ភ្នំពេញ: រហូតមកដល់ព្រឹកថ្ងៃអាទិត្យ ទី១១ ខែវិច្ឆិកា ឆ្នាំ២០១២ គឺមិនមានព័ត៌មានអ្វីសោះ ត្រូវបានរាជរដ្ឋាភិបាលកម្ពុជា ចេញប្រកាសផ្សព្វផ្សាយ ជុំវិញកិច្ចប្រជុំកំពូលអាស៊ាន លើកទី២១ ដែលគ្រោងនឹងចាប់ផ្តើមពីថ្ងៃទី១៥ ដល់ថ្ងៃទី២០ ខែវិច្ឆិកា ឆ្នាំ២០១២ នៅវិមានសន្តិភាព ក្នុងរាជធានីភ្នំពេញ។
ថ្ងៃទី 11 វិច្ឆិកា 2012
ដោយ: លី សិលា
CEN
គេហទំព័រ www.asean2012.mfa.gov.kh ដែលត្រូវបានបង្កើតឡើង ដើម្បីផ្តល់ព័ត៌មានជុំវិញកិច្ចប្រជុំអាស៊ាន ដែលកម្ពុជា នៅឆ្នាំនេះ ជាប្រធានអាស៊ាន គឺមិនមានព័ត៌មានអ្វីអំពីកិច្ចប្រជុំកំពូលអាស៊ាន លើកទី២១ និងកិច្ចប្រជុំកំពូលពាក់ព័ន្ធ ដែលនឹងធ្វើឡើងនៅរាជធានីភ្នំពេញ នាប៉ុន្មានថ្ងៃទៀតនេះទេ។
យ៉ាងណាក៏ដោយ តាមដំណឹងចេញពីកាសែតបរទេស បង្ហាញថា កម្ពុជា នឹងធ្វើជាម្ចាស់ផ្ទះ ក្នុងនាមជាប្រធានអាស៊ាន នៅឆ្នាំ២០១២ ដើម្បីរៀបចំកិច្ចប្រជុំកំពូលអាស៊ាន លើកទី២១ ចាប់ពីថ្ងៃទី១៥ ដល់ថ្ងៃទី២០ វិច្ឆិកា តែកិច្ចប្រជុំរវាងប្រមុខដឹកនាំអាស៊ានទាំង ១០ ប្រទេស និងកិច្ចប្រជុំកំពូលពាក់ព័ន្ធដទៃទៀត នឹងធ្វើឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា នៅរាជធានីភ្នំពេញ។ ក្នុងនោះ ក៏មានកិច្ចប្រជុំកំពូលអាស៊ី-បូព៌ា លើកទី៧ ដែលមានការចូលរួមពីប្រមុខដឹកនាំអាស៊ានទាំង ១០ ប្រទេស គឺព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ារ ហ្វីលីពីន សឹង្ហបុរី ថៃ និងវៀតណាម។ ចំណែកមេដឹកនាំប្រទេសមហាអំណាចសំខាន់ៗ ចំនួន ៨ ប្រទេសទៀត ដែលជាដៃគូអាស៊ាន រួមមាន៖ ប្រទេសអាមេរិក ប្រទេសចិន ប្រទេសជប៉ុន ប្រទេសរុស្សី ប្រទេសឥណ្ឌា ប្រទេសអូស្ត្រាលី ប្រទេសនូវែលហ្សឺឡង់ និងប្រទេសកូរ៉េខាងត្បូង។
តាមសេចក្តីរាយការណ៍ ប្រធានបទសំខាន់ៗ សម្រាប់កិច្ចប្រជុំកំពូលអាស៊ាន លើកទី២១ រួមទាំងកិច្ចប្រជុំកំពូលពាក់ព័ន្ធជាច្រើនទៀត នឹងលើកឡើងពីបញ្ហាតំបន់ និងពិភពលោក ដែលរួមមានជាអាទិ៍ ការបង្កើនទំនាក់ទំនងក្នុងតំបន់ និងពិភពលោក និងការបង្កើតសហគមន៍អាស៊ាន នៅឆ្នាំ២០១៥ ជាដើម។ ក្នុងនោះ បញ្ហាជម្លោះសមុទ្រ រវាងចិន និងបណ្តាប្រទេសសមាជិកអាស៊ានមួយចំនួន ជម្លោះដែនសមុទ្ររវាងកូរ៉េ និងជប៉ុន ក៏ត្រូវបានគេរំពឹងថា នឹងក្លាយជារបៀបវារៈ ដែលមេដឹកនាំពិភពលោកកំពូលៗ លើកឡើង ក្នុងកិច្ចប្រជុំ នៅរាជធានីភ្នំពេញ នាប៉ុន្មានថ្ងៃខាងមុខផងដែរ។
កិច្ចប្រជុំកំពូលទាំងនោះ នឹងផ្តល់ឱកាសដល់មេដឹកនាំកំពូលៗ ដើម្បីពិភាក្សា និងដាក់ចេញនូវយុទ្ធសាស្ត្រគន្លឹះ ដើម្បីដោះស្រាយបញ្ហានយោបាយ និងបញ្ហាសេដ្ឋកិច្ច ព្រមទាំងកិច្ចសហប្រតិបត្តិការ ដើម្បីស្ថិរភាព សន្តិភាពក្នុងតំបន់ និងពិភពលោក ព្រមទាំងបង្កើនកិច្ចសហប្រតិបត្តិការលើផ្នែកសេដ្ឋកិច្ចផងដែរ។
