ដោយ៖ ថុល ស្រីលក្ខណ៍ និង អ៊ឹង ប៊ុនថន
ថ្ងៃព្រហស្បតិ៍ ទី26 ខែធ្នូ ឆ្នាំ2013
http://vodhotnews.com
មន្ត្រីសហជីព ឲ្យដឹងថា កម្មករផ្ទុះការតវ៉ាកាន់តែច្រើន នៅថ្ងៃព្រហស្បតិ៍នេះ ដោយមានកម្មករប្រមាណពី ៣០ ទៅ ៤០ម៉ឺននាក់ ចូលរួម ខណៈដែលមេដឹកនាំគណបក្សសង្គ្រោះជាតិចូលរួមដឹកនាំការធ្វើបាតុកម្មនេះ។
បាតុកម្មទ្រង់ទ្រាយធំ បានចាប់ផ្តើមកាលពីថ្ងៃពុធម្សិលមិញ រួមមាន ខេត្តកណ្តាល កំពង់ស្ពឺ កំពង់ចាម កំពង់ឆ្នាំង និងខេត្តស្វាយរៀង។
នៅថ្ងៃព្រហស្បតិ៍នេះ កម្មករជាង១ម៉ឺននាក់មកពីរោងចក្រផ្សេងៗគ្នា ក្នុងខេត្តកំពង់ឆ្នាំង បានជិះរថយន្តហែរក្បួន ជាមួយ លោក កឹម សុខា មកជុំគ្នានៅខេត្តកំពង់ស្ពឺ ខណៈលោក សម រង្ស៊ី ដឹកនាំកម្មករ រោងចក្រឃ្យូអឹម រោងចក្រសាំងវូ និងរោងចក្រសាព្រីណា តាមបណ្តោយផ្លូវជាតិលេខ៤ ដើម្បីទាមទារដំឡើងប្រាក់ឈ្នួល១៦០ដុល្លារ។
មន្ត្រីសហជីពសេរីកម្មករនៃព្រះរាជាណាចក្រកម្ពុជា ដែលឃ្លាំមើលសកម្មភាពនេះ លោក ម៉ាន់ សេងហាក់ បានឲ្យដឹងថា រហូតមកដល់ម៉ោង៩ព្រឹក កម្មករបានដង្ហែក្បួនទៅតំបន់រោងចក្រព្រៃឡ នៅជិតភ្នំឧដ្ដុង ខេត្តកំពង់ស្ពឺ បន្ទាប់ពីបានបិទផ្លូវជាតិលេខ៥ជិត២ម៉ោង កាលពីព្រឹកមិញនេះ ៖ “ដោយសារតែមានសំនូមពរពីបងប្អូនកម្មករ ឲ្យបាតុករដែលនៅរោងចក្រផ្សេងៗ ទៅជួយផង អញ្ជឹងបងប្អូនដែលជាកម្មករនោះ គាត់លឺអញ្ជឹង គាត់ក៏បបួលគ្នាទៅ ហើយក៏នាំលោក កឹម សុខា ទៅជាមួយដែរ”។
អនុប្រធានគណបក្សសង្គ្រោះជាតិ លោក កឹម សុខា មានប្រសាសន៍ថា មូលហេតុដែលគាត់ចូលរួមបាតុកម្មជាមួយកម្មករនៅពេលនេះ ដោយសារមើលឃើញពីស្ថានភាពលំបាករបស់កម្មករ។ លោកថា ប្រាក់ខែ១៦០ដុល្លារនេះ គឺមិនច្រើននោះទេ រដ្ឋាភិបាលគួរតែដំឡើងឲ្យកម្មករ ហើយបើមិនមានលទ្ធភាពទេ សូមលោកនាយករដ្ឋមន្ត្រី ហ៊ុន សែន ចុះចេញពីដំណែង ព្រោះគណបក្សសង្គ្រោះជាតិអាចដោះស្រាយបញ្ហានេះបាន ៖ “ចំនុចទីមួយយើងឃើញថា ជីវភាព តម្លៃទំនិញ នៅស្រុកខ្មែរថ្លៃណាស់ ៩៥ដុល្លារកម្មករមិនអាចរស់បានទេ នេះជាចំនុចសំខាន់ ពាក់ព័ន្ធនឹងស្ថានភាពជីវភាព សេដ្ឋកិច្ចនៅស្រុកខ្មែរ ហើយដែលអស់លោកមានបានគ្រប់គ្នានោះ អស់លោកដឹងហើយ តើលោកចាយប៉ុន្មាន ហើយឲ្យកម្មករចាយ ៩៥ដុល្លារ តើចាយយ៉ាងម៉េច បញ្ហាភាពជាក់ស្តែង។ បញ្ហាទី២ យើងប្រៀបធៀបទៅនឹងប្រទេសជិតខាង សូម្បីតែស្រុកយួន ដែលជាស្រុកកុម្មុយនិស្តក្តី ក៏គេបាន ១៧០ដុល្លារជាងដែរ”។
