ដោយ យ៉ង ចាន់តារា
2015-11-30
RFA
ស្ដាប់ ឬ ទាញយកសំឡេង
តំណាងរាស្ត្រគណបក្សសង្គ្រោះជាតិ ដែលរងរបួសដោយការវាយប្រហារពីមនុស្សមួយក្រុម លោក ញ៉យ ចំរើន (ឆ្វេង) និងលោក គង់ សភា (កណ្ដាល) ត្រូវបានបញ្ជូនចេញពីទីស្នាក់ការគណបក្សទៅព្យាបាលនៅមន្ទីរពេទ្យ កាលពីថ្ងៃទី២៦ តុលា ឆ្នាំ២០១៥។ RFA/Brach Chev
សមាជិកសភាអាស៊ានផ្នែកសិទ្ធិមនុស្ស សម្ដែងក្តីព្រួយបារម្ភចំពោះការវិវឌ្ឍស្ថានការណ៍នយោបាយនៅកម្ពុជា ដែលរួមមាន ការតាមចាប់ខ្លួន លោក សម រង្ស៊ី ការដកតំណែង លោក កឹម សុខា អំពើហិង្សាលើអ្នកតំណាងរាស្ត្រ និងការចាប់ខ្លួនសកម្មជនគណបក្សប្រឆាំង។ សមាជិកសភាអាស៊ានផ្នែកសិទ្ធិមនុស្ស អំពាវនាវដល់រដ្ឋាភិបាលកម្ពុជា គោរពកាតព្វកិច្ចរបស់ខ្លួនក្នុងការធានានូវសិទ្ធិសេរីភាពពេញលេញ ចំពោះការចូលរួមក្នុងជីវិតនយោបាយរបស់ពលរដ្ឋកម្ពុជា គ្រប់រូប។
ក្រុមតំណាងរាស្ត្រនៃសភាអាស៊ាន ទទួលបន្ទុកផ្នែកសិទ្ធិមនុស្ស ចេញសេចក្តីថ្លែងការណ៍មួយ ទាមទារឲ្យរដ្ឋាភិបាលកម្ពុជា ទម្លាក់ចោលបទចោទប្រឆាំង លោក សម រង្ស៊ី និងធានាសុវត្ថិភាព ព្រមទាំងសេរីភាពជូនតំណាងរាស្ត្រ និងសកម្មជនគណបក្សប្រឆាំង។
សេចក្តីថ្លែងការណ៍ចេញផ្សាយនៅរសៀលថ្ងៃទី៣០ វិច្ឆិកា របស់សភាអាស៊ាននេះ ហៅការធ្វើទុក្ខបុកម្នេញលើអ្នកតំណាងរាស្ត្រ និងសកម្មជនបក្សប្រឆាំង ថាជាការបំផ្លាញពន្លកប្រជាធិបតេយ្យនៅកម្ពុជា។
ប្រធានសភាអាស៊ានផ្នែកសិទ្ធិមនុស្ស លោក ឆាលស៍ សេនទីអាហ្គូ (Charles Santiago) មានប្រសាសន៍ក្នុងសេចក្តីថ្លែងការណ៍នោះថា ការវិវឌ្ឍនយោបាយនៅកម្ពុជា នាពេលបច្ចុប្បន្ន គឺជាក្តីព្រួយបារម្ភរបស់សមាជិកសភានៅតំបន់អាស៊ីអាគ្នេយ៍៖ «ដើម្បីជាប្រយោជន៍ដល់កម្ពុជា និងប្រទេសនានាក្នុងតំបន់ សហគមន៍អន្តរជាតិ រួមទាំងអាស៊ានផង ត្រូវតែប្រាកដថា សកម្មភាពអស់ទាំងនេះមិនអាចទទួលយកបាននោះឡើយ។ ប្រសិនបើការដាក់សម្ពាធមិនអាចធ្វើអ្វីរដ្ឋាភិបាលកម្ពុជា បាន នោះមេដឹកនាំដទៃទៀតក្នុងតំបន់ ប្រាកដជាមិនញញើតនឹងប្រព្រឹត្តនូវទង្វើរំលោភបំពានបែបនេះឡើយ ពេលដែលមានអ្នកហ៊ានរិះគន់ពួកគេ»។
សេចក្តីថ្លែងការណ៍របស់ក្រុមតំណាងរាស្ត្រនៃសភាអាស៊ាន ទទួលបន្ទុកផ្នែកសិទ្ធិមនុស្សនេះ ធ្វើឡើងតែប៉ុន្មានថ្ងៃប៉ុណ្ណោះក្រោយពេលដែលអង្គការអន្តរជាតិសំខាន់ៗ រួមមាន អង្គការសហប្រជាជាតិ និងសភាអឺរ៉ុប បានថ្កោលទោសរដ្ឋាភិបាលកម្ពុជា ថាបានប្រព្រឹត្តផ្ទុយទៅនឹងសន្ធិសញ្ញា និងកតិកាសញ្ញាផ្សេងៗស្តីអំពីសិទ្ធិមនុស្ស និងសិទ្ធិសេរីភាពខាងការប្រមូលផ្តុំ ដែលកម្ពុជា ជាភាគីហត្ថលេខី។
