តំណាងសហជីពកម្មករមួយចំនួនឲ្យដឹងថា កម្មកររោងចក្រកាត់ដេរប្រហែលមួយម៉ឺននាក់ នៅរាជធានីភ្នំពេញ និងតាមខេត្តនានា បាននាំគ្នាធ្វើបាតុកម្មនៅថ្ងៃទី២៤ ធ្នូ ទាមទារដំឡើងប្រាក់ខែគោលចំនួន ១៦០ដុល្លារ។
ដោយ វោហារ ជាតិ និង ហ៊ុំ ចំរើន
2013-12-24
RFA
ស្តាប់សំឡេង
កម្មកររោងចក្រ មេតថេក ខេមបូឌា ខូអិលធីឌី (Medtecs Cambodia Co., Ltd) នៅចំណុចផ្លូវជាតិលេខ៧ នាគព័ន្ធ ក្នុងខេត្តកំពង់ចាម ធ្វើបាតុកម្មទាមទារដំឡើងប្រាក់ខែ នៅថ្ងៃទី២៤ ធ្នូ ២០១៣។ RFA/Saut Sokprathna
បាតុកម្មច្រើនកន្លែងដូច្នេះ ធ្វើឡើងបន្ទាប់ពីក្រសួងការងារ និងបណ្ដុះបណ្ដាលវិជ្ជាជីវៈ សម្រេចប្រកាសដំឡើងប្រាក់ខែគោលឲ្យកម្មករត្រឹម ៩៥ដុល្លារ ចំនួននេះខុសពីការទាមទាររបស់កម្មករសុំដំឡើងចំនួន ១៦០ដុល្លារក្នុងពេលកន្លងមក។
តំណាងសហជីពនានាឲ្យដឹងថា កម្មករដែលធ្វើបាតុកម្មនៅថ្ងៃទី២៤ ធ្នូ នេះ គឺមានកម្មករកម្មការិនីរាប់រយនាក់ដែលតំណាងឲ្យកម្មកររោងចក្រជាង ១០០នៅទូទាំងប្រទេស ប្រមូលផ្ដុំគ្នានៅមុខក្រសួងការងារនិងបណ្ដុះបណ្ដាលវិជ្ជាជីវៈ នៅពេលកម្មកររោងចក្រ ផាក ស៊ុន ណៃធិង (Pak Sun Knitting) ប្រមាណ ៥០០នាក់ នាំគ្នាប្រមូលផ្ដុំនៅមុខរោងចក្រស្ថិតក្នុងសង្កាត់ចាក់អង្រែក្រោម នៅរសៀលថ្ងៃទី២៤ ធ្នូ ទាមទារដំឡើងប្រាក់ខែគោល ១៦៥ដុល្លារដូចគ្នា។
ក្រៅពីនេះ ក៏មានកម្មកររោងចក្រតាមខេត្តមួយចំនួនក៏នាំគ្នាធ្វើបាតុកម្មទាមទារប្រាក់ខែគោលដូចគ្នាដែរ។ កម្មកររោងចក្រ មេតថេក ខេមបូឌា (Medtecs Cambodia Co., Ltd) នាខេត្តកំពង់ចាម ប្រមាណ ៣.០០០នាក់ ធ្វើបាតុកម្មបិទផ្លូវជាតិលេខ៧ នៅខេត្តកំពង់ចាម ហើយនៅខេត្តស្វាយរៀង ឯនោះវិញ កម្មកររោងចក្រ មេនហាតថេន (Manhattan) ប្រហែល ៥.០០០នាក់ បាននាំគ្នាធ្វើបាតុកម្មទាមទារដូចគ្នាដែរ។
ការធ្វើបាតុកម្មស្ទើរទូទាំងប្រទេសនេះ គឺធ្វើឡើងស្របពេលរដ្ឋាភិបាលបានសម្រេចដំឡើងប្រាក់ខែគោលកម្មករពីចំនួន ៨០ដុល្លារ ដល់ ៩៥ដុល្លារនៅថ្ងៃទី២៤ ធ្នូ នេះ តែកម្មករមិនព្រម។
