ដោយ លោក សូរ្យ ជ័យឧត្ដម | ថ្ងៃអង្គារ ទី២៧ ខែកុម្ភៈ ឆ្នាំ២០១៨
http://vodhotnews.com
ប្រធានាធិបតីអាមេរិក លោក ត្រាំ និង លោកនាយករដ្ឋមន្ត្រី ហ៊ុន សែន កាលពីពេលកន្លងទៅ (រូបថតបណ្តាញសង្គម)
រដ្ឋាភិបាលអាមេរិក បានសម្រេចផ្អាកជំនួយជាច្រើនផ្ដល់មកកម្ពុជា ដែលជាកិច្ចខិតខំប្រឹងប្រែងថ្មីបំផុតរបស់មហាអំណាចមួយនេះ ឆ្លើយតបទៅនឹងអ្វីដែលអាមេរិកហៅថា ដំណើរដើរថយក្រោយនៃលទ្ធិប្រជាធិបតេយ្យនៅក្នុងប្រទេសកម្ពុជា ក្រោយការបង្ក្រាបលើបក្សប្រឆាំងដ៏ធំ។
ក្នុងសេចក្ដីប្រកាសព័ត៌មានដែលចេញផ្សាយនៅលើគេហទំព័រសេតវិមាននៅល្ងាចថ្ងៃនេះ រដ្ឋាភិបាលក្រុងវ៉ាស៊ីងតោន បានប្រកាសថា ខ្លួននឹងព្យួរ ឬបិទកម្មវិធីជំនួយយោធា កម្មវិធីជំនួយ USAID និងមូលនិធិជាច្រើនទៀត ប៉ុន្តែថា នឹងបន្តជួយគម្រោងជាច្រើនដើម្បីគាំទ្រដល់ប្រជាជនកម្ពុជា។
សេតវិមានបានលើកឡើងបន្ថែមទៀតថា ខ្លួនឈានដល់ការសម្រេចបែបនេះ ដំណើរដើរថយក្រោយនៃលទ្ធិប្រជាធិបតេយ្យនៅក្នុងប្រទេសកម្ពុជា ដែលអាមេរិកថា ធ្វើឲ្យខ្លួនមានក្ដីបារម្ភយ៉ាងជ្រាលជ្រៅ។
ក្រៅពីថា លទ្ធិប្រជាធិបតេយ្យដើរថយក្រោយហើយនោះ អាមេរិកបានហៅការបោះឆ្នោតព្រឹទ្ធសភាកាលពីថ្ងៃអាទិត្យកន្លងមកនេះថា មិនបានឆ្លុះបញ្ចាំងអំពីឆន្ទៈពិតប្រាកដរបស់ប្រជាជនកម្ពុជានោះឡើយ។
អាមេរិកបានសម្រេចចាត់វិធានការជាបន្តបន្ទាប់ប្រឆាំងនឹងកម្ពុជា បន្ទាប់ពីគណបក្សសង្គ្រោះជាតិ ដែលទទួលបានសំឡេងគាំទ្រពីពលរដ្ឋប្រហែល ៣លាននាក់នៅក្នុងការបោះឆ្នោតឆ្នាំ២០១៣ និងឆ្នាំ២០១៧កន្លងមកនេះនោះ ត្រូវបានតុលាការកំពូលសម្រេចរំលាយចោលកាលពីពាក់កណ្ដាលខែវិច្ឆិកាឆ្នាំមុន។
បន្ទាប់មក អាសនៈជាប់ឆ្នោតទាំងអស់របស់បក្សប្រឆាំងមួយនេះ រាប់ចាប់តាំងពីអាសនៈសភារហូតដល់អាសនៈក្រុមប្រឹក្សាឃុំសង្កាត់នៅទូទាំងប្រទេស ត្រូវបានដកហូត និងបែងចែកទៅឲ្យគណបក្សផ្សេង ដែលពលរដ្ឋមិនបានបោះឆ្នោតឲ្យ ខណៈដែលមេដឹកនាំបក្សប្រឆាំង លោក កឹម សុខា នៅតែបន្តស្ថិតនៅក្រោមការឃុំខ្លួនចាប់តាំងពីការចាប់ខ្លួនកាលពីដើមខែកញ្ញាឆ្នាំមុនមក។
វិធានការទាំងឡាយទៅលើបក្សប្រឆាំងដ៏ធំនេះ ត្រូវបានសហរដ្ឋអាមេរិក និងសហភាពអឺរ៉ុប ថ្កោលទោស ដោយថា កម្ពុជាកំពុងដើរឃ្លាតចាកពីគន្លងលទ្ធិប្រជាធិបតេយ្យសេរីពហុបក្ស ប៉ុន្តែ ប្រទេសចិនកុម្មុយនីស្ត បានគាំទ្រវិធានការរបស់រដ្ឋាភិបាលលើបក្សប្រឆាំង ដោយចាត់ទុកថា ជាការការពារស្ថេរភាព និងសន្តិភាពនៅកម្ពុជា៕
Just believe in science but scare the scare with hun sen, like voudoo it starts to make
houuuuuuuuuuu
Congratulation mr Trump” make America great again” . Please do more action and ask the world to isolate this beast regime leaded by former veitcong killer and tell the world to bane all his corrupted officials and his mafia groups .This beast regime need to learn from the democracy’ but veitcong mafia dictator and his groups never learn or respected international or law&order ‘ or constitution in the country’they only cheat the international ‘. GOD bless all good people