ឆ្លើយតបទៅនឹងសេចក្តីថ្លែងការណ៍នេះ លោក សុខ ឥសាន អ្នកនាំពាក្យគណបក្សប្រជាជនកម្ពុជា លើកឡើងថា រដ្ឋាភិបាលមិនមានការព្រួយបារម្ភឡើយចំពោះការរិះគន់ និងការថ្កោលទោសពីមជ្ឈដ្ឋានខាងក្រៅ។ លោក សុខ ឥសាន បន្តថា រដ្ឋាភិបាលកម្ពុជា តែងអនុវត្តតាមនីតិវិធីរបស់ខ្លួនដោយមិនរណបបរទេស៖ «អត់មានអីត្រូវសម្ពាធទេ។ យើងយល់ថា ចិត្តគាត់ចង់យ៉ាងម៉េច ក៏តាមចិត្តគាត់ទៅ ប៉ុន្តែយើងជាប្រទេសឯករាជ្យ និងមានអធិបតេយ្យ។ យើងធ្វើអ្វីទៅតាមច្បាប់របស់ប្រទេសយើង»។
ជុំវិញរឿងការលើកឡើងរបស់ក្រុមតំណាងរាស្ត្រនៃសភាអាស៊ាន ទទួលបន្ទុកផ្នែកសិទ្ធិមនុស្សនេះ លោកបណ្ឌិត ដេត សុខឧត្តម សាស្ត្រាចារ្យផ្នែកទំនាក់ទំនងអន្តរជាតិ មើលឃើញថា សេចក្ដីថ្លែងការណ៍នេះនឹងមិនមានឥទ្ធិពលធំដុំឡើយចំពោះស្ថានការណ៍នយោបាយនៅកម្ពុជា ពីព្រោះសេចក្តីថ្លែងការណ៍នេះ មិនឆ្លុះបញ្ចាំងពីទស្សនៈរបស់រដ្ឋជាសមាជិកអាស៊ាននីមួយៗឡើយ។
យ៉ាងនេះក្តី លោក ដេត សុខឧត្តម អះអាងថា ការថ្កោលទោស ឬការរិះគន់ធ្ងន់ៗពីមជ្ឈដ្ឋានអន្តរជាតិ នឹងនាំមកនូវផលវិបាកជាច្រើនសម្រាប់កម្ពុជា ដូចជាការកាត់ផ្តាច់ជំនួយ និងការដកវិនិយោគទុន ជាដើម៖ «វាជាការសម្រេចចិត្តរបស់យើងខ្លួនឯង បើសិនយើងថាយើងមិនចង់ឲ្យគេមកជ្រៀតជ្រែក។ តាមការពិត គេអត់មកជ្រៀតជ្រែកទេ គ្រាន់តែថាយើងកុំទទួលជំនួយពីគេទៅ អាហ្នឹងគេអត់មានសិទ្ធិអីមកជ្រៀតជ្រែករឿងយើងទេ»។
ហេតុការណ៍សំខាន់ៗដែលធ្វើឲ្យមជ្ឈដ្ឋានអន្តរជាតិឈឺឆ្អាលនឹងកម្ពុជា រួមមាន ការតាមចាប់ខ្លួន លោក សម រង្ស៊ី ការដកតំណែង លោក កឹម សុខា អំពើហិង្សាលើអ្នកតំណាងរាស្ត្រ ការកាត់ទោសឲ្យជាប់ពន្ធនាគារចំពោះសកម្មជនបក្សប្រឆាំង និងការកាត់ទោស លោក ហុង សុខហួរ។
លោក សម រង្ស៊ី ប្រធានគណបក្សសង្គ្រោះជាតិ ត្រូវបានសាលាដំបូងរាជធានីភ្នំពេញ ចេញដីកាតាមចាប់ខ្លួន ដោយចោទពីបទបរិហារកេរ្តិ៍ជាសាធារណៈ និងញុះញង់ឲ្យមានការរើសអើង ប្រព្រឹត្តទៅនៅសារមន្ទីរជើងឯក កាលពីឆ្នាំ២០០៨។ កាលនោះ លោក សម រង្ស៊ី បានចោទ លោក ហោ ណាំហុង បច្ចុប្បន្នជាឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស ថាជាអតីតប្រធានគុកបឹងត្របែក នៃរបបកម្ពុជាប្រជាធិបតេយ្យ។