អនុប្រធានផ្នែកអង្កេតសិទ្ធិមនុស្ស និងក្រុមមេធាវីនៃសមាគមអាដហុក (Adhoc) លោក ណៃ វ៉ង់ដា បញ្ជាក់ថា ការទាមទាររបស់កម្មករនេះធ្វើឡើងដោយសារទំនិញលើទីផ្សារឡើងថ្លៃខ្ពស់មិនឈប់ឈរ៖ «ការធ្វើបាតុកម្មទាមទារប្រាក់ខែគោល ១៦០-១៦៥ដុល្លារនេះ គឺបងប្អូនកម្មករមិនអាចទប់ទល់ទំនិញឡើងថ្លៃ និងថ្លៃជួលផ្ទះឡើងថ្លៃបាន។ នៅពេលយើងទាមទារដំឡើងប្រាក់ខែកន្លងមកមិនទាន់បានផង ស្រាប់តែម្ចាស់ផ្ទះជួលផ្ទះឲ្យកម្មករដំឡើងថ្លៃបន្ទប់មួយបន្ទប់ ៥ដុល្លារបាត់ហើយ ក្រៅពីនេះទំនិញផ្សារ ម្ហូបអាហារ ខ្ទឹម ម្រេច ប៊ីចេង ត្រីសាច់ ក៏ឡើងថ្លៃកប់ពពក។ កម្មករយើងពិបាករស់ណាស់»។
កម្មករនៅក្រុងបាវិតធ្វើកូដកម្មទាមទារដំឡើងប្រាក់ខែ
ប្រធានសហភាពសហជីពកម្ពុជា ចូលរួមធ្វើបាតុកម្មជាមួយក្រុមកម្មករកម្មការិនីប្រមាណ ៥ពាន់នាក់ នៅតំបន់សេដ្ឋកិច្ចពិសេស មេនហាធេន (Manhatan) ក្រុងបាវិត និងបានអំពាវនាវឲ្យកម្មករផ្អាកធ្វើការងារដើម្បីដាក់សម្ពាធទៅរដ្ឋាភិបាលឲ្យដំឡើងប្រាក់ខែកម្មករម្នាក់ ១៦០ដុល្លារក្នុងមួយខែ។ ប៉ុន្តែមន្ត្រីការងារខេត្តស្វាយរៀង បញ្ជាក់ថា មកទល់ពេលនេះ នៅពុំទាន់មានសញ្ញាណាមួយដែលបញ្ជាក់ពីជំហរទាមទាររបស់ក្រុមកម្មករច្បាស់លាស់នៅឡើយទេ។
ប្រធានសហភាពសហជីពកម្ពុជា ឲ្យដឹងថា គោលជំហររបស់ក្រុមកម្មករគឺចង់ទាមទារឲ្យរដ្ឋាភិបាលដំឡើងប្រាក់ខែដល់កម្មករឲ្យបានសមស្របតាមទំនិញទីផ្សារសព្វថ្ងៃ ហើយទាមទារឲ្យមានការដំឡើងប្រាក់ខែដល់កម្មករគិតចាប់ពីនៅដើមឆ្នាំ២០១៤ ខាងមុខនេះតទៅ។
ប្រធានសហភាពសហជីពកម្ពុជា លោក រ៉ុង ឈុន ថ្លែងនៅថ្ងៃទី២៤ ធ្នូ ថា លោកចូលរួមធ្វើបាតុកម្មជាមួយក្រុមកម្មកររោងចក្រនៅតំបន់សេដ្ឋកិច្ចពិសេសនៅក្រុងបាវិត ក្នុងគោលបំណងដើម្បីជួយអន្តរាគមន៍ដល់ក្រុមកម្មករដើម្បីឲ្យរដ្ឋាភិបាលដំឡើងប្រាក់ខែដល់ពួកគេឲ្យបានសមរម្យ។
លោក រ៉ុង ឈុន បានគូសបញ្ជាក់ថា ប្រាក់ខែរបស់កម្មករសព្វថ្ងៃតិចតួចមិនអាចយកទៅដោះស្រាយជីវភាពប្រចាំថ្ងៃរបស់ពួកគេឲ្យប្រសើរឡើងបានទេ បើប្រៀបធៀបទៅនឹងតម្លៃទំនិញសព្វថ្ងៃនោះ៖ «យើងធ្វើដើម្បីផលប្រយោជន៍កម្មករទាំងអស់គ្នាទេ មិនមែនផលប្រយោជន៍បុគ្គលណាមួយ។ ដូច្នេះសូមឲ្យបងប្អូនកម្មករកម្មការិនីចូលរួមឲ្យបានច្រើនកុះករ ត្រូវបិទរោងចក្រទាំងស្រុងទូទាំងប្រទេស ដើម្បីដាក់សម្ពាធទៅដល់រដ្ឋាភិបាលឲ្យមានការដំឡើងបៀវត្សជូនយើងទាំងអស់គ្នាទៅតាមរូបមន្តទី៣ ដែលក្រសួងការងារបានកំណត់យក ៨០ បូក ៨០ ស្មើនឹង ១៦០ដុល្លារ»។
