ទំនាក់ទំនងអន្តរជាតិ, ព័ត៌មានជាតិ, សិទ្ធិមនុស្ស
លោក សេង ថៃ | ១៨ កញ្ញា ២០២១ |ម៉ោង ១២:៤១
VOD
លោក អាន សុខខឿន តំណាងកម្ពុជាប្រចាំនៅអង្គការសហប្រជាជាតិ (អ.ស.ប)។
តំណាងកម្ពុជាប្រចាំនៅអង្គការសហប្រជាជាតិ (អ.ស.ប) លោក អាន សុខខឿន បានចេញប្រតិកម្មតបតទៅគណៈប្រតិភូបារាំងនិងអាមេរិកចំពោះការរិះគន់អំពីបញ្ហាសិទ្ធិមនុស្សនៅកម្ពុជា ខណៈមន្ត្រីសិទ្ធិមនុស្សកម្ពុជាយល់ថា ការបន្តច្រានចោលរបស់កម្ពុជា មិនមែនជារឿងល្អឡើយ។
យោងតាមបទអន្តរាគមន៍របស់ឯកអគ្គរាជទូតនិងជាតំណាងអចិន្រ្តៃយ៍កម្ពុជាប្រចាំនៅ អ.ស.ប នៅក្នុងសម័យប្រជុំលើកទី៤៨ នៃក្រុមប្រឹក្សាសិទ្ធិមនុស្ស អ.ស.ប កាលពីថ្ងៃទី១៥ ខែកញ្ញា ឆ្នាំ២០២១ ថា ការរិះគន់ប្រទេសណាមួយ គឺជាសិទ្ធិរបស់គណៈប្រតិភូគ្រប់រូប។ តែទោះជាបែបនេះក្តី ដើម្បីអាចឲ្យមានភាពជឿជាក់បាន ការរិះគន់ត្រូវតែផ្អែកលើហេតុផលត្រឹមត្រូវ មានតុល្យភាព មិនជ្រើសរើសតែមួយជ្រុង និងសមាមាត្រ។
បន្ថែមពីនេះលោកបានចោទជាសំណួរ៣ចំណុចទៅកាន់គណៈប្រតិភូបារាំង និងសហរដ្ឋអាមេរិក ថា តើគណៈប្រតិភូទាំងពីរជឿជាក់ថា មតិលើកឡើងរបស់ខ្លួនមានហេតុផលត្រឹមត្រូវដែរឬទេ? តើគណៈប្រតិភូទាំងពីរប្រាកដហើយថា បទអន្តរាគមន៍របស់ខ្លួន មានតុល្យភាព និងមិនជ្រើសរើសតែមួយជ្រុង? និងថា តើគណៈប្រតិភូទាំងពីជឿជាក់ថា សេចក្តីថ្លែងការណ៍របស់ខ្លួនមានភាពសមាមាត្រឬទេ នៅពេលគណៈប្រតិភូទាំងពីរបំប៉ោងសិទ្ធិពលរដ្ឋនិងនយោបាយឱ្យសំខាន់លើសលុបជាងសិទ្ធិផ្សេងទៀត ដូចជា សិទ្ធិរស់រានមានជីវិត សុខភាព ការទទួលបានម្ហូបអាហារ ការអប់រំ និងការអភិវឌ្ឍ?