ចំណែកតំណាងរាស្ត្រពីររូបនៃគណបក្សសង្គ្រោះជាតិ គឺលោក គង់ សភា និងលោក ញ៉យ ចំរើន ត្រូវបានជនដៃដល់វាយប្រហារឲ្យរងរបួសជាទម្ងន់ ពេលដែលលោកចេញពីប្រជុំនៅវិមានរដ្ឋសភា អំឡុងពេលមានបាតុកម្មទាមទារទម្លាក់ លោក កឹម សុខា កាលពីចុងខែតុលា។
ប៉ុន្មានថ្ងៃក្រោយអំពើហិង្សាលើអ្នកតំណាងរាស្ត្រ លោក កឹម សុខា ជាអនុប្រធានគណបក្សសង្គ្រោះជាតិ ត្រូវបានតំណាងរាស្ត្រទាំង ៦៨រូបនៃគណបក្សប្រជាជនកម្ពុជា បោះឆ្នោតទម្លាក់ពីតួនាទីជាអនុប្រធានទី១ រដ្ឋសភា ដោយចោទថា រូបលោកមិនគោរពស្មារតីនៃកិច្ចព្រមព្រៀងនយោបាយថ្ងៃទី២២ ខែកក្កដា ឆ្នាំ២០១៤ និងញុះញង់ឲ្យមានចលាចលក្នុងចំណោមមហាជន ពេលលោកចុះទៅជួបពលរដ្ឋនៅមូលដ្ឋានម្តងៗ។
ដោយឡែកសមាជិកព្រឹទ្ធសភាមកពីគណបក្ស សម រង្ស៊ី លោក ហុង សុខហួរ ត្រូវបានតុលាការចាប់ខ្លួនកាលពីពាក់កណ្ដាលខែសីហា ឆ្នាំ២០១៥ ដោយចោទប្រកាន់ពីបទក្លែងឯកសារសាធារណៈ បទប្រើប្រាស់ឯកសារក្លែង បទញុះញង់ឲ្យមានភាពវឹកវរ និងអសន្តិសុខសង្គម ទាំងដែល លោក ហុង សុខហួរ មិនទាន់ត្រូវបានព្រឹទ្ធសភាដកអភ័យឯកសិទ្ធិនៅឡើយ។
ចំណែកឯសកម្មជនគណបក្សសង្គ្រោះជាតិ ១១នាក់វិញ ត្រូវបានសាលាដំបូងរាជធានីភ្នំពេញ សម្រេចផ្ដន្ទាទោសឲ្យជាប់ពន្ធនាគារពី ៧ ទៅ ១០ឆ្នាំ ពីបទចូលរួម និងដឹកនាំចលនាកុបកម្មក្បែរស្ពាននាគនៅទីលានប្រជាធិបតេយ្យ។
កាលពីពេលថ្មីៗនេះ សភាអឺរ៉ុប ព្រមានថា គេនឹងលុបចោលទឹកប្រាក់ជំនួយប្រមាណ ៤៣៥លានដុល្លារអាមេរិកក្នុងមួយឆ្នាំៗដែលផ្ដល់ឲ្យកម្ពុជា បើសិនជា លោក សម រង្ស៊ី មិនអាចវិលត្រឡប់មកកម្ពុជា វិញបាននោះ។
ចំណុចនេះ សាស្ត្រាចារ្យផ្នែកទំនាក់ទំនងអន្តរជាតិ លោក ដេត សុខឧត្តម លើកឡើងថា មេដឹកនាំគណបក្សនយោបាយធំៗនៅកម្ពុជា គួរតែបញ្ឈប់ការហែកហួរគ្នាផ្នែកនយោបាយ និងគិតគូរពីការទាញយកផលពីសមាហរណកម្មអាស៊ាននាពេលខាងមុខវិញ ទើបជារឿងត្រឹមត្រូវសម្រាប់ប្រយោជន៍ជាតិ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ក្រុមការងារចំពោះកិច្ចនៃគណបក្សសង្គ្រោះជាតិចុះពិនិត្យតំបន់ព្រំដែននៅខេត្តរតនគិរី
- បក្សប្រឆាំងនិងសង្គមស៊ីវិលរិះគន់គម្រោងចំណាយថវិការបស់រដ្ឋាភិបាលឆ្នាំ២០១៦
- គណបក្សទាំងពីរពន្យារពេលជួបគ្នាចរចាអំពីស្ថានការណ៍នយោបាយមួយរយៈ
- មន្ត្រីគណបក្សសង្គ្រោះជាតិប្រកាសធ្វើពហិការមិនចូលប្រជុំសភានៅថ្ងៃទី៣០វិច្ឆិកា
