Tuesday, 24 December 2013
ភ្នំពេញប៉ុស្តិ៍
ភ្នំពេញៈ ក្រុមប្រជាពលរដ្ឋដែលជាអតីតភូមិបឹងកក់ និងព្រះសង្ឃមួយក្រុម បានផ្ទុះហិង្សាជាមួយសមត្ថកិច្ចមួយប្រាវនៅរសៀលថ្ងៃអង្គារនេះទៀត នៅមុខសាលារាជធានីភ្នំពេញ ក្រោយពីក្រុមប្រជាពលរដ្ឋទាំងនោះព្យាយាមសំរុកចូលក្នុងសាលារាជធានី។
ការប៉ះទង្គិចគ្នាមួយប្រាវនេះ បានបណ្តាលឲ្យខូចខាត ស៊ុំរូបថត នៅមុខសាលារាជធានីភ្នំពេញ និងកាលព្រឹកមិញនេះដែរ ក៏មានការប៉ះទង្គិចមួយប្រាវជាមួយនឹងសមត្ថកិច្ច ក្រោយពីពួកគេបានបិទផ្លូវមុខសាលារាជធានី និងបានបណ្តាលឲ្យមានការចាប់ខ្លួន និងរងរបួសបន្តិចបន្តួច។
កាលពីម្សិលមិញ អតីតប្រជាសហគមន៍ បឹងកក់ ដែលទទួលយកសំណងហើយមកពីបុរីសន្តិភាព ២ ស្ថិតនៅក្នុងភូមិ ដំណាក់ត្រយឹង រួមទាំងបណ្តាញព្រះសង្ឃឯករាជ្យប្រមាណជា ១០០ អង្គ-នាក់ បានសម្រេចបិទផ្លូវមុខសាលារាជធានីភ្នំពេញដើម្បីទាមទារឲ្យអភិបាល រាជធានីភ្នំពេញ ផ្តល់ប្រាក់សំណងបន្ថែមនិងជួយដោះស្រាយទៅតាមការសន្យារបស់ខ្លួន មុនពេលបោះឆ្នោត ដូចដែលគ្រួសារនីមួយៗ បានបំពេញនៅក្នុងសាលាកបត្ររួចហើយ។
ពលរដ្ឋនិងព្រះសង្ឃបានបិទផ្លូវ ព្រះមុនីវង្សដោយសារតែ លោកអភិបាលរាជធានីភ្នំពេញពុំបានចេញមុខមកជួប។
កាលពីម្សិលមិញ នៅម៉ោង ២ រសៀល ក្រុមបាតុករបានសម្រេចដុតកង់ឡាននៅខាងមុខសាលារាជធានីភ្នំពេញ ដោយមានទាំងសំឡេងទូងស្គរនិងវាយឆ្នាំងអមជាមួយផង។
សូមរំឭកថា កាលពីឆ្នាំ ២០០៧ រដ្ឋាភិបាលបានចុះហត្ថលេខាជាមួយក្រុមហ៊ុន ស៊ូកាគូអ៊ីន វិនិយោគលើគម្រោង បឹងកក់ ចំនួន ៧៩ លានដុល្លារ រយៈពេល ៩៩ ឆ្នាំលើផ្ទៃដី ១៣៣ ហិកតា បានធ្វើឲ្យប៉ះពាល់ប្រជាពលរដ្ឋជាង ៤២០០ គ្រួសារ រស់នៅក្នុងតំបន់ បឹងកក់ នេះ ហើយរហូតមកដល់បច្ចុប្បន្នពលរដ្ឋតវ៉ាស្វែងរកដំណោះស្រាយនៅពុំទាន់ ចប់នៅឡើយ។
មន្ត្រីអង្គការសិទ្ធិមនុស្សនានា បានថ្លែងថា ប្រជាពលរដ្ឋ បឹងកក់ ភាគច្រើនត្រូវបានអាជ្ញាធរបង្ខំឲ្យចេញពីផ្ទះ ដោយទទួលសំណងមិនសមរម្យ ហើយនៅសល់ជាង ៧០ គ្រួសារ បានតស៊ូក្រាញននៀលមិនព្រមចាកចេញមកទល់សព្វថ្ងៃនេះ។
<.br>
ប្រជារាស្រ្តដល់កហើយ លែងត្រូវការមេដឹកនាំដែលគិតតែប្រយោជន៍បក្សពួកនិយម គ្រួសារនិយម មិនរក យុត្តិធម៌ជូនរាស្រ្តបែរជាកាន់ជើងពួកឈ្មួញទុច្ចរិតសង្កត់សង្កិនយកដីយកផ្ទះរបស់រាស្រ្តុ។នេះហើយជាចំណុចក្តៅដែលធ្វើឲ្យរាស្រ្តឃើញកាន់តែច្បាស់នូវទង្វើអាក្រក់និងពុំបានបោះឆ្នោតជូនកាលពីរដូវសុំទានសម្លេងឆ្នោតពីរាស្រ្តទូទាំងប្រទេស។
THIS IS YOUR FATHER BIG MISTAKEN MANET.DID YOU SEE THAT THIS PROBLEM HE SHOULT TAKING CARE FOR LONG TIME AGO.HE BEEN WAITING UNTIL IT BURSE ON FIRE.IT MEAN YOUR FATHER HAVE NO ABILITY TO LEAD THIS COUNTRY.YOU SHOULT CONVINCE YOUR FATHER GET OUT OF POLITIC.IT IS YOUR FULTURE TOO.PEACE FOR ALL CAMBODIAN THANK YOU
these low class citizen is violated city hall ‘s rights, they are deserving to arrests n jailing times
the authorities has the rights to keep these peoples under control,,
they already crossed the red line..
—
don’t let them do this again,