បន្ថែមលើការចោទជាសំណួរទាំងបីចំណុចខាងលើនេះ តំណាងកម្ពុជាប្រចាំនៅអង្គការសហប្រជាជាតិក៏បានលើកឧទារណ៍ពីការស្នើសុំសិទ្ធិធ្វើនយោបាយឡើងវិញរបស់ក្រុមអតីតសមាជិកបក្សប្រឆាំងចំនួន ២៦ រូប ការទទួលបានការចាក់វ៉ាក់សាំងការពារជំងឺកូវីដ-១៩ ចំនួន ៧២%នៃចំនួនប្រជាពលរដ្ឋសរុបជាដើម។
លោកបានលើកជាសំណួរថា៖ «តើគណៈប្រតិភូទាំងពីរជឿទេថា សេចក្តីថ្លែងការណ៍របស់ខ្លួនមានភាពសមាមាត្រឬទេ នៅពេលគណៈប្រតិភូទាំងពីរបំប៉ោងសិទ្ធិពលរដ្ឋនិងនយោបាយឲ្យសំខាន់លើសលុបជាងសិទ្ធិផ្សេងទៀតដូចជា សិទ្ធិរស់រានមានជីវិត សុខភាព ការអប់រំ និងការអភិវឌ្ឍ?»។
លោក សឹង សែនករុណា មន្រ្តីស៊ើបអង្កតជាន់ខ្ពស់នៃអង្គការសិទ្ធិមនុស្សអាដហុកយល់ថា ការបដិសេធ ការច្រានចោលរបស់ឯកអគ្គរាជទូត និងជាតំណាងអចិន្ត្រៃយ៍កម្ពុជា គឺមិនមែនជារឿងថ្មីនោះទេ។ បន្ថែមពីនេះលោកមានការព្រួយបារម្ភចំពោះស្ថានភាពសិទ្ធិមនុស្ស ព្រោះថា អង្គការសហប្រជាជាតិ និងអង្គការអន្តរជាតិនានាសុទ្ធតែមានមន្រ្តីជំនាញ។ លើសពីនេះលោកបារម្ភថា ការបដិសេធម្ដងហើយម្ដងទៀតនេះ ធ្វើឱ្យសម្ពាធអន្តរជាតិកាន់តែច្រើនឡើង ដែលប៉ះពាល់ដល់ជីវភាពរបស់ពលរដ្ឋ និងការធ្លាក់ចុះនៃលទ្ធិប្រជាធិបតេយ្យ។
លោកលើកឡើងថា៖ «យើងមានការព្រួយបារម្ភពីព្រោះសហគមន៍អន្តជាតិគេលើកឡើងមិនមែនអត់មូលដ្ឋានទេ គេមានអ្នកជំនាញរបស់គេក្នុងការតាមដាន វាយតម្លៃ ទៅលើស្ថានភាពទាំងអស់ហ្នឹងដែរ ការច្រានចោលរបស់យើងម្ដងហើយម្ដងទៀតអ្វីដែលជាការប៉ះពាល់ គឺទៅលើខ្លួនឯង»។
លោកបន្តថា៖ «គេអាចនឹងពិចារណាទៅលើសម្ពាធរបស់គេបន្ថែមទៀតមកលើប្រទេសកម្ពុជា យើងព្រួយបារម្ភអំពីសេដ្ឋកិច្ច សង្គម ឬក៏នយោបាយនៅក្នុងប្រទេសកម្ពុជាយើងហ្នឹង អាចថា វានឹងអាចមានស្ថានភាពតានតឹង នៅពេលមានស្ថានភាពហ្នឹងឡើងវាប៉ះពាល់ទៅហើយជីវភាព សិទ្ធិសេរីភាពរបស់ប្រជាពលរដ្ឋ ប្រជាធិបតេយ្យហ្នឹង»។
សហរដ្ឋអាមេរិក កាលពីពេលថ្មីៗនេះ បានបង្កើតសេចក្តីព្រាងច្បាប់ស្តីពីលទ្ធិប្រជាធិបតេយ្យកម្ពុជាឆ្នាំ២០២១ ដែលសំដៅដាក់ទណ្ឌកម្មលើបុគ្គលសំខាន់ក្នុងជួររដ្ឋាភិបាល កងកម្លាំងប្រដាប់អាវុធ និងយោធាជាដើម។ សហរដ្ឋអាមេរិកដែលបានចោទរដ្ឋាភិបាលកម្ពុជាថា បានបំផ្លាញលទ្ធិប្រជាធិបតេយ្យនៅកម្ពុជាចាប់តាំងពីឆ្នាំ២០១៧មក៕
រក្សាសិទ្វិគ្រប់យ៉ាងដោយ ស៊ីស៊ីអាយអឹម
សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។ ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។
it is so sad to see this young have learned from that evil monster HUN NAL regime. as the old used to say the good seed is coming from the healthy tree but we are seeing a rotten tree spreading his bad seed in a small privet farm hoping no one care about it. as Cambodian I still wishing all the young in this generation can see outside world and understanding what going on in their home town . we Cambodian knew HUN NAL is the wars evil in this century of humankind . we also knew HUN NAL the evil monster is wars then POL POT in those killing field we knew POL POT regime was the killer and also CPP by HUN NAL Vietcong poppet was also help to murder so many Cambodian in the back door. starting from 1979 HUN NAL regime started to showing his true evil at first they started K5 Vietcong plan that time ten of thousand Cambodian youth was kill by land mine malaria starvation ,military cue by HUN NAL, granite murder , murder protester , all kind of back door killing ,jailing . after all HUN NAL regime is coming too close to the end . we know the situation is getting too hot just about to exploding at any time no matter what HUN NAL do it will be the end of this monster killer . ORS LEAK …..CHHEAM SREK SBEK HOV soon