ប្រធានសហជីពសេរីកម្មករនៃព្រះរាជជាណាចក្រកម្ពុជា លោក ជា មុនី មានប្រសាសន៍ថា នៅថ្ងៃ នេះកម្មករមកពីខេត្តចំនួន៥ បានផ្ទុះការតវ៉ា ដោយដង្ហែក្បួនតាមផ្លូវជាតិមួយចំនួន។ លោកថា ថៅកែរោងចក្រត្រូវតែវិលមកតុចរចារវិញ ដើម្បីស្វែងរកដំណោះស្រាយដល់កម្មករ ៖ “រីឯនៅផ្លូវជាតិលេខ១នោះ វាមានរោងចក្រក្បាលកោះ ផ្តុំក្បាលគ្នា ជុំៗគ្នាទៅអញ្ជឹងផ្ទុះទាំងអស់ រីឯនៅផ្លូវជាតិលេខ២វិញ ម្តុំចាក់អង្រែនេះ ផ្លូវជាតិលេខ២១ ផ្ទុះបាតុកម្មទាំងអស់ ជាទូទៅផ្ទុះនេះគឺអហិង្សាៗ ប៉ុន្តែកម្មករនោះ គឺគាត់ដើរទៅគោះទ្វារ តាមបណ្តារោងចក្រតុកៗគ្នាគាត់ គាត់ប្រាប់ថាដល់ពេលវេលាហើយ ទាមទារបៀវត្ស អញ្ជឹងថៅកែរោងចក្រត្រូវតែវិលមករកតុចរចា ជាការប្រសើរ”។
ប្រធានសម្ព័ន្ធសហជីពចលនាកម្មករ លោក ប៉ាវ ស៊ីណា បានឲ្យដឹងដែរថា កម្មករនៅតំបន់សេដ្ឋកិច្ចពិសេសក្រុងបាវិត ខេត្តស្វាយរៀង នៅបន្តកូដកម្មជាធម្មតា។ លោកថា ដោយឡែកកម្មករនៅក្នុងតំបន់សេដ្ឋកិច្ចពិសេស តៃសេង ប្រមាណ១ម៉ឺននាក់បានបិទច្រកផ្លូវចេញចូលក្នុងតំបន់នេះ មិនឲ្យឡានដឹកទំនិញចេញចូលនោះទេ។
គណៈកម្មការប្រឹក្សាការងារកាលពីថ្ងៃទី២៤ ខែធ្នូ ឆ្នាំ២០១៣ បានសម្រេចដំឡើងប្រាក់ឈ្នូលអប្បបរមា ដែលត្រូវអនុវត្តតាមគោលការណ៍ដូចខាងក្រោម ៖ ពីឆ្នាំ២០១៤ ដល់ ២០១៨ ដំឡើងពី៨០ដុល្លារទៅ១៦០ដុល្លារសម្រាប់កម្មករពេញសិទ្ធិ និងពី៧៥ដុល្លារទៅ១៥៥ដុល្លារសម្រាប់កម្មករសាកល្បង។ ឆ្នាំ២០១៤ ប្រាក់ឈ្នួលត្រូវបានដំឡើងចំនួន១៥ដុល្លារ ឆ្នាំ២០១៥ ត្រូវដំឡើងចំនួន១៥ដុល្លារ ឆ្នាំ២០១៦ ត្រូវដំឡើងចំនួន១៦ដុល្លារ ឆ្នាំ២០១៧ ត្រូវដំឡើងចំនួន១៧ដុល្លារ និងឆ្នាំ២០១៨ ត្រូវដំឡើង១៧ដុល្លារ៕
សូមសរសេរមកកាន់ អ្នកនាង ថុល ស្រីលក្ខណ៍ តាមរយៈ sreyleak@vodhotnews.com
95$ / month less than cpp staffs one person eat breakfast (kuy teav and coffee with milk) one time before go to work. Oh ! poorest and poorest people in Kingdom of Wonder !!!