កម្មកររោងចក្រនៅតំបន់សេដ្ឋកិច្ចពិសេសនាក្រុងបាវិត ខេត្តស្វាយរៀង ពួកគេបានធ្វើកូដកម្មដាក់សម្ពាធឲ្យថៅកែរោងចក្ររកដំណោះស្រាយឲ្យខ្លួនជិត ១០ថ្ងៃហើយ។ ប៉ុន្តែការទាមទាររបស់ក្រុមកម្មករមកទល់ពេលនេះនៅពុំទាន់មានពន្លឺដែលបញ្ជាក់ជាសញ្ញាវិជ្ជមាននៅឡើយទេ។
ទាក់ទងនឹងបញ្ហាការធ្វើកូដកម្មរបស់ក្រុមកម្មករនេះ អនុប្រធានមន្ទីរការងារខេត្តស្វាយរៀង លោក អ៊ូ សុខឿន មានប្រសាសន៍ថា ការធ្វើកូដកម្មទាមទាររបស់ក្រុមកម្មករមកទល់ពេលនេះនៅពុំទាន់មានជំហរបញ្ជាក់ពីការទាមទាររបស់ខ្លួននៅឡើយទេ។
លោក អ៊ូ សុខឿន៖ «បងប្អូនកម្មករគ្រាន់តែមិនចូលធ្វើការប៉ុន្មានថ្ងៃនេះ គាត់នៅក្នុងមេនហាតធេនហ្នឹង គាត់មិនទាន់មានការទាមទារអីច្បាស់លាស់ផងហ្នឹង។ គាត់គ្រាន់តែផ្អើលៗតាមគ្នាហ្នឹងអស់មួយសប្ដាហ៍ទៅ។ រួចហើយម្សិលមិញនេះក៏មានគណបក្សសង្គ្រោះជាតិ ហើយសហជីពគាត់មកស្រែកនាយអាយអីអ៊ីចឹងទៅ ក៏ផ្អើលបានប៉ុន្មានថ្ងៃហ្នឹងទៀតទៅ»។
តែយ៉ាងណា តំណាងកម្មករនៅតំបន់សេដ្ឋកិច្ចពិសេសមេនហាតធេន ឲ្យដឹងថា ក្រុមកម្មករធ្វើកូដកម្មក្នុងគោលបំណងដើម្បីកែលំអលក្ខខណ្ឌការងារដែលមន្ត្រីរបស់ក្រុមហ៊ុនបានគាបសង្កត់បិទសិទ្ធិសេរីភាព និងសុំដំឡើងប្រាក់ខែរបស់កម្មករឲ្យបានសមរម្យ៖ «នៅថ្ងៃ១៦ មានរោងចក្រមួយចំនួនកូដកម្មចេញពីធ្វើការទាំងអស់ ទាំងតំបន់តាយសេង ទាំងតំបន់មេនហាតធេន។ ដល់អ៊ីចឹងហើយកម្មករចេះតែជ្រួលនៅរោងចក្រទាំង២តំបន់ហ្នឹង ថាទារដំឡើងប្រាក់គោលអត់មានអីទេ គ្រាន់តែថា គាត់ទារប្រាក់ខែឲ្យបានសមរម្យសម្រាប់កម្មករកម្មការិនីហ្នឹង»។
មកទល់ពេលនេះ នៅខេត្តស្វាយរៀង មានរោងចក្រប្រមាណជាង ៣០រោងចក្រហើយដែលបានបិទទ្វារមិនដំណើរការដោយសារក្រុមកម្មករធ្វើកូដកម្មមិនចូលទៅធ្វើការនោះ។ ក្រុមកម្មករបញ្ជាក់ថា ពួកគេបន្តធ្វើកូដកម្មដើម្បីរង់ចាំការដំឡើងប្រាក់ខែគោលរបស់កម្មករនៅចុងឆ្នាំ២០១៣ នេះ៕
២៤-ធ្នូ-២០១៣៖ កម្មកររោងចក្រ មេតថេក ខេមបូឌា (Medtecs Cambodia Co., Ltd) នាខេត្តកំពង់ចាម ធ្វើបាតុកម្មទាមទារដំឡើងប្រាក់ខែ។
២៤-ធ្នូ-២០១៣៖ កម្មករនៅតំបន់សេដ្ឋកិច្ចពិសេស មេនហាតធេន (Manhatten) នាខេត្តស្វាយរៀង ធ្វើបាតុកម្មទាមទារដំឡើងប្រាក់ខែ។
២៤-ធ្នូ-២០១៣៖ កម្មករបិទផ្លូវសហព័ន្ធរុស្ស៊ី នៅខាងមុខក្រសួងការងារ ក្រោយការសម្រេចផ្ដល់ប្រាក់ខែគោលត្រឹម ៩៥ដុល្លារ។
