ព្រឹត្តិការណ៍កម្ពុជាប្រចាំថ្ងៃ
30/12/2023 – 12:44
ដោយ៖ ជួប នរក្សា
RFI
អ្នកគាំទ្រគណបក្សភ្លើងទៀនកម្ពុជា ហែក្បួនក្នុងពេលយុទ្ធនាការឃោសនារកសំឡេងឆ្នោតសម្រាប់ការបោះឆ្នោតឃុំសង្កាត់ថ្ងៃទី៥ ខែមិថុនា នៅរាជធានីភ្នំពេញ ប្រទេសកម្ពុជា នៅថ្ងៃសៅរ៍ ទី២១ ខែឧសភា ឆ្នាំ២០២២។ © AP – Heng Sinith
ការបោះឆ្នោតជ្រើសតាំងសមាជិកព្រឹទ្ធសភា នឹងត្រូវធ្វើឡើងនៅថ្ងៃទី២៥កុម្ភៈឆ្នាំ២០២៤ខាងមុខ។ សម្រាប់ការបោះឆ្នោតព្រឹទ្ធសភាលើកនេះ មានគណបក្សនយោបាយចូលរួមចំនួន៤ គឺ គណបក្សប្រជាជនកម្ពុជា គណបក្សហ៊្វុនស៊ិនប៉ិច គណបក្សឆន្ទៈខ្មែរ ដែលតំណាងឲ្យគណបក្សភ្លើងទៀន និងគណបក្សកម្លាំងជាតិ ដែលទើបបង្កើតថ្មី។ ការបោះឆ្នោតព្រឹទ្ធសភាលើកនេះ ត្រូវគេមើលឃើញថា មានគណបក្សប្រឆាំងដល់ទៅ២បានចូលរួម គឺគណបក្សឆន្ទៈខ្មែរ និងគណបក្សកម្លាំងជាតិ។ ការណ៍នេះ អ្នកតាមដាននយោបាយ កត់សម្គាល់ថា អាសនៈរបស់បក្សប្រឆាំងនឹងអាចត្រូវបែកខ្ញែកគ្នាជាបន្តទៀត ខណៈដែលលោក សម រង្ស៊ី ប្រធានស្តីទីនៃអតីតគណបក្សសង្រ្គោះជាតិ យល់ថា គណបក្សប្រឆាំងនឹងអាចទទួលបានអាសនៈចំនួន៨ ចេញពីការបោះឆ្នោតព្រឹទ្ធសភាខាងមុខ។