ដោយ មួង ណារ៉េត
2019-01-02
RFA
រូបភាពលោក សម រង្ស៊ី (អាវសពីស្ដាំទីពីរ) ថតជាមួយអាជីវករតាមផ្សារ ដែលបង្ហោះក្នុងហ្វេសប៊ុក (Facebook) នៅដើមឆ្នាំ២០១៩។ Photo courtesy of Sam Rainsy Facebook
ប្រធានស្ដីទីគណបក្សសង្គ្រោះជាតិ លោក សម រង្ស៊ី ចាប់ផ្ដើមទំព័រឆ្នាំថ្មី ដោយបង្ហោះរូបភាពរំលឹកអនុស្សាវរីយ៍ចាស់ ពេលដែលលោកចុះជួបអ្នកគាំទ្រនៅកម្ពុជា ដោយសរសេរសារអមជាមួយថាលោកជឿជាក់ថា លោកនឹងបានជួបពលរដ្ឋខ្មែរ នៅស្រុកខ្មែរ នៅឆ្នាំ២០១៩ នេះ។ នៅក្នុងសារលើទំព័រហ្វេសប៊ុក (Facebook) របស់លោក កាលពីថ្ងៃទី១ ខមករា អមដោយរូបភាពប្រាំមួយសន្លឹក ដែលបង្ហាញថាលោក ចុះសួរសុខទុក្ខពលរដ្ឋខ្មែរតាមផ្សារ លោក សម រង្ស៊ី បញ្ជាក់បំណងនៃការបង្ហោះរូបភាពទាំងនោះ ថាជាការរម្លឹកពីការសប្បាយ ជួបជុំគ្នាជាមួយជនរួមជាតិខ្មែរ នាពេលកន្លងមក។
លោក សម រង្ស៊ី បានប្ដេជ្ញានៅមុនដាច់ឆ្នាំចាស់ ថាលោកនឹងវិលត្រឡប់ទៅប្រទេសកម្ពុជាវិញ ក្នុងឆ្នាំ២០១៩ នេះ ព្រោះលោកថា កម្ពុជាគឺជាមាតុភូមិរបស់លោក និងប្រជាពលរដ្ឋខ្មែរទូទៅ មិនមែនជាកម្មសិទ្ធិផ្ដាច់មុខរបស់លោក ហ៊ុន សែន និងក្រុមគ្រួសារត្រកូលហ៊ុន និងបក្សពួកអ្នកកាន់អំណាចនោះឡើយ។
ទោះជាយ៉ាងនេះក្តី ការប្រកាសថា នឹងវិលត្រឡប់ទៅប្រទេសកម្ពុជាវិញរបស់លោក សម រង្ស៊ី នេះ ទទួលបានការស្វាគមន៍ភ្លាមៗដែរពីលោក ហ៊ុន សែន និងមន្ត្រីរបបនេះ ប៉ុន្តែ មិនមែនស្វាគមន៍ក្នុងន័យរាក់ទាក់ស្មោះសទេ តែស្វាគមន៍ក្នុងន័យចងអាឃាត ដោយលោក ហ៊ុន សែន ក៏ប្ដេជ្ញាដែរ ថាឲ្យតែលោក សម រង្ស៊ី មកពេលណា ខ្នោះ និងគុក នឹងស្វាគមន៍លោកពេលនោះដែរ។
អ្នកវិភាគថា គំនិតចងអាឃាតគ្នាបែបនេះ គឺផ្ទុយពីអ្វីដែលអ្នកនយោបាយ តែងតែអះអាងថា នឹងប្រកាន់ខ្ជាប់វប្បធម៌ផ្សះផ្សា និងបង្រួបបង្រួមជាតិ៕
Send to facebook
សម រង្ស៉ី និងកឹមសុខា និងបក្សពួក សមល្មមដល់ពេលវេលា
យកមកដាក់គុក មួយជិវិត ដើម្បីជម្រះទុក្ខសោកដល់វិញ្ញាណក្ខន្ធ
អ្នកស្លាប់ និងរបួស លើផ្លូវវេងស្រេងហើយ
———————-
ឥឡូវវាល្មមុដល់ពេលហើយ ដែលត្រូវយក ទណ្ឌិត សម រង្ស៉ី កឹមសុខា និងបក្សពួក មានមួរ សុខហួរ
អេង ឆៃអ៊ាង រៀលខេមរិន្ទ ជាដើម។ល។ ព្រមទាំងសង្គមសីវិលផ្នែកសិទ្ធិមនុស្ស មាន លីកាដូ អាដហុក ក្រុមសហជីពដែលមាននិន្នាការប្រឆាំងរដ្ឋាភិបាល ដែលបានដឹកនាំធ្វើបាតុកម្ម កុប្បកម្មបំ ផ្លិចបំផ្លាញ ក្នុងបំណងផ្តួលរំលំ