២៤-ធ្នូ-២០១៣៖ កម្មកររោងចក្រ មេតថេក ខេមបូឌា (Medtecs Cambodia Co., Ltd) នាខេត្តកំពង់ចាម ធ្វើបាតុកម្មទាមទារដំឡើងប្រាក់ខែ។ RFA/Saut Sokprathna
២៤-ធ្នូ-២០១៣៖ កម្មកររោងចក្រ មេតថេក ខេមបូឌា (Medtecs Cambodia Co., Ltd) នាខេត្តកំពង់ចាម ធ្វើបាតុកម្មទាមទារដំឡើងប្រាក់ខែ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ៕
អត្ថបទដែលទាក់ទង
- ការតវ៉ារបស់អតីតអ្នកបឹងកក់ក្លាយជាអំពើហិង្សា
- មេដឹកនាំសហជីពនឹងដឹកនាំមហាបាតុកម្មនៅចុងខែធ្នូតវ៉ារឿងប្រាក់ខែកម្មករ
- គ្រូពេទ្យអំពាវនាវឲ្យបាតុករសង្គ្រោះជាតិរក្សាអនាម័យ
- លោក សម រង្ស៊ី ចូលរួមតវ៉ាដំឡើងប្រាក់ខែឲ្យកម្មករនៅក្រុងបាវិត
- ម្ចាស់ឡានខ្មែរតវ៉ាបិទផ្លូវនៅគល់ស្ពានមិត្តភាពកម្ពុជា-ថៃ
- លោក រ៉ុង ឈុន ត្រៀមដឹកនាំកម្មករធ្វើមហាបាតុកម្មនៅដើមឆ្នាំ២០១៤
- បក្សប្រឆាំងហែក្បួនបាតុកម្មឈានដល់ថ្ងៃទី៩
- អតីតអ្នកបឹងកក់តវ៉ាទាមទារសំណងពីសាលារាជធានី
- ពលរដ្ឋនៅស្វាយរៀងតវ៉ាថាតុលាការកាត់ក្តីអយុត្តិធម៌
i want to see cambodia got chaos & happy to see it
I like the CPP! I always vote for the CPP! However, I do not like the way its work as clan like the inlaws, the children, the siblings, the nephews, the nieces, the cousins, are put into all ministers. It seems that the clan own Cambodia! For instance, when the father is a minister of foreign affair, he designates his children to be the Ambassadors in various countries, The guy who is the minister of Mine & Energy assigns his nephew to be the head of the EDC,………………….. ………………………………………..This act is NOT Justice For All!
SfdfyzkoekmkffcuzuxNboityy sis
សូមជួយតំឡើងប្រាក់ខែខ្ញុំផង (៥៤ម៉ឺនរៀល បច្ចុប្បន្ន) ខ្ញុំធ្វការតាំងពី១៩៩១បន្ទាប់ពីបញ្ចប់Msc.នៅសកលវិទ្យាល័យ១នៅក្រៅប្រទេសនិងក្រោយមកបញ្ចប់MBA នៅប្រទេស១នៅអ៊ឺរុបខាងលិច។ធ្វើការ២០ឆ្នាំសូម្បីកាំប្រាក់មិនឡើងផង។
បើពួកក្បត់បក្ស ក្បត់គ្នា ពួករ់ចោលជួរហ៊្វុនស៊ិនប៉ិចអីក៏ឡើងច្រើនម្លេះ??
