡាវ ដែលបានចូលមកដែនដីរបស់កម្ពុជានាពេលកន្លងមក។
គណៈកម្មការកិច្ចការព្រំដែន និងអន្តោប្រវេសន៍នៃគណបក្សសង្គ្រោះជាតិ បានផ្ញើលិខិតចំហពីរច្បាប់ផ្សេងគ្នាដោយមួយច្បាប់ជូន លោក ហ៊ុន សែន និងមួយច្បាប់ទៀតជូនកូនប្រុសច្បងលោក ហ៊ុន សែន គឺលោក ហ៊ុន ម៉ាណែត ដែលមានតួនាទីជាមេដឹកនាំយោធាជាន់ខ្ពស់ឱ្យក្លាហានបណ្ដេញកងទ័ពវៀតណាមដែលកំពុងបានបោះតង់នៅតំបន់ព្រំដែនកម្ពុជា។
ប្រធានគណៈកម្មការកិច្ចការព្រំដែន និងអន្តោប្រវេសន៍នៃគណ បក្សសង្គ្រោះជាតិ លោក អ៊ុំ សំអាន យល់ថា រដ្ឋាភិបាលលោក ហ៊ុន សែន មិនគួរនៅស្ងៀមស្ងាត់បន្តទៀតទេលើករណីវៀតណាមបោះតង់នេះ។ តំណាងរាស្ត្រគណបក្សប្រឆាំងដែលកំពុងរស់នៅក្រៅប្រទេសរូបនេះ ព្រួយបារម្ភថា ទឹកដីកម្ពុជាអាចប្រឈមនឹងការបាត់បង់នៅកន្លែងកងទ័ពវៀតណាមឈរជើង និងបោះតង់ចំនួន៩ខេត្ត ជិតកន្លែង៣០០កន្លែងនោះ៖ «ទ័ពកម្ពុជាទៅព្រំដែនកន្លែងវៀតណាមបោះតង់ដើម្បីរុញច្រានឱ្យវៀតណាមដកតង់ ទៅវៀតណាមវិញដូចកម្ពុជាបានធ្វើរឿងប្រហាក់ប្រហែលជាមួយថៃជាមួយឡាវ»។
លោក អ៊ុំ សំអាន ឱ្យដឹងទៀតថា តាមព័ត៌មានដែលលោកទទួលបានទាហានវៀតណាមបានប្រែក្លាយពីការបោះតង់ ទៅជាការសាងសង់ប៉ុស្តិ៍យាម ឬប៉ុស្តិ៍យោធា ដែលធ្វើអំពីឈើ ក្នុងរយៈពេលពីរបីថ្ងៃកន្លងមកនេះ។ ប៉ុស្តិ៍យាមថ្មីនេះ សាងសង់លើដីខ្មែរ ស្ថិតនៅតំបន់ថ្មបីដុំ ភូមិថ្មបីដុំ ឃុំកណ្តុរជ្រុំ ស្រុកបុរីជលសារ ខេត្តតាកែវ។
របាយការណ៍ចុងក្រោយដែលអាស៊ីសេរីទទួលបានពីអ្នកនាំពាក្យអគ្គស្នងការនគរបាលជាតិ លោក ឆាយ គឹមខឿន កាលពីចុងខែកក្កដាឱ្យដឹងថា តំបន់ព្រំដែននៃខេត្តទាំង៩ របស់កម្ពុជាដែលវៀតណាមកំពុងបោះរោងតង់នោះរួមមាន៖ ខេត្តកណ្ដាល តាកែវ កំពត ព្រៃវែង ស្វាយរៀង ត្បូងឃ្មុំ ក្រចេះ រតនគិរី និងព្រំដែនខេត្តមណ្ឌលគិរី។
អាស៊ីសេរីបានសុំការបំភ្លឺពីការវិវឌ្ឍចុងក្រោយ នៃចំនួនតង់ដែលទាហានវៀតណាមបោះ លោក ឆាយ គឹមខឿន នៅថ្ងៃទី២៦ ខែសីហា ប៉ុន្តែ អ្នកនាំពាក្យរូបនេះ ឱ្យដឹងយ៉ាងខ្លីថា បញ្ហាវៀតណាមបោះតង់មិនទាន់មានការវិវឌ្ឍគួរកត់សម្ភាសនោះទេ។ រីឯករណី លើកឡើងថា ទាហានវៀតណាមបានប្រែក្លាយពីការបោះតង់ ទៅជាការសាងសង់ប៉ុស្តិ៍យាម នៅខេត្តតាកែវ លោក មិនឆ្លើយបំភ្លឺទេដោយជំរុញឱ្យទៅសុំការបញ្ជាក់ពីអាជ្ញាធរខេត្តវិញ។
