ដោយ៖ ស៊ុន ណារិន | ថ្ងៃអង្គារ ទី1 ធ្នូ 2015
http://vodhotnews.com
ប្រធាននិងជាស្ថាបនិកមន្ទីរពេទ្យគន្ធបុប្ផា លោក Beat Richner (រូបថតពីហ្វេសប៊ុក Beat Richner)
រដ្ឋាភិបាលនឹងផ្តល់ប្រាក់ឧបត្ថម្ភជិត១០លានដុល្លារអាមេរិកសម្រាប់ឆ្នាំ២០១៦ ទៅមន្ទីរពេទ្យគន្ធបុប្ផា ដែលចំនួននេះមានការកើនឡើង១លានដុល្លារ បើប្រៀបធៀបនឹងឆ្នាំ២០១៥។ នេះបើយោងតាមច្បាប់ស្តីពីថវិកាជាតិឆ្នាំ២០១៦ ដែលត្រូវបានអនុម័តដោយរដ្ឋសភាកាលថ្ងៃចន្ទ។
បើតាមច្បាប់ថវិកាជាតិ រដ្ឋាភិបាលនឹងបង្កើនការគាំទ្រដល់ប្រតិបត្តិការរបស់មន្ទីរពេទ្យគន្ធបុប្ផាជាបណ្តើរៗ ដើម្បីធានាថាមន្ទីរពេទ្យនេះ”នៅតែរក្សាបាននូវស្តង់ដារគុណភាពនិងការផ្តល់សេវាព្យាបាលដោយឥតគិតថ្លៃដដែល” នៅពេលដែលត្រូវបានផ្ទេរមកស្ថិតនៅក្រោមការគ្រប់គ្រងរបស់រដ្ឋពេញលេញ។ នៅឆ្នាំ២០១៦ ការឧបត្ថម្ភប្រាក់សរុបពីថវិការដ្ឋជូនមន្ទីរពេទ្យនឹងមានចំនួន៣៨៩០៥លានរៀល(ប្រមាណ៩,៧លានដុល្លារ) បើធៀបនឹងឆ្នាំ២០១៥ មានចំនួន៣៤៩២១លានរៀល(ប្រមាណ៨,៧លានដុល្លារ)និងឆ្នាំ២០១៤ មានចំនួន២៤៦៥៤លានរៀល(ប្រមាណ៦,២លានដុល្លារ)។
ប្រធាននិងជាស្ថាបនិកមន្ទីរពេទ្យគន្ធបុប្ផា លោក Beat Richner ធ្លាប់បានអំពាវនាវដល់សហគមន៍អន្តរជាតិ រដ្ឋាភិបាលស្វីសនិងរដ្ឋាភិបាលកម្ពុជា ឲ្យយកចិត្តទុកដាក់ករណីនេះ ដោយអះអាងថាកុមារកម្ពុជាជាងមួយម៉ឺននាក់នឹងបាត់បង់ជីវិតឬក៏មិនអាចរួចផុតពីពិការភាពឡើយ ប្រសិនបើអត់មានការព្យាបាលដោយមន្ទីរពេទ្យមួយនេះ។ លោកបន្តថាតាមគម្រោង ក្នុងឆ្នាំ២០១៥ មន្ទីរពេទ្យចំណាយអស់៤៣លានដុល្លារអាមេរិក។
គួរបញ្ជាក់ថាកាលពីខែតុលា ឆ្នាំ២០១៥ ព្រះមហាក្សត្រនិងសម្តេចម៉ែបានប្រោសព្រះរាជទានប្រគល់ព្រះរាជដំណាក់នៅខេត្តកោះកុងដែលជាព្រះរាជទ្រព្យរបស់ព្រះបាទសម្តេចព្រះនរោត្តម សីហនុ ជូនមន្ទីរពេទ្យគន្ធបុប្ផា ដើម្បីលៃលកកែច្នៃជាហិរញ្ញវត្ថុមកជួយមន្ទីរពេទ្យនេះ៕
សរសេរមកកាន់លោក ស៊ុន ណារិន តាមរយៈsun_narin@vodhotnews.com
រដ្ឋាភិបាលត្រៀមថវិកាប្រមាណ១០លានដុល្លារជួយមន្ទីរពេទ្យគន្ធបុប្ផាសម្រាប់ឆ្នាំ២០១៦ (វីដេអូ)
ដោយ៖ សារ៉ែម | ថ្ងៃអង្គារ ទី1 ធ្នូ 2015, 03:46 PM
http://vodhotnews.com
រដ្ឋាភិបាលត្រៀមថវិកាប្រមាណ១០លានដុល្លារជួយមន្ទីរពេទ្យគន្ធបុប្ផាសម្រាប់ឆ្នាំ២០១៦
ខ្ញុំរីករាយណាស់ ដោយរដ្ឋាភិបាល ចាប់ផ្តើមយកចិត្តទុកដាក់ដល់កូនប្រុសស្រី របស់ជាតិ។ ជាគុណូប្បការៈដ៏ធំធេង ដែល លោក Beat Richner បាន ជួយឧបត្ថមដល់ សុខភាព កូនចៅខ្មែរ។
នេះជាគំរូរ ជាលក្ខណៈមនុស្សធម៌ ដ៏ប្រសើរ ដែលមជ្ឍមណ្ឌលសាសនា ក៏ដូចជាឯកជន យកគំរូរតាម។
មនុស្សធម៌ ជាមូលដ្ឋាន ស្នូលគ្រប់ សាសនា ទាំងគ្រឹះសាសនាក្តី ពុទ្ធសាសនាក្តី ឥស្លាមសាសនាក្តី។
មនុស្សធម៌ធ្វើឡើងដោយមិនរើសអើង ដល់ជនខ្វះចន្លោះនូវការត្រូវការចាំបាច់នៃជីវិត។
សំនៀង
១០លានគួរសមដែរតែដូចជាតិចពេកសំរាប់ជំនួយដល់មន្ទីពេទ្យ