រដ្ឋាភិបាលស្របច្បាប់ តាមរយះបដិវត្តន៍ពណ៍ ដែលសមល្មមជាពេលវេលាត្រូវបាននាំខ្លួនពួកនេះមកកាត់ទោស
ឱ្យបានធ្ងន់ធ្ងរបំផុត គឺដាក់គុកមួយជិវិតដើម្បីលាងជម្រះទុក្ខសោកដល់វិញ្ញាណក្ខន្ធ អ្នកស្លាប់ និងរបួស នៅលើផ្លូវវេងស្រេង កាលពីខែមករា ឆ្នាំ២០១៤ហើយ។
យើងចងចាំមិនភ្លេចទេកាលពី ថ្ងៃទី០៤ ខែមករា ឆ្នាំ២០១៤ នូវព្រឹត្តិការណ៍នៃការបះបោរបះបោរ ធ្វើកុប្បកម្មដ៏ហិង្សាដឹកនាំដោយ ទណ្ឌិត សម ង្សី កឹម សុខា និងបក្ខពួកដែលយកប្រជាជន និងកម្មករ និយោជិត មកធ្វើជាផ្លូវក្រាលដោយឈាម ដើម្បីប្លន់យកអំណាចក្រោមឡេះ ទាមទារដំឡើងប្រាក់
ឈ្នួល១៦០ដុល្លារ នៅផ្លូវវ៉េងស្រេង ហើយដែលការធ្វើកុប្បកម្មដ៏ហិង្សានេះ កើតឡើងនៅពាក់កណ្តាល
អធ្រាត្រ ដែលមិនមែនជាករណីធម្មតានៃការធ្វើបាតុកម្មអហិង្សា របស់កម្មករ និយោជិតឡើយ។
ការធ្វើកុប្បកម្មដ៏ហិង្សាដែលបានបណ្តាលឱ្យមានមនុស្សស្លាប់ និងរបួសមួយចំនួន ព្រមទាំងបង្ករឲ្យ
មានការខូចខាតទ្រព្យសម្បត្តិសាធារណៈរបស់រដ្ឋ និងឯកជន បើយើងពិនឹត្យឲ្យស៊ីជម្រៅទៅ វា ជាអំពើកុប្បកម្មផ្តួលរំលំរាជរដ្ឋាភិបាលកម្ពុជាស្របច្បាប់ តាមបែបបដិវត្តន៍ពណ៌ ដូចនៅបណ្តា
ប្រទេស នៅអាហ្វ្រិក និងនៅមជ្ឈឹមបូព៌ាតែប៉ុណ្ណោះ។
សម្រាប់ព្រឹត្តិការណ៍ដ៏ហិង្សានេះ កាលនោះ ប្រសិនជារាជរដ្ឋាភិបាល មិនចាត់វិធានការទប់ស្កាត់ និងបង្ក្រាបបានទាន់ពេលវេលាទេនោះ ហានិភ័យអាចនឹងកើតមានឡើងនៅកម្ពុជា ធ្ងន់ធ្ងរបំផុត ។
ព្រោះថាសន្តិភាពជាតិទាំងមូលនឹងត្រូវបំផ្លាញ ភាពច្របូកច្របល់ក្នុងសង្គមនឹងកើតឡើង ហើយគ្រោះមហន្តរាយ នៃការកាប់សម្លាប់គ្នាដោយអត់រើសមុខ នឹងកើតឡើង ហើយវានិងបង្កើតឡើងនូវវិនាសកម្មដល់ជិវិត
ពលរដ្ឋស្លូតត្រង់ដែលគ្មាននរណាម្នាក់និងនឹកស្មានស្មានដល់។
ដូច្នេះការចង់នាំកម្ពុជាឱ្យធ្លាក់ទៅរកគ្រោះមហន្តរាយ គ្មានអ្នកណាក្រៅពីជនក្បត់ជាតិឈ្មោះ ទណ្ឌិតសម រង្ស៉ី
ឈ្មោះ កឹម សុខានិងបក្សពួកនោះទេ។
ក្រុមជនទាំងនេះ គួរតែនាំខ្លួនមកកាត់ទោសឱ្យបានធ្ងន់ធ្ងរបំផុត ដាក់គុកមួយជិវិតដើម្បីជម្រះដល់
ទុក្ខសោកនៃវិញ្ញាណក្ខន្ធ អ្នកស្លាប់ និងរបួស ដោយមិនអាចអត់អោនឲ្យវាបានឡើយ ។
ព្រោះថារវាងនយោបាយ និងច្បាប់ គេមិនអាចបន្លែបន្លំ លាយឡំចូលគ្នា ដូចពួកបក្សក្បត់ជាតិសង្គ្រោះជាតិ
ធ្លាប់លើកដើម្បីគេចវេសពីផ្លូវច្បាប់នោះទេ ៕