កាលពីថ្ងៃទី៣ និងថ្ងៃទី៤ ខែមេសា ឆ្នាំ២០១២ កម្ពុជា ក្នុងនាមជាប្រធានអាស៊ាន បានធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ាន លើកទី២០ និងកិច្ចប្រជុំពាក់ព័ន្ធជាមួយប្រទេសដៃគូ នៅរាជធានីភ្នំពេញ ប្រកបដោយជោគជ័យ ក្រោមប្រធានបទ “អាស៊ាន៖ សហគមន៍តែមួយ វាសនាតែមួយ”។
សម្រាប់ព្រឹត្តិការណ៍ជាប្រវត្តិសាស្ត្រ នៃកិច្ចប្រជុំកំពូលអាស៊ាន លើកទី២១ និងកិច្ចប្រជុំកំពូលពាក់ព័ន្ធជាច្រើនទៀតនោះ ក្រសួងព័ត៌មាន បានឲ្យដឹងថា អ្នកកាសែតបរទេសជាង ១.៦០០ នាក់ មកពីជុំវិញពិភពលោក បានចុះឈ្មោះ ដើម្បីចូលរួមយកព័ត៌មានអំពីកិច្ចប្រជុំនោះ។
តាមលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាលកម្ពុជា គឺចំនួនអ្នកកាសែតបរទេសជាង ១.៦០០ នាក់នេះ គេមិនទាន់រាប់ដល់ចំនួនអ្នកកាសែត ដែលអមដំណើរប្រមុខរដ្ឋ ប្រមុខរដ្ឋាភិបាលរបស់គេឡើយ។ គ្រាន់តែលោកប្រធានាធិបតីអាមេរិក អូបាម៉ា គឺមានអ្នកកាសែតជាង ១០០ នាក់ នឹងអមដំណើរលោក មកកាន់តុប្រជុំកំពូល រវាងអាស៊ាន-អាមេរិក និងកិច្ចប្រជុំអាស៊ី-បូព៌ា។
សេចក្តីរាយការណ៍ ក៏បានបង្ហាញថា មកដល់ថ្ងៃនេះ ប្រមុខដឹកនាំប្រទេសមហាអំណាចកំពូលៗ ដែលបានបញ្ជាក់ពីវត្តមាន មកកាន់កិច្ចប្រជុំកំពុល នៅរាជធានីភ្នំពេញ រួមមាន៖ លោកប្រធានាធិបតីអាមេរិក Barack Obama, លោកប្រធានាធិបតីរុស្ស៊ី Vladimir Putin, លោកនាយករដ្ឋមន្ត្រីចិន Wen Jiabao, លោកនាយករដ្ឋមន្ត្រីជប៉ុន Yoshihiko Noda, លោកនាយករដ្ឋមន្ត្រីឥណ្ឌា Manmohan Singh, លោកប្រធានាធិបតីកូរ៉េខាងត្បូង Lee Myung-bak, លោកស្រីនាយករដ្ឋមន្ត្រីអូស្ត្រាលី Julia Gillard និងលោកនាយករដ្ឋមន្ត្រី នូវែលហ្សឺឡង់ John Key នឹងមកចូលរួមជាមួយនឹងសម្តេចនាយករដ្ឋមន្ត្រី ហ៊ុន សែន រួមទាំងប្រមុខដឹកនាំអាស៊ាន ៩ ប្រទេសទៀត នៅក្នុងកិច្ចប្រជុំកំពូលអាស៊ីបូព៌ា ដែលនឹងប្រព្រឹត្តិទៅ នៅថ្ងៃទី២០ ខែវិច្ឆិកា ឆ្នាំ២០១២ នៅវិមានសន្តិភាព ក្នុងរាជធានីភ្នំពេញ។
ទោះជាយ៉ាងណាក៏ដោយ គេសង្ឃឹមថា ព័ត៌មានលម្អិត ជុំវិញកិច្ចប្រជុំកំពូលអាស៊ាន លើកទី២១ និងកិច្ចប្រជុំកំពូលពាក់ព័ន្ធ នឹងត្រូវក្លឹបអ្នកកាសែត រៀបចំតុមូល ដោយមានលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាល ធ្វើជាវាគ្មិន នៅព្រឹកថ្ងៃទី១៣ ខែវិច្ឆិកា ឆ្នាំ២០១២ នៅសណ្ឋាគារ កាំបូឌីយ៉ាណា ក្នុងរាជធានីភ្នំពេញ៕
ជាថ្ងៃដែលរីកមុខរីកមាត់បំផុត ហើយ ក៏ជាថ្ងៃបាក់មុខបាក់មាត់បំផុត សំរាប់ បុរសភ្នែកទោល
ម្នាក់ នេះ ។ ស៊យច្រើនជាងលាភ ហើយ មើលទៅ ។
Ah Neak Leng, the Son of the Whore!
Srey Khmer is the Son of the Whore! don’t forget your source. អាចុយម្រាយ
ធ្វើមិចក៏ដោយឲ្យតែប្រទេសយើង បានសុខសប្បាយ ទៅថ្ងៃមុក ខ្ញុំសប្បាយចិត្តណាស់។ ខ្ញុំជារាស្ត្រខ្មែរម្នាក់ ខ្ញុំក៏ចង់ឃើញមេដឹកនាំពិភពលោកមកលេងយើង ចង់ឃើញខ្មែរយើងមានមុខនឹងគេ លើអន្តរជាតិ។