លោក ហេង ដារី តារាភាពយន្ដជើងចាស់។ រូបថត សហការី រូប សហការី
Tue, 1 December 2015
ស៊ូ វុទ្ធី
ភ្នំពេញប៉ុស្តិ៍
ភ្នំពេញ: សម្ដីបើកកកាយរបស់ស្រ្តីមេម៉ាយវ័យចំណាស់ពីទឹកដីសហរដ្ឋអាមេរិកឈ្មោះ គឹម លាង ថា លោក ហេង ដារី តារាភាពយន្ដល្បីឈ្មោះ បានបោកទាំងលុយ និងបោកទាំងស្នេហ៍ខ្លួននោះ បានបង្កឲ្យមានមតិរិះគន់យ៉ាងចាស់ដៃ ដល់តារាភាពយន្ដជើងចាស់ថ្ពាល់ខួចរូបនេះ។
ក្នុងពាក្យថា៖«ធ្វើដល់តារារូបសង្ហា ហើយក៏មានឈ្មោះល្បីទៀត ចេះបោកលុយគេ អាសូរតែស្រ្តីនៅអាមេរិកនោះក្មេងក៏មិនថា។ ធ្វើជាប្រុសបោកលុយស្រី អន់ណាស់!»។
ការបកស្រាយពីបរិយាកាសដ៏ខ្មៅកខ្វក់បោកបក់ពីនាយសមុទ្រ និងកំពុងជះឥទ្ធិពលលុបប្រជាប្រិយភាពសិល្បៈជិត ២០ ឆ្នាំ រុញពន្លិចមួយប៉ប្រិចភ្នែកស្ទើរលេចបាត់ដល់ចំណុចសូន្យ លោក ហេង ដារី ក៏បានចេញមុខមកទទួលស្គាល់ថា ដៃលោកដែលកន្លងមកពោរពេញដោយសុច្ចរិតភាពពីការងារសិល្បៈ ពិតជាបានទទួលលុយពីស្រ្តីមេម៉ាយវ័យចំណាស់រស់នៅទឹកដីអាមេរិកមែន។
តារាថ្ពាល់ខួចរូបនេះបានអះអាងថា៖ «ខ្ញុំពិតជាទទួលយកប្រាក់ចំនួន ១៣៥០ ដុល្លារមែន បន្ទាប់ពីគាត់ព្យាយាមតាមសុំស្រឡាញ់ខ្ញុំហើយលុយនេះ ក៏មិនមែនខ្ញុំទទួលពីគាត់យកមកចាយវាយដែរ គឺយកមកធ្វើបុណ្យតាមការចង់បានរបស់គាត់ (គឹម លាង)ទៅវិញទេ»។
លោក ហេង ដារី បានរៀបរាប់ថា៖ «ខ្ញុំពិតជាបានស្គាល់ អ្នកស្រី គឹម លាង នេះមែន។ តែក្នុងជំនួបស្គាល់គាត់តាមហ្វេសប៊ុក ខ្ញុំបានប្រាប់គាត់វិញហើយថា ខ្ញុំមិនបង្កើតក្តីស្នេហាជាមួយគាត់ទេ។ ខ្ញុំដឹងថា គាត់អាយុច្រើន វ័យជិតស្មើម្តាយខ្ញុំ គឺជាង ៥០ ឆ្នាំ មិនមែនជាង ៤០ ឆ្នាំ ដូចគាត់ប្រាប់កាសែតនោះឡើយ»។
ស្ដ្រីខ្មែរអាមេរិក អ្នកស្រី គឹម លាង ជាអ្នកចែកបៀ។ រូបថត សហការី
បន្ថែមលើសម្ដីបរិយាយនេះ តារាភាពយន្ដថ្ពាល់ខួច និងប្រជ្រុយមានមន្ដដូចតារាជើងចាស់ ទេព រិនដារ៉ូ រមែងសម្តែងតែតួបងធំវ័យជាង ៤០ ឆ្នាំ ដែលកំពុងរស់នៅបែកខ្នើយពីប្រពន្ធស្របច្បាប់ជាច្រើនឆ្នាំ ក្រោយបង្កើតបានកូនប្រុសមួយអាយុ ៥ ឆ្នាំនោះ បានបន្ដថា៖ «ក្នុងជំនួបឆ្លើយឆ្លងតាមហ្វេសប៊ុក គាត់ (គឹម លាង) បានព្យាយាមសុំស្រឡាញ់ខ្ញុំ ទាំងដឹងថា ខ្ញុំបដិសេធម្ដងជាពីរដងហើយ ហើយគាត់តែងតែព្យាយាមហៅខ្ញុំបងៗថែមទៀត។ ខ្ញុំបានប្រាប់គាត់ថា ខ្ញុំមិនអាចស្រឡាញ់គាត់បានឡើយ គាត់អាយុបងខ្ញុំជិតស្មើម្តាយខ្ញុំ។ ម្យ៉ាងវិញទៀត ខ្ញុំបានប្រាប់គាត់ថា ខ្ញុំមានប្រពន្ធមានកូនហើយ ដែលគ្រាន់តែពួកខ្ញុំរស់នៅបែកគ្នា តែគាត់មិនស្តាប់តាមខ្ញុំនិយាយទេ»។