ទាក់ទងការលើកឡើងនេះ អាស៊ីសេរីមិនអាចសុំការបំភ្លឺពីអភិបាលខេត្តតាកែវ លោក អ៊ូច ភា បានទេ ដោយទូរស័ព្ទចូលគ្មានអ្នកទទួល។
រីឯ នៅខេត្តត្បូងឃ្មុំឯណោះវិញ ពលរដ្ឋជាង ១០៥គ្រួសារ នៅខេត្តត្បូងឃ្មុំ អះអាងថា បាត់ដីស្រែកេរដូនតា ចំនួន ៦០ហិកតារ ក្រោយពីរដ្ឋាភិបាលកំណត់បង្គោលព្រំដែន ជាមួយភាគីវៀតណាម ដែលបញ្ហានេះធ្វើឱ្យរដ្ឋាភិបាល លោក ហ៊ុន សែន ចាប់ខ្លួនលោក រ៉ុង ឈុន ។
ទោះយ៉ាងណា ក្រោយពីពលរដ្ឋ និងយុវជនរិះគន់ រដ្ឋាភិបាលរឿងបោះបង្គោលព្រំដែនមានភាពមិនប្រក្រតីច្រើនលោកនាយករដ្ឋមន្ត្រី ហ៊ុន សែន កាលពីថ្ងៃទី២៥ ខែសីហា បានបញ្ជាឱ្យប្រធានគណៈកម្មការព្រំដែន លោក វ៉ា គឹមហុង ចុះជួបពលរដ្ឋដោយផ្ទាល់នៅខេត្តត្បូងឃ្មុំ ដែលអះអាងថា បាត់ដីស្រែចម្ការកេរឪពុកម្ដាយរបស់ខ្លួន។ ប៉ុន្តែលោក ហ៊ុន សែន មិនបានលើកឡើងពីបញ្ហាវៀតណាមបោះតង់នៅតំបន់ព្រំដែនមកនិយាយនោះទេ។
អ្នកនាំពាក្យគណបក្សប្រជាជនកម្ពុជាលោក សុខ ឥសាន អះអាងថា រដ្ឋាភិបាលដែលដឹកនាំដោយគណបក្សប្រជាជនកម្ពុជាគឺដោះស្រាយបញ្ហាជាមួយប្រទេសជិតខាងដោយសន្តិវិធី និងដោយការចរចា។ លោកបន្តថា បញ្ហាវៀតណាមបោះតង់នេះនៅពេលជំងឺកូវីដបានធូរស្រាលគឺវៀតណាមដកតង់ចេញវិញហើយ។ ចំពោះករណីចាប់ខ្លួននិងចោទប្រកាន់លោក រ៉ុង ឈុន អ្នកនាំពាក្យរូបនេះយល់ថាជារឿងត្រឹមត្រូវតាមផ្លូវច្បាប់៖ «អ៊ីចឹងបានយើងរក្សាបានសន្តិភាពរហូតជាងម្ភៃឆ្នាំនេះគឺដោយសារកម្មវិធីនយោបាយនេះបើយកកម្មវិធីនយោបាយក្រុមឧទ្ទាមក្រៅច្បាប់ គ្មានកម្មវិធីអីទេចង់តែបង្កើតអរិយភាពជាមួយប្រទេសជិតខាង»។
អាជ្ញាធរកម្ពុជាបានចាប់ខ្លួនលោក រ៉ុង ឈុន កាលពីយប់អធ្រាត្រថ្ងៃទី៣១ កក្កដា ដោយចោទប្រកាន់និងបន្តឃុំខ្លួនលោកពីបទ «ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម» ក្រោយពេល