យើងយល់ថា បើសិនជាយើងគិតថា ការចំណាយប្រាក់ខែនៅពេលនេះ ឲ្យដល់ ១៦០ ដុល្លា វាចប់បញ្ហា នោះវាមិនជាអ្វីទេ។ តែការទាមទារនេះ នឹងពុំមានព្រំដែន ទេ។ នៅថ្ងៃស្អែក ពួកក្រុមអាជីវករលើខ្នងកម្មករ វានឹងដុតរឿងនេះជារៀងរាល់ថ្ងៃ។ លោកថៅកែដែលបានចំណាយលុយរាប់លានដុល្លា ត្រូវពួកអាក្បាលខូចនេះ វាចងលោកថៅកែឲ្យនៅក្នុងខ្នោះរបស់វា ជារៀងរហូត ព្រោះស្រុកខ្មែរបានក្លាយជាស្រុកអនាធិបតេយ្យហើយ អ្វីៗគេដោះស្រាយតាមរយៈបាតុកម្មគាបសង្កត់។
តាមយោបលខ្ញុំវិញនៅពេលនេះ គួរតែលោកថៅកែ រកវិធីណាមួយ ដកខ្លួនទៅរកស៊ីនៅប្រទេសណាដែលប្រជាជនគេ ចេះគោរពច្បាប់ ប្រទេសដែលគ្មានពួកនយោបាយដូចខ្មែរនេះ ទើបបានសុខ។
យើងចាំឲ្យ ល្បង រ៉ុង ឈុន អាត់ ធន់ សម រង្ស៊ី កឹម សុខា វាបើកហាងនំបញ្ចុកសាកល៎មើល ដើម្បីចិញ្ចឹមកម្មករ ម្តងវិញ ទើបដឹងថា រាស្ត្រខ្មែរសុខក្សេមក្សាន្ត យ៉ាងណា។
va te faire enculer ah bol…on sait que tu es un partisant de cpp …ah thok teap.
ថៅ កែ រោងចក្រ ចង់មក រកស៊ី នៅស្រុកខ្មែរ ច្រើន ，。 កុំ អោយមាន ពុករលួយ ក្រោម តុ !!
អ្នក នយោបាយ កុំ គំរាម តុលាការ ! អ្នក នយោបាយ កុំ យកលុយសេដ្ឋកិច្ច រដ្ឋ ធ្វើ នយោបាយ !
ក្រុមឯកឧត្តម ធា គ្រុយ និងអ្នកស្រី គាត ភួង ពុករលួយជាប្រព័ន្ធដុះស្លែនៅក្រសួងសុខាភិបាលស្អុយគគ្រុក
វាមិនអាចម៍ទេ អាបុល អើយ ដល់ដំណាក់កាលនេះហើយពលរដ្ឋស្រែកជេរបណ្ដេញអាខ្វាក់ឲ្យចេញ
ពីអំណាចពេញប្រទេសរៀងរាល់ថ្ងៃហើយ ហ្អែងនៅខំកាងការពារវាទៀត បើអញទាយមិនខុសទេហ្អែងហ្នឹងក៍ជាអាមន្ត្រីលួចជាតិម្នាក់ដែរ មេចមែនទេ?