ដោយ អាស៊ីសេរី
2025.05.08
ដោយ អាស៊ីសេរី
ក្រសួងកសិកម្ម រុក្ខាប្រមាញ់ និងនេសាទ បានប្រកាសហាមឃាត់ជាបណ្ដោះអាសន្ន ការនាំចូលសត្វពាហនៈ និងផលិតផលសាច់សត្វពីច្រកព្រំដែនទាំងអស់ជាមួយប្រទេសថៃ ដើម្បីទប់ស្កាត់កុំឱ្យមានការឆ្លងរីករាលដាលជំងឺឈាមខ្មៅ ឬជំងឺអង់ត្រាក់ ពីប្រទេសថៃចូលមកក្នុងប្រទេសកម្ពុជា។
សេចក្ដីប្រកាសព័ត៌មានរបស់ក្រសួងកសិកម្មកាលពីថ្ងៃទី៦ឧសភា បានលើកឡើងថា បើទោះជាជំងឺនេះ មិនទាន់ឆ្លងចូលកម្ពុជា ប៉ុន្តែក្រសួងកំពុងយកចិត្តទុកដាក់ការឆ្លងជំងឺនេះ នៅក្នុងប្រទេសថៃ និងកំពុងសហការយ៉ាងជិតស្និទ្ធជាមួយអាជ្ញាធរនៅតាមព្រំដែន ដើម្បីពិនិត្យនិងបង្ការកុំឱ្យជំងឺនេះឆ្លងចូលមកកម្ពុជា។
កម្ពុជាបិទការនាំចូលសត្វ និងផលិតផលសាច់ពីប្រទេសថៃដើម្បីទប់ស្កាត់ការរាលដាលជំងឺឈាមខ្មៅ
កាសែតបាងកកប៉ុស្ដិ៍ ចុះផ្សាយកាលពីថ្ងៃទី៧ ឧសភា ថា អាជ្ញាធរថៃនៅក្នុងខេត្ត មុកដាហាន (Mukdahan) ស្ថិតនៅភាគឦសានប្រទេសថៃ បានប្រកាសរកឃើញជំងឺឈាមខ្មៅចំនួន៤ករណី ក្នុងនោះស្លាប់ម្នាក់។ ជំងឺនេះ ឆ្លងតាមរយៈការប៉ះពាល់ផ្ទាល់ ឬការបរិភោគសាច់គោឆៅដែលមានផ្ទុកមេរោគនេះ។
អាជ្ញាធរថៃ បានអំពាវនាវឱ្យពលរដ្ឋរបស់ខ្លួន ជៀសវាងការទទួលទានសាច់គោឆៅ ឬចម្អិនក្នុងសីតុណ្ហភាព១២០អង្សារសេ និងត្រូវទុកឱ្យពុះរយៈពេល២០នាទី។ ជំងឺអង់ត្រាក់ ឬឈាមខ្មៅ ដែលមានប្រភពចេញពីសត្វគោនេះ មិនទាន់មានថ្នាំវ៉ាក់សាំងការពារនៅឡើយ ហើយភាគច្រើន ត្រូវបានរកឃើញលើសត្វផ្សេងទៀត ដូចជា ក្របី ពពែ និងចៀមជាដើម៕
#ខ្លីៗពីអាស៊ីសេរី [២៧៩]៖ សកម្មជនការពារព្រៃឈើថា ដែនជម្រកព្រៃព្រះរការកំពុងរងការកាប់បំផ្លាញធ្ងន់ធ្ងរ
#ខ្លីៗពីអាស៊ីសេរី [២៧៩]៖ សកម្មជនការពារព្រៃឈើថា ដែនជម្រកព្រៃព្រះរការកំពុងរងការកាប់បំផ្លាញធ្ងន់ធ្ងរ
រឿងរ៉ាវសំខាន់ៗក្នុងថ្ងៃទី០៨ខែឧសភា ឆ្នាំ២០២៥៖
១ មេដឹកនាំគណបក្សឆន្ទៈ ខ្មែរជួបលោក ថាច់ សេដ្ឋា និងអ្នកជាប់ឃុំផ្សេងទៀតនៅពន្ធនាគារ
២ សង្គមស៊ីវិលស្នើឱ្យតុលាការដោះលែងឪពុក លោក ស៊ន តារា
៣ សកម្មជនការពារព្រៃឈើអះអាងថា ដែនជម្រកព្រៃព្រះរការកំពុងរងការកាប់បំផ្លាញធ្ងន់ធ្ងរ។
៤ កម្ពុជាប្រកាសបិទការនាំសត្វ និងផលិតផលសាច់សត្វពីប្រទេសថៃដើម្បីទប់ស្កាត់ជំងឺឆ្លងឈាមខ្មៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។