លោក ហ៊ុន សិរីវឌ្ឍន៍ | August 16, 2018 | 5:22 pm
https://vodhotnews.com
លោក ប្រាក់ សុខុន រដ្ឋមន្ត្រីក្រសួងការបរទេស (រូបភាព៖ ហ្វេសប៊ុក ក្រសួងការបរទេស និងសហប្រតិបត្តិការអន្តរជាតិ)
រដ្ឋាភិបាលបានបញ្ជូនឯកសារចុងក្រោយឆ្លើយតបទៅនឹងសហគមន៍អឺរ៉ុបហើយ ពាក់ព័ន្ធនឹងការអនុវត្តនានារបស់កម្ពុជា នៅក្រោមប្រព័ន្ធអនុគ្រោះពន្ធ «អ្វីគ្រប់យ៉ាង លើកលែងតែអាវុធ» ហៅកាត់ថា EBA ដែលត្រូវបានផ្ដល់មកឲ្យប្រទេសមួយនេះ។
ក្រសួងការបរទេសកម្ពុជា បានប្រកាសបែបនេះនៅលើទំព័រហ្វេសប៊ុករបស់ខ្លួនកាលពីថ្ងៃម្សិលមិញនេះ ក្រោយជំនួបរវាងក្រុមការងាររដ្ឋាភិបាលកម្ពុជា និងក្រុមមន្ត្រីសហភាពអឺរ៉ុប។
អ្នកនាំពាក្យក្រសួងការបរទេស លោក កេត សោផាន់ មានប្រសាសន៍ថា សំណួរដែលអឺរ៉ុបបានចោទសួរនោះ ជាសំណួរដែលទាក់ទងនឹងការអនុវត្តរបស់កម្ពុជាទៅលើសិទ្ធិការងារ និងសិទ្ធិមនុស្ស ប៉ុន្តែថា ពុំពាក់ព័ន្ធនឹងបញ្ហានយោបាយនោះទេ។
គេគ្រាន់តែសួរយើងពាក់ព័ន្ធនឹងការអនុវត្តន៍អនុសញ្ញាទាំង១៥ហ្នឹង យើងបានឆ្លើយប្រាប់គេហើយថាយើងអនុវត្តន៍ដល់ដំណាក់កាលណាហើយការអនុវត្តន៍របៀបមិច
អ្នកនាំពាក្យក្រសួងការបរទេស លោក កេត សោផាន់
អ្នកនាំពាក្យក្រសួងយុត្តិធម៌ លោក ជិន ម៉ាលីន ដែលសមាជិកមួយរូបនៅក្នុងក្រុមការងាររដ្ឋាភិបាលនោះ ក៏បានសរសេរនៅលើទំព័រហ្វេសបុករបស់លោកផងដែរថា ពេលនេះនៅសល់តែការឆ្លើយតបពីសហភាពអឺរ៉ុបមកកម្ពុជាវិញប៉ុណ្ណោះ។
ពេលនេះ ប្រជាពលរដ្ឋកម្ពុជា ១៥លាននាក់ដែលទទួលប្រយោជន៍ដោយផ្ទាល់ និងដោយប្រយោលពីកម្មវិធីអនុគ្រោះពន្ធនេះ កំពុងរង់ចាំនូវការសម្រេចរបស់សហគមន៍អឺរ៉ុប ហើយសង្ឃឹមថា ការសម្រេចនេះនឹងផ្អែកលើប្រយោជន៍ជាតិរបស់កម្ពុជាជាធំ ជាជាងប្រយោជន៍នយោបាយរបស់ក្រុមណាមួយ
អ្នកនាំពាក្យក្រសួងយុត្តិធម៌ លោក ជិន ម៉ាលីន
សហភាពអឺរ៉ុប បានព្រមានដកហូតប្រព័ន្ធអនុគ្រោះពន្ធពីកម្ពុជាកាលពីខែកុម្ភៈដើមឆ្នាំនេះ តែប៉ុន្មានខែប៉ុណ្ណោះក្រោយពីការចាប់ខ្លួនមេដឹកនាំអតីតបក្សសង្គ្រោះជាតិ លោក កឹម សុខា ការរំលាយបក្សប្រឆាំងដ៏ធំមួយនេះ និងអ្វីដែលគេហៅថា ការធ្វើទុក្ខបុកម្នេញទៅលើអង្គការសង្គមស៊ីវិល និងប្រព័ន្ធផ្សព្វផ្សាយឯករាជ្យនានានៅកម្ពុជា។
ឯកអគ្គរដ្ឋទូតអឺរ៉ុបប្រចាំកម្ពុជា លោក George EDGAR បានឆ្លើយតបតាមសារអេឡិចត្រូនិចអ៊ីម៉ែលមក VOD នៅថ្ងៃនេះថា លោកមិនទាន់អាចបញ្ជាក់បានថា ពេលណាទៅទើបសហភាពអឺរ៉ុបនឹងឆ្លើយតបមកកម្ពុជានៅឡើយទេ តែលោកថា ចម្លើយរបស់រដ្ឋាភិបាលកម្ពុជា នឹងត្រូវបានពិនិត្យសិក្សាដោយសហភាពអឺរ៉ុប និងជារឿងដែលសំខាន់មួយសម្រាប់ការសម្រេចចិត្តដោយគណៈកម្មការអឺរ៉ុប និងក្រុមការងារនយោបាយការបរទេសរបស់អឺរ៉ុប។
