ដោយ៖ ញឹម សុខន
ថ្ងៃពុធ ទី25 ខែធ្នូ ឆ្នាំ2013
http://vodhotnews.com
លោក កឹម សុខា ឈរនៅលើរថយន្ត តាមក្បួនដង្ហែ នៅរសៀលថ្ងៃពុធនេះ/ញឹម សុខន
ប្រធានគណបក្សសង្គ្រោះជាតិ លោក សម រង្ស៊ី និងអនុប្រធាន លោក កឹម សុខា ចាប់ផ្តើមដឹកនាំក្រុមបាតុកររាប់ម៉ឺននាក់ពីទីលានប្រជាធិបតេយ្យ នៅម៉ោងជិត៤រសៀលនេះ ដើម្បីជំរុញឲ្យមានការបោះឆ្នោតឡើងវិញ និងការផ្លាស់ប្តូរថ្នាក់ដឹកនាំ។
ការដង្ហែជាក្បួននេះ ខុសពីការដង្ហែជាក្បួនសព្វមួយដង ដោយសារបាតុករជាច្រើនពាន់នាក់ បានចូលរួម ដោយជំរុញឲ្យរដ្ឋាភិបាល ដំឡើងប្រាក់ឈ្នួលបន្ថែមដល់ទៅ១៦០ដុល្លារ បន្ទាប់ពីក្រសួងការងារ បានសម្រេចដំឡើងទៅដល់៩៥ដុល្លារ សម្រាប់ឆ្នាំ២០១៤។
យោងសេចក្ដីជូនដំណឺងរបស់គណបក្សសង្គ្រោះជាតិ ដែលមានការបង្ហាញផែនទីតម្រាយផ្លូវហែក្បួន សម្រាប់ថ្ងៃពុធនេះ ឲ្យដឹងថា ក្បួននឹងហែចេញពីទីលានប្រជាធិបតេយ្យ តាមផ្លូវ៦១ រហូតដល់ផ្លូវ៤៧ បត់ឆ្វេងឆ្ពោះទៅរង្វង់មូលស្តាតចាស់ (គល់ស្ពាន់ជ្រោយចង្វា) រួចបត់ឡើងស្ពានជ្រោយចង្វារ តាមផ្លូវជាតិលេខ ៦អា រហូតដល់វត្តគៀនឃ្លាំង បត់ស្តាំដល់ផ្លូវលំ បត់ឆ្វេងតាមផ្លូវមាត់ទន្លេ រហូតដល់វត្តវារិន្ទ (វត្តព្រែកលៀប) បត់ឆ្វេងដល់ផ្លូវជាតិលេខ៦អា បត់ឆ្វេង រហូតល់ស្ពានជ្រោយចង្វាវិញ បត់តាមរង្វង់មូលស្តាតចាស់ ចូលមហាវិថីព្រះមុនីវង្ស ដល់កែងផ្លូវ ១០៨ បត់ឆ្វេងចូលទីលានប្រជាធិបតេយ្យវិញ។
កាលបរិច្ឆេទ មហាបាតុកម្មគណបក្សសង្គ្រោះជាតិ
-លើកទី១៖ ថ្ងៃទី០៧ ខែកញ្ញា មហាបាតុកម្មដោយសន្តិវិធី ទាមទារឲ្យមានការបង្កើតគណៈកម្មការឯករាជ្យមួយ ដោះស្រាយភាពមិនប្រក្រតីនៃការបោះឆ្នោត កាលពីថ្ងៃទី២៨ ខែកក្កដា ឆ្នាំ២០១៣។
(+ថ្ងៃទី៦ ខែកញ្ញា សមាជមហាជន សម្តែងមតិប្រឆាំងនឹងលទ្ធផលបោះឆ្នោត)
-លើកទី២៖ ថ្ងៃទី១៥ ដល់ទី១៧ ខែកញ្ញា មហាបាតុកម្ម ទាមទារបង្កើតគណៈកម្មការឯករាជ្យមួយ ដោះស្រាយភាពមិនប្រក្រតីនៃការបោះឆ្នោត សមត្ថកិច្ច និងអ្នកដំណើរ ប៉ះទង្គិចគ្នា ចំណុចស្ពានអាកាសក្បាលថ្នល់ បុរសម្នាក់ស្លាប់ និងជាង២០នាក់រងរបួស។
-លើកទី៣៖ ថ្ងៃទី២៣ ដល់ទី២៥ ខែតុលា មហាបាតុកម្ម ដង្ហែញត្តិទៅកាន់UN ប្រទេសមហាអំណាច និងប្រទេសហត្ថលេខីនៃសន្ធិសញ្ញាទីក្រុងប៉ារីស ដើម្បីជំរុញស៊ើបអង្កេតភាពមិនប្រក្រតីនៃការបោះឆ្នោត
-លើកទី៤៖ ថ្ងៃទី១០ ខែធ្នូ ទិវាសិទ្ធិមនុស្ស មហាបាតុកម្ម ទាមទាររកយុត្តិធម៌ជុំវិញការបោះឆ្នោត និងវែក មុខឃាតករពិត ករណីសមត្ថកិច្ចប្រើហិង្សាបង្ក្រាបពលរដ្ឋនៅស្ពានស្ទឹងមានជ័យ
-លើកទី ៥៖ ថ្ងៃទី១៥ ខែធ្នូ រហូតមកទល់បច្ចុប្បន្ន មហាបាតុកម្ម ទាមទារការបោះឆ្នោតឡើងវិញ និងផ្លាស់ប្តូរអ្នកដឹកនាំ
សរសេរមកកាន់ លោក ញឹម សុខន តាមរយៈsokhorn@vodhotnews.com
MORE AND MORE CORRUPTION ARE FOUNED.ALL FUCTORIES WORKERS ARE JOIN WHIT CRNP TO PROTEST AND KIKING Mr HUN SEN OUT OF POWERS.AND POEPLES FROM LAND GRAB BY Mr SRONG MAN ARE COMING TOO. THIS SHOWING ME THE LAST OF Mr SRONG MAN HUN SEN RULLING .PEACE TO ALL CAMBODIAN