អ្នកឃ្លាំមើលបញ្ហាព្រំដែន សហជីព និងគ្រូបង្រៀនរូបនេះចុះឃ្លាំមើល និងផ្ដល់បទសម្ភាសន៍ជាមួយអាស៊ីសេរីពាក់ព័ន្ធនឹងការចោទថា វៀតណាមរំលោភយកដីពលរដ្ឋខ្មែរនៅខេត្តត្បូងឃ្មុំ។ប៉ុន្តែអ្នកវិភាគនយោបាយលោក គឹម សុខ យល់ថា ការចោទប្រកាន់របស់រដ្ឋាភិបាល ហ៊ុន សែន លើលោក រ៉ុង ឈុន គឺស្មើនឹងការលើកទឹកចិត្តឱ្យវៀតណាមរំលោភបំពានទឹកដីកម្ពុជា។ លោកបន្តថា បើមានការរួមគ្នា កម្លាំងរបស់ក្រុមមហាជននឹងអាចធ្វើឱ្យរដ្ឋាភិបាលដោះលែងលោក រ៉ុង ឈុន ឱ្យមានសេរីភាពវិញ៖ «សកម្មភាពសង្កត់ស្មារតីជាតិខ្មែរនិងលើកទឹកចិត្តឱ្យវៀតណាមឈ្លានពានកម្ពុជាកាន់តែខ្លាំង»។
លោក ឆាយ គឹមខឿន ឱ្យដឹងថា រោងតង់របស់កងទ័ពវៀតណាមចំនួន ២៨៧កន្លែង នៅតំបន់ព្រំដែនក្នុងខេត្តចំនួន ៩មិនទាន់រើចេញវិញនៅឡើយទេ។ លោកបន្តថា រោងដែលវៀតណាមបោះតង់នោះមានទំហំ ៤ គុណ ៥ម៉ែត្រ និងមានកងទ័ពវៀតណាមប្រចាំការពីបីនាក់ទៅប្រាំពីរនាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ពលរដ្ឋមួយគ្រួសារនៅជិតព្រំដែនក្នុងខែត្រស្វាយរៀងត្រូវអាជ្ញាធរវៀតណាមបង្ខំឲ្យរុះរើផ្ទះ
- តុលាការសម្រេចឃុំខ្លួនលោក សួង សុភ័ណ្ឌ និងយុវជនខ្មែរថាវរៈពីរនាក់ ក្នុងពន្ធនាគារ
- ក្រុមយុវជនស្វែងយល់អំពីហានិភ័យនៅតំបន់ព្រំដែនជាប់ប្រទេសវៀតណាម
- អ្នកជំនាញព្រំដែនអំពាវនាវឱ្យពលរដ្ឋងើបឡើងទម្លាក់របបភ្នំពេញក្រោយចាប់ខ្លួនលោក រ៉ុង ឈុន
- ពលរដ្ឋខេត្តត្បូងឃ្មុំថា ទាហានវៀតណាមប្រដាប់អាវុធ គំរាមពលរដ្ឋខ្មែរ
- បក្សប្រឆាំងបង្កើតគណៈកម្មាធិការព្រំដែននិងអន្តោប្រវេសន៍ ខណៈព្រំដែនកម្ពុជារងការយាយីពីវៀតណាមជាថ្មី
- លោក វ៉ា គឹមហុង ថា មិនទាន់ទទួលបានឯកសារស្ដីពីវៀតណាមបោះតង់ពីក្រសួងមហាផ្ទៃ
- ពលរដ្ឋនៅប៉ោយប៉ែតប្រកាន់ជំហរធ្វើបាតុកម្មទាមទារឱ្យបើកច្រកព្រំដែននៅថ្ងៃទី១ មិថុនា
- ក្រុមប្រឹក្សាឃ្លាំមើលកម្ពុជាថា ការហាមពលរដ្ឋទៅមើលព្រំដែន ដោយខ្លាចដឹងពីការបោះបង្គោលព្រំដែនចូលទឹកដីខ្មែរ
- ក្រសួងការបរទេសថា វៀតណាមមិនទាន់រើតង់ ២៨ទីតាំងចេញពីតំបន់មិនទាន់ឯកភាពព្រំដែនខេត្តកណ្ដាល
ដូចខ្ញុំទាយទុកមិនខុស !