- ស្នងការនគរបាលរាជធានីភ្នំពេញប្រកាសគាំទ្រកូនប្រុសរបស់លោក ហ៊ុន សែន
- បក្សប្រឆាំងថានឹងចូលប្រជុំសភាបើមានជំនួបកំពូលមុនប្រជុំនៅថ្ងៃ៣០ វិច្ឆិកា
- អ្នកនាំពាក្យរដ្ឋសភាកម្ពុជាប្រតិកម្មតបនឹងសភាអឺរ៉ុប
- មន្ត្រីរដ្ឋាភិបាល៖ កម្ពុជាមិនលក់អធិបតេយ្យភាពដើម្បីដោះដូរនឹងជំនួយបរទេស
- ពលរដ្ឋនិងយុវជនអបអរសាទរកូនលោក ហ៊ុន សែន ទទួលពានរង្វាន់សន្តិភាពអន្តជាតិ
ប្រធានសភាអាស៊ានផ្នែកសិទ្ធិមនុស្ស លោក ឆាលស៍ សេនទីអាហ្គូ (Charles Santiago) មានប្រសាសន៍ក្នុងសេចក្តីថ្លែងការណ៍នោះថា ការវិវឌ្ឍនយោបាយនៅកម្ពុជា នាពេលបច្ចុប្បន្ន គឺជាក្តីព្រួយបារម្ភរបស់សមាជិកសភានៅតំបន់អាស៊ីអាគ្នេយ៍៖ «ដើម្បីជាប្រយោជន៍ដល់កម្ពុជា និងប្រទេសនានាក្នុងតំបន់ សហគមន៍អន្តរជាតិ រួមទាំងអាស៊ានផង ត្រូវតែប្រាកដថា សកម្មភាពអស់ទាំងនេះមិនអាចទទួលយកបាននោះឡើយ។ ប្រសិនបើការដាក់សម្ពាធមិនអាចធ្វើអ្វីរដ្ឋាភិបាលកម្ពុជា បាន នោះមេដឹកនាំដទៃទៀតក្នុងតំបន់ ប្រាកដជាមិនញញើតនឹងប្រព្រឹត្តនូវទង្វើរំលោភបំពានបែបនេះឡើយ ពេលដែលមានអ្នកហ៊ានរិះគន់ពួកគេ»។
ម៉េចដែរអាក្អូន? ពីមុនថាសភាតំបន់អឺរ៉ុបថាគេជ្រៀតជ្រែក ឥលូវដក់វេនសភាអាស៊ានដែលកម្ពុជាក៏ជារដ្ឋសមាជិកដែរនោះគេថាម្តង ថាគេជ្រៀតជ្រែកកិច្ចការផ្ទៃក្នុងទៀតហ្អែ? អឹចឹងវេចសំពាយទៅនៅព្រៃភ្នំដាច់ពីគេទៅ ដើម្បីកុំឱ្យគេដឹង គេឃើញ សោះនឹងថាគេ (ហត្ថលេខីសន្ធិសញ្ញាទីក្រុងប៉ារីស)មករញ៉េរញ៉ៃ។
ឆ្លើយតបទៅនឹងសេចក្តីថ្លែងការណ៍នេះ លោក សុខ ឥសាន អ្នកនាំពាក្យគណបក្សប្រជាជនកម្ពុជា លើកឡើងថា រដ្ឋាភិបាលមិនមានការព្រួយបារម្ភឡើយចំពោះការរិះគន់ និងការថ្កោលទោសពីមជ្ឈដ្ឋានខាងក្រៅ។ លោក សុខ ឥសាន បន្តថា រដ្ឋាភិបាលកម្ពុជា តែងអនុវត្តតាមនីតិវិធីរបស់ខ្លួនដោយមិនរណបបរទេស៖ «អត់មានអីត្រូវសម្ពាធទេ។ យើងយល់ថា ចិត្តគាត់ចង់យ៉ាងម៉េច ក៏តាមចិត្តគាត់ទៅ ប៉ុន្តែយើងជាប្រទេសឯករាជ្យ និងមានអធិបតេយ្យ។ យើងធ្វើអ្វីទៅតាមច្បាប់របស់ប្រទេសយើង»។
… ពិតជានាំពាក្យបានល្អមែន! នេះឆ្លុះបញ្ចាំងឱ្យឃើញថា រាស្រ្តងាប់អីងាប់ទៅអញមិនគិត ធ្វើម៉េចឱ្យតែពួកក្រុមអញបានរស់បន្តអំណាចទៀត ចំជាចោលម្សៀតមែន អាម៉ាសៀអ្នកនាំពាក្យ!
what CPP did was injustice that’s why the world’s communities are against this idiot party. They need to be responsible for their action, unless they want to live the life of isolation such as North Korea.
