ដោយ ថន ថារ៉ូ និងយន់ សាមៀន
2018-07-25
RFA
![ឯកអគ្គរដ្ឋទូតសហភាពអឺរ៉ុប លោក ច្សច អេដហ្គា (George EDGAR) [រូបពីស្ដាំទីពីរ] ឯកអគ្គរាជទូតជប៉ុន ប្រចាំកម្ពុជា លោក ហ៊ិដិហ៊ិសា ហូរីណូអ៊ុជិ (Hidehisa HORINOUCHI) [រូបពីស្ដាំទីមួយ] និងឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក វីល្លៀម ហៃដ្ដ៍ (William A. Heidt) [ឆ្វេង] ផ្ដល់បទសម្ភាសន៍ដល់អ្នកកាសែតក្រោយជំនួបជាមួយ គ.ជ.ប នៅថ្ងៃទី៣១ ខែឧសភា ឆ្នាំ២០១៧។ Photo: RFA](https://www.rfa.org/khmer/news/politics/nec-05312017103014.html/embassador-1440.jpg/@@images/fe5b7a66-84f7-4415-bc1c-6d0db4720280.jpeg "ឯកអគ្គរដ្ឋទូតសហភាពអឺរ៉ុប លោក ច្សច អេដហ្គា (George EDGAR) [រូបពីស្ដាំទីពីរ] ឯកអគ្គរាជទូតជប៉ុន ប្រចាំកម្ពុជា លោក ហ៊ិដិហ៊ិសា ហូរីណូអ៊ុជិ (Hidehisa HORINOUCHI) [រូបពីស្ដាំទីមួយ] និងឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក វីល្លៀម ហៃដ្ដ៍ (William A. Heidt) [ឆ្វេង] ផ្ដល់បទសម្ភាសន៍ដល់អ្នកកាសែតក្រោយជំនួបជាមួយ គ.ជ.ប នៅថ្ងៃទី៣១ ខែឧសភា ឆ្នាំ២០១៧។ Photo: RFA")
ឯកអគ្គរដ្ឋទូតសហភាពអឺរ៉ុប លោក ច្សច អេដហ្គា (George EDGAR) [រូបពីស្ដាំទីពីរ] ឯកអគ្គរាជទូតជប៉ុន ប្រចាំកម្ពុជា លោក ហ៊ិដិហ៊ិសា ហូរីណូអ៊ុជិ (Hidehisa HORINOUCHI) [រូបពីស្ដាំទីមួយ] និងឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក វីល្លៀម ហៃដ្ដ៍ (William A. Heidt) [ឆ្វេង] ផ្ដល់បទសម្ភាសន៍ដល់អ្នកកាសែតក្រោយជំនួបជាមួយ គ.ជ.ប នៅថ្ងៃទី៣១ ខែឧសភា ឆ្នាំ២០១៧។ Photo: RFA
ស្ថានទូតសហរដ្ឋអាមេរិកប្រចាំក្រុងភ្នំពេញ កាលពីថ្ងៃពុធ ទី២៥ ខែកក្កដា ម្សិលមិញនេះ បញ្ជាក់ថា រដ្ឋាភិបាលសហរដ្ឋអាមេរិក នឹងមិនបញ្ជូនភ្ញៀវ ឬអ្នកសង្កេតការណ៍ផ្លូវការណាម្នាក់ មកពីរដ្ឋាភិបាលសហរដ្ឋអាមេរិក មកចូលរួមសង្កេតការណ៍បោះឆ្នោតជាតិ នៅប្រទេសកម្ពុជា ដែលនឹងប្រព្រឹត្តទៅនៅថ្ងៃទី២៩ ខែកក្កដា ខាងមុខនេះទេ។
អ្នកនាំពាក្យស្ថានទូតអាមរិក លោក អារ៉ែន ស្វាតជេស (Arend Zwartjes) បានប្រាប់អាស៊ីសេរីតាមអ៊ីមែលថា ការសម្រេចចិត្តនេះ គឺស្របតាមសេចក្ដីថ្លែងការណ៍ របស់សហរដ្ឋអាមេរិក តាំងពីខែវិច្ឆិកា ឆ្នាំ២០១៧ មក ដែលបានសម្ដែងនូវក្តីកង្វល់យ៉ាងជ្រាលជ្រៅរបស់ខ្លួនចំពោះការវិវត្តផ្នែកនយោបាយនៅក្នុងប្រទេសកម្ពុជា។