គណបក្សសង្គ្រោះផេះ ក្រោយងាប់តៃហោង ដោយសារការប្រព្រឹត្តនយោបាយក្បត់ជាតិ
បានរៀបចំយុទ្ធសាស្ត្រថ្មី នោះ គឺបំបែកកម្លាំងបង្កើតរូបរាងថ្មី តាមទិសដៅដើម្បីបង្រួមកម្លាំង
ប្រោសឲ្យរស់ឡើងវិញបក្សសង្គ្រោះផេះ ហើយដែលយុទ្ធសាស្ត្របែបនេះ ត្រូវបានអ្នកនយោបាយជំនាន់មុខបានប្រើប្រាសកន្លងមករួចហើយ ។
ការប្រមាណទុករបស់ខ្ញុំ វាត្រូវបានស្តែងចេញូតាមរយះទិដ្ឋភាពជាក់ស្តែង ដែលសួង សុភ័ណ្ឌ មេ
គណបក្សនយោយបាយថ្មី មួយដែលបែកចេញពីអតីតបក្សសង្គ្រោះផេះ ដែលបានងាប់តៃហោង
មកបង្កើតបក្សថ្មី ប៉ុន្តែសួង សុភ័ណ្ឌ នៅដើរតាមនយោបាយ ក្បត់ជាតិ បំផ្លាញជាតិ របស់គណបក្សសង្គ្រោះផេះតែដដែលទេ ។
ឥឡូវនេះ អាក្បាលជ្រូកខ្វៃ សុន ឆៃ អើតក្បាល មករកសុំបើកគណបក្សថ្មី ដូចសួង សុភ័ណ្ឌទៀតហើយ ។
ដូចនេះនឹងមាន មនុស្សសកម្មក្នុងការបង្កើតចលនាបង្ករចលាចលក្នុងសង្គមរបស់អតីតបក្សសង្គ្រោះផេះមកចូលរួមជាមួយបក្សថ្មី ដែលអាក្បាលជ្រេូកខ្វៃ សុន ឆៃបង្កើតឡើង សំដៅប្រោសឲ្យរស់ឡើងវិញអតីតបក្សសង្គ្រោះផេះតែប៉ុណ្ណោះ ។
ពិតហើយ អាក្បាលជ្រូកខ្វៃ សុន ឆៃ ជាមនុស្សកំសាក ជាមនុស្សយកក្បាលជ្រកតែក្រោមសារ៉ុង
ដែលគួរឲ្យអាណឹត។
ប៉ុន្តែភាពឃោរឃៅ របស់ដៃជើងអតីតបក្សសង្គ្រោះផេះ ទៅវិញទេ ដែលនឹង បង្កើតនូវចលាចល
ក្នុងសង្គម បំផ្លាញការរស់នៅសុខសាន្តរបស់ប្រជាជន សំដៅបំផ្លាញសន្តិភាពជាតិទាំងមូល ។
តែថា ការមិនធ្វេសប្រហែស ក្នុងការការពារសន្តិសុខ ជូនប្រជាជន ទោះត្រូវលះបង់ក្នុងតម្លៃណា
ដើម្បីការពារសន្តិភាពជាតិ គឺជាកាតព្វកិច្ច របស់ប្រជាជនកម្ពុជាគ្រប់រូប ក្នុងការកំទេច
រាល់ឪបាយកលដ៏អាក្រក់របស់ ពួកក្បត់ជាតិ នឹងពួករួមដៃក្បត់ជាតិតាមគ្រប់រូបភាព ៕
how can rescue party dead like AH CHHKOUTH . so SOCHEATH said ?? CNRP is becoming the party of all Cambodian who wanted to recue their own nation the leader is not just SAM RANSY or KIM SOKHA the whole Cambodian nationalist was also the leaders. some uneducated animal said CNRP was dead is wrong OK if you said dead but this party make you felling good every day . like Cambodian word said >>KMOUCH NGAP KADOR KHENG is I said it right AH CHHKOUTH??