The leaders, especially a numbers of the Govt. Officials in Cambodia, are not worry about isolation or live by themselve because they have million dollars in their Bank Acct. And they is why a handfull of these leaders continue to make a threat to its people. Hope Cambodian people are strong and would not let this bad/inhuman actions to continue in this poor nation.
Look pity and unjustified, but this is a result of promoting hatred and revenges, regardless CPP or CNRP or others when they have an opportunity they will attack each other’s. Therefore, it is much better to stop all hatred acts, extreme nationalism as well as revenge ideology by promising that will get all land from the riches to distribute to the poors, will review all business investments to find abusing taxation laws and so on so for….
you do not have to listening to any one. every thing is up to Preahvihear Khmer and his father doing. this country is belonging to you. do whatever you always wanted. 17 million Cambodian is nothing for you. they choose to live under you and your father way of leading this nation. do not worry you can kill them all if you really want to stay in powers. do not felling pity Mr damp ass you are already a small evil for this nation. sweet talk can not convincing me of the real situation in Cambodia . please do not lying any thing to me I said on what I see. some thing start to come down as what I see. that time will come do not worry in two years you will see. when the water clear I will seeing you there.
ឣាសត្វតិរច្ឆានហុនសែន- កាដួយម៉ែឣាសត្វឆ្កែកាចាស់ខ្វាក់ភ្នែក ស្រឡេវ ភ្នែក- សំរ៉ែ-ខ្មែរក្រហមក្បត់ជាតិ កញ្ជះយួនថោកទាប ល្ងីល្ងឺ- ឣាងាប់តៃហោងដូចកាដាសហ្វី -ម៉ូបារាក់ -សាដាំហូសេន ក្នុងពេលឆាប់ៗនេះ