ខ្ញុំអាចបញ្ជាក់បានថា ព័ត៌មានដែលផ្ដល់ដោយរាជរដ្ឋាភិបាល នឹងត្រូវបានយកទៅសិក្សាដោយហ្មត់ចត់ពី EU ហើយនឹងក្លាយទៅជាធាតុបញ្ចូលដ៏សំខាន់មួយនៅក្នុងដំណើរការធ្វើសេចក្ដីសម្រេចចិត្តពីសំណាក់គណៈកម្មការអឺរ៉ុប និងទីភ្នាក់ងារសកម្មភាពផ្ទៃក្នុងអឺរ៉ុប (EEAS)។ ដំណើរការបច្ចុប្បន្ននៃការជាប់ព័ន្ធពាក់នៅក្រោមកិច្ចព្រមព្រៀងពាណិជ្ជកម្ម អ្វីគ្រប់យ៉ាង លើកលែងតែអាវុធ នេះ ឆ្លុះបញ្ចាំងពីកង្វល់ជុំវិញស្ថានការណ៍នៅកម្ពុជា ទាក់ទងនឹងបញ្ហាសិទ្ធិមនុស្ស និងសិទ្ធិការងារមួយចំនួន
ឯកអគ្គរដ្ឋទូតអឺរ៉ុបប្រចាំកម្ពុជា លោក George EDGAR
បញ្ហានេះបានជំរុញទៅរដ្ឋាភិបាលកម្ពុជា ឲ្យសម្រេចបញ្ជូនគណៈប្រតិភូពិសេសទៅកាន់សហភាពអឺរ៉ុបកាលពីថ្ងៃទី២៨ ខែមិថុនាកន្លងមក ដើម្បីបញ្ចុះបញ្ចូលទប់ស្កាត់វិធានការដកហូតប្រព័ន្ធអនុគ្រោះពន្ធនេះ។
អ្នកជំនាញសេដ្ឋកិច្ច លោក ង៉ែត ជូ លើកឡើងប្រាប់ VOD កាលពីថ្ងៃទី២៧ កក្កដាថា ប្រព័ន្ធអនុគ្រោះពន្ធនេះ បានផ្តល់អត្រាកំណើនសេដ្ឋកិច្ចដល់ទៅ ៤០% និងផ្តល់ឱកាសដល់អ្នកវិនិយោគផ្នែកវិស័យកាត់ដេរ មានលទ្ធភាពប្រកួតប្រជែងជាមួយប្រទេសជិតខាង និងស្រូបយកកម្លាំងពលកម្មក្នុងស្រុកដល់ជាង ៨០ម៉ឺននាក់។
លោកបានបង្ហាញក្តីបារម្ភថា ប្រសិនជាកម្ពុជាលែងទទួលបានការលើកលែងពន្ធនេះតទៅទៀត វានឹងធ្វើឲ្យប៉ះពាល់ដល់មនុស្សជាច្រើនលាននាក់នៅកម្ពុជា។
កាលណាវាលែងមានប្រព័ន្ធអនុគ្រោះពន្ធហ្នឹង ផលិតផលកាត់ដេររបស់កម្ពុជា វាលែងមានសមត្ថភាពប្រកួតប្រជែងជាមួយបណ្តាប្រទេសនៅក្នុងតំបន់ទៀតហើយ។ ជាពិសេសក្រៅពីអឺរ៉ុប និងអាមេរិកហ្នឹង យើងមិនអាចនាំទៅលក់នៅអាហ្វ្រិក ឬក៏នៅចិនអីទេ ពីព្រោះប្រទេសទាំងអស់ហ្នឹងគ្មានលទ្ធភាពទិញផលិតផលដែលមានតម្លៃខ្ពស់ទេ ហើយយើងក៏មិនអាចលក់ថោកបានដែរ
អ្នកជំនាញសេដ្ឋកិច្ច លោក ង៉ែត ជូ
កិច្ចប្រជុំរបស់ក្រុមប្រឹក្សាអឺរ៉ុបនាពេលបន្ទាប់ ដែលអាចនឹងពិភាក្សាពីប្រព័ន្ធអនុគ្រោះពន្ធនេះ នឹងចាប់ផ្តើមនៅថ្ងៃទី១៨ ដល់១៩ វិច្ឆិកាខាងមុខនេះ។
របាយការណ៍របស់គណកម្មការអឺរ៉ុបដែលចេញផ្សាយកាលពីខែមេសាកន្លងទៅ បានឲ្យដឹងថា កម្ពុជាបាននាំចេញទំនិញទៅសហគមន៍អឺរ៉ុបក្នុងឆ្នាំ២០១៧ មានទំហំជាសាច់ប្រាក់ជាង ៦ពាន់លានដុល្លា។ ទំនិញដែលកម្ពុជានាំចេញទៅសហគមន៍អឺរ៉ុប ភាគច្រើន គឺជាផលិតផលវាយនភណ្ឌកាត់ដេរ និងកសិកម្ម៕
CCIM/VOD
រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។
this psychopath hun sen is too much confidence in him, but in any plan there is a fault Now hun knows but persists, we know we can never reason a psycho mana
whether in the eyes of the world and those around us, we must remember the saying of Sophocles
TRUST DIED but MISTRUST BLOSSOMS
tâm thần này đang gặp nguy hiểm, nhưng đó là lỗi.
Cho dù trong mắt của thế giới và những người xung quanh chúng ta, chúng ta phải nhớ câu nói của Sophocles
TRUST DIED nhưng MISTRUST BLOSSOMS