សហរដ្ឋអាមេរិក និងសហគមន៍អឺរ៉ុបបានកាត់ផ្ដាច់ជំនួយទាំងស្រុងទៅឲ្យគ.ជ.ប ដោយសារតែរបបលោកនាយករដ្ឋមន្ត្រី ហ៊ុន សែន បានរំលាយលទ្ធិប្រជាធិបតេយ្យនៅកម្ពុជា និងរឹតត្បិតសិទ្ធិសេរីភាពសង្គមស៊ីវិល និងសារព័ត៌មានឯករាជ្យ។
ជាមួយគ្នានេះដែរ ម្ចាស់ជំនួយធំមួយរបស់ប្រទេសកម្ពុជា គឺប្រទេសជប៉ុន ក៏សម្រេចមិនបញ្ជូនអ្នកសង្កេតការណ៍ ទៅសង្កេតការណ៍បោះឆ្នោត នៅថ្ងៃទី២៩ ខែកក្កដា នោះដែរ។
រដ្ឋមន្ត្រីគណៈរដ្ឋមន្ត្រីជប៉ុន លោក Yoshihide Suga ត្រូវបានទីភ្នាក់ងារ ព័ត៌មានអង់គ្លេស Reuters ដកស្រង់សំដី ក្នុងសន្និសីទសារព័ត៌មានមួយថា ជប៉ុននឹងមិនបញ្ជូនអ្នកសង្កេតការណ៍ទៅកម្ពុជា ដូចដែលជប៉ុនធ្លាប់ធ្វើ ចាប់តាំងកាលពីការបោះឆ្នោតចាប់ពីឆ្នាំ១៩៩៣ រហូតដល់ការបោះឆ្នោតចុងក្រោយឆ្នាំ ២០១៣នោះទេ។ លោកមិនបានបញ្ជាក់ហេតុផល ដែលជប៉ុនបដិសេធមិនបញ្ជូនអ្នកសង្កេតការណ៍នោះទេ។ ប៉ុន្តែលោកបន្តថា ជប៉ុនបានបង្ហាញក្តីបារម្ភជាច្រើនដងហើយ និងបានស្នើឲ្យកម្ពុជាស្តារស្ថានការណ៍នយោបាយ ឲ្យល្អប្រសើរឡើងវិញ។
ទោះបីជាយ៉ាងណាក៏ដោយ ក្រសួងការបរទេសជប៉ុនបញ្ជាក់ថា ការសម្រេចចិត្តរបស់ជប៉ុនចុងក្រោយនេះ ដោយសារតែជប៉ុនបានពិចារណា លើស្ថានភាពជុំវិញការបោះឆ្នោតនៅកម្ពុជានោះឯង។
អាស៊ីសេរី មិនទាន់អាចសុំការបំភ្លឺពីអ្នកនាំពាក្យគ.ជ.ប គឺលោក ហង្ស ពុទ្ធា នៅឡើយទេ កាលពីថ្ងៃទី២៥ កក្កដា នេះ៕
Reversed psychology, Cambodia don’t care because Cambodia is the sovereign and independent state. Cambodia can do anything inside the border, including shut the door and kick the dogs. Don’t criticize Cambodia but tell us good things.
Our good friend china never criticize Cambodia back in Pol Pot government and the current one, Chinese friend always praise us until we fall from the cliff.
Wait to see friend of china’ the communist country never vote ‘ and now they send their delegates to investigate the Vote in cambodia haha sound so funny’ . Another story wait to see china 30 trillion of debt will affect cambodia or not ??