បើបក្សប្រជាជនវិញអ្នកខ្លះមិនដែលធ្វើរាជការផង ខ្លះទៀតចេះតែជេរគរតាមហ្វេសប៊ុកសម័យបោះឆ្នោតស្រាប់តែលេចមុខជាអនុរដ្ឋលេខាធិការ រដ្ឋលេខាធិការ។ល។
បែណ្ឌីតជា ក្នុយ(សមាជិកCPPតាំពី១៩៧៩)
រដ្ឋាភិបាលគួរតែដំឡើងប្រាក់ខែគោលឲ្យកម្មករយ៉ាងហោចណាស់ឲ្យបាន១២០ទៅ១៣០ដុល្លា
នៅឆ្នាំ២០១៤នេះរួចហើយសន្យានឹងឡើងដល់១៦០ដុល្លានៅឆ្នាំ២០១៥។យើងជឿថាកម្មករ
ប្រាកដជាយល់ព្រមជាមិនខាន។ម្យ៉ាងយើងអាចទុកពេលវេលាសមស្របមួយដល់ថៅកែរោង
ចក្រត្រៀមលក្ខណះជាមុនផងដែរ។
មកដល់ដំណាក់កាលនេះហើយការចរចារលើប្រធានបទកាលពីមុនថាសើុបអង្កេតរកការពិតនោះវាហួសពេលអស់ ទៅហើយ ព្រោះតែការខកខានរបស់បក្សប្រជាជនក្នុងការចរចារគ្នាដោយស្មោះត្រង់ដោយកាលណោះគឺបក្សប្រជា ជនគ្រាន់តែចរចារដើម្បីពន្យាពេលក្នុងការរង់ចាំដល់ថ្ងៃប្រជុំសភាលើកទី១តែប៉ុណ្ណោះ។ ដូច្នេះការចរចារលើកមុនគឺ បក្សប្រជាជនមានគំនិងវៀចវៀរនិងក្បត់បក្សសង្គ្រោះជាតិទាំងមួយពប្រចភ្នែកតែប៉ុណ្ណោះ។ ដោយសារតែភាពមិន ស្មោះត្រង់របស់បក្សប្រជាជននេះហើយទើបខ្ញុំសូមសំណូមពរដល់លោកប្រធានសមរង្សីនិងលោកគឹមសុខាថា ប្រសិនបើត្រូវជួបចរចារម្តងទៀតមែននោះនោះសូមលោកប្រធានមេត្តាកុំលើកយកប្រធានបទដដែលអីត្រូវតែលើក តែពីប្រធានបទបានហើយ គឺត្រូវតែរៀបចំការបោះឆ្នោតសារជាថ្មីក្នុងរយះពេល៣ខែខាងមុខជាដាច់ខាតមិនពន្យា ពេលរហូតដល់១ឆ្នាំឬ២ឆ្នាំអីនោះទេ ហើយប្រសិនបើមិនព្រមបោះឆ្នោតសារជាថ្មីហ៊ុនសែនត្រូវតែចុះចេញពី អំណាច។ សូមលោកប្រធានបក្សប្រឆាំងទាំងពីកុំបន្ទន់ជំហរឲ្យសោះលើកនេះត្រូវតែផ្តួលរបបផ្តាច់ការឲ្យបានក្នុង ពេលឆាប់ៗនេះមិនអត់អោនឲ្យពួកដែលធ្វើបាបរាស្ត្ររាប់ទស្សវត្សឲ្យរួចខ្លួននោះទេព្រោះប្រជាជនដូចបាក់ទឹកទំនប់ អញ្ចឹងកំពុងតែសំរុកមកគាំទ្របក្សប្រឆាំង។ សូមជូនពរការតស៊ូរបស់ពួកយើងជាអ្នកប្រជាធិបតេយ្យទទួលបាន ជ័យជំនះក្នុងពេលឆាប់ៗខាងមុខនេះ ហើយពួកផ្តាច់ការវាកំពុងតែស្លន់ស្លោដោយសារកំលាំងប្រជាជនហើយ ឥឡូវនេះ។