ចំពោះទឹកប្រាក់ជាង ១ ពាន់ដុល្លារនោះ លោកប្រាប់ថា៖ «លុយ ១៣៥០ ដុល្លារ ដែលគាត់ចោទថា ខ្ញុំបោកនោះ ការពិតមិនដូចសម្ដីដែលគាត់បាននិយាយទេ។ បើខ្ញុំជ្រុលបោកគេ ខ្ញុំមិនបោកលុយប៉ុណ្ណឹងទេ។ លុយនេះរូបគាត់ ផ្ញើមកចូលបុណ្យកឋិនផង និងមួយចំនួនទៀត គាត់ផ្ញើមកជូនម្តាយខ្ញុំ។ នេះគឺជាទឹកចិត្ដគាត់អ្នកបែងចែកឲ្យ»។
លោក ហេង ដារី បានបញ្ជាក់ទៀតថា៖ «អ្នកស្រី គឹម លាង ដំបូងឡើយ ចង់មកស្រុកខ្មែរ សូមឲ្យខ្ញុំទៅទទួល ហើយចង់ធ្វើកឋិនទៅវត្តនៅស្រុកខ្ញុំ។ ខ្ញុំបានប្រាប់គាត់ថា កឋិនវត្តនៅភូមិខ្ញុំធ្វើថ្ងៃនេះ ពេលនេះគាត់ផ្ញើលុយមកចូលបុណ្យ និងបានប្រាប់ថា ដកចំនួនប៉ុននេះជូនម្តាយខ្ញុំ។ ខ្ញុំគ្រាន់តែធ្វើតាមគាត់ប៉ុណ្ណោះ»។
ក្នុងសម្ដីបដិសេធដែលពោលថា អ្នកស្រី គឹម លាង ស្ម័គ្រចិត្តធ្វើបុណ្យ និងជូនចាស់ៗនោះ តារាភាពយន្ដដែលរងភាពអាម៉ាស់ដោយសារលុយស្រ្តីអាណិកជនខ្មែរអាមេរិកចំនួន ១៣៥០ ដុល្លារ បានរៀបរាប់បន្ថែមថា៖ «គាត់ទេដែលស្ម័គ្រចិត្ដជួយខ្ញុំ ចង់បានជាថ្នូរក្តីស្រឡាញ់។ តែពេលខ្ញុំមិនព្រមក៏ប្រែជាព្យាយាមរករឿងមកចោទប្រកាន់ខ្ញុំ ខណៈពេលដែលរឿងរ៉ាវកើតឡើងនេះមានស្រ្តីជាតារាសិល្បៈខ្មែរម្នាក់នៅអាមេរិក ក៏ព្យាយាមរួមដៃបរិហារកេរ្តិ៍ខ្ញុំដែរ»៕
I don’t believe him, his face looks like chicken shit and lie to the public.
She beged him for love or he beg her for love her money. There are many
handsome Americans around her, she is not need to beg this ugly shit
for love. Maybe, she pick him because she loves in the same type of
people only. Looser.
he look old than her
don’t be regretted with this guy – please turn to me. I am a good guy and promise to handle a lady with love for ever. believe me. hhhhh
don’t love uncle Heng Dary :):)