ដោយ អាស៊ីសេរី
2019-10-27
អាស៊ីសេរី
ជនជាតិចិន ដែលសមត្ថកិច្ចនគរបាលខេត្តព្រះសីហនុ ឃាត់ខ្លួនសង្ស័យពីបទជំរិតទារប្រាក់តាមប្រព័ន្ធបច្ចេកវិទ្យាទំនើប នាកន្លែងស្នាក់នៅ ស្ថិតក្នុងសង្កាត់៣ ក្រុងព្រះសីហនុ កាលពីព្រឹកថ្ងៃទី៣១ ខែតុលា ឆ្នាំ២០១៥។ Photo: RFA
សង្គមស៊ីវិលនៅខេត្តព្រះសីហនុថា ជនជាតិចិនកំពុងប្រព្រឹត្តិបទល្មើសនៅក្នុងខេត្តនេះ តាំងពីបទល្មើសធំៗដល់បទល្មើសតូចតាច ប៉ុន្តែអ្នកនាំពាក្យសាលាខេត្តព្រះសីហនុអះអាងថា អាជ្ញាធរមានសមត្ថកិច្ចតែងតែខិតខំការពារសន្តិសុខ និងសុវត្ថិភាពជូនពលរដ្ឋ ពិសេសបង្ក្រាបបទល្មើសនៅក្នុងខេត្តនេះជានិច្ច។
អ្នកសម្របសម្រួលសមាគមអាដហុក (Adhoc) ប្រចាំខេត្តព្រះសីហនុ អ្នកស្រី ជៀប សុធារី ឱ្យអាស៊ីសេរីដឹងថា សព្វថ្ងៃនេះនៅខេត្តព្រះសីហនុជនជាតិចិនបានប្រព្រឹត្តបទល្មើសជាច្រើន ហើយអ្នកទាំងនោះភាគច្រើនគ្មានឯកសាររស់នៅស្របច្បាប់នោះទេ។ អ្នកស្រីឱ្យដឹងទៀតថា ពេលនេះសូម្បីបទល្មើសលួចឡាន ឬលួចម៉ូតូក៏មានជនជាតិចិនប្រព្រឹត្តដែរ៖ «បទល្មើសដែលបង្កឡើងដោយជនជាតិចិន យើងគិតទៅចង់ច្រើនជាងបទល្មើសដែលបង្កឡើងដោយជនជាតិខ្មែរយើងទៀត ហើយនៅពេលនេះមានបញ្ហាពួកគាត់ចូលចិត្តបញ្ចេញចរិតដេញវាយគ្នា»។
ចំណែក នាយកប្រតិបត្តិនៃអង្គការសម្ព័ន្ធគណនេយ្យភាពសង្គមកម្ពុជា លោក សន ជ័យ យល់ថា មូលហេតុដែលនៅតែមានជនជាតិចិនប្រព្រឹត្តបទល្មើស គឺមកពីរដ្ឋាភិបាលកម្ពុជាមិនបានឱ្យជនប្រព្រឹត្តទាំងនោះជាប់ទោសនៅកម្ពុជា។ មន្ត្រីសង្គមស៊ីវិលរូបនេះចង់ឃើញអាជ្ញាធរ យកជនជាតិចិនដែលប្រព្រឹត្តល្មើសទាំងនោះមកអនុវត្តទោស ឬជាប់ពន្ធនាគារនៅកម្ពុជាក្នុងកម្រិតណាមួយសិន មុននឹងត្រូវបញ្ជូនទៅចិនវិញ៖ «ដើម្បីកុំឱ្យមានភាពងាយស្រួលពេកសម្រាប់ជនល្មើសជនជាតិចិនការសាកល្បងឱ្យជនជាតិចិនជាប់ពន្ធនាគារ នៅប្រទេសកម្ពុជាគួរជាចំណុចមួយដែលសាកល្បងដែរ»។
ទាក់ទងការលើកឡើងពីបញ្ហាសន្តិសុខនៅខេត្តព្រះសីហនុនេះ អាស៊ីសេរីមិនទាន់អាចសុំការបំភ្លឺពីស្នងការនគរបាលខេត្តព្រះសីហនុ លោក ជូន ណារិន្ទ បានទេនៅថ្ងៃទី២៧ ខែតុលា ក៏ប៉ុន្តែ អ្នកនាំពាក្យសាលាខេត្តព្រះសីហនុ លោក ឃាង ភារម្យ អះអាងថា អាជ្ញាធរមានសមត្ថកិច្ចតែង តែអនុវត្តការងាររបស់ខ្លួនដោយយកចិត្តទុកក្នុងកិច្ចការពារសន្តិសុខជូនពលរដ្ឋ អ្នកវិនិយោគ និងភ្ញៀវទេសចរនៅក្នុងខេត្តនេះ៖ «បទល្មើសយើងនៅតែបន្តតាមដានដើម្បីបង្ក្រាប»។
ស្ថានទូតចិនប្រចាំកម្ពុជាអះអាងថា អាជ្ញាធរខ្មែរបានបណ្ដេញជនជាតិខ្លួនជាង ១.០០០នាក់ចេញពីកម្ពុជាក្នុងឆ្នាំ២០១៩នេះ។
របាយការណ៍ចុះផ្សាយដោយស្ថានចិនប្រចាំកម្ពុជា កាលពីថ្ងៃទី១៧ ខែតុលា បញ្ជាក់ថា ជនជាតិចិនដែលត្រូវបានអាជ្ញាធរកម្ពុជាបញ្ជូនចេញនោះ បានប្រព្រឹត្តបទល្មើសពាក់ព័ន្ធនឹងអំពើពេស្យាចារ ល្បែងភ្នាល់តាមប្រព័ន្ធអ៊ីនធឺណិត គ្រឿងញៀន សង្គមងងឹត និងបទល្មើសផ្សេងៗទៀត។
អ្នកវិភាគនយោបាយ និងជាសាស្ត្រាចារ្យកិច្ចការពិភពលោក នៃមហាវិទ្យាល័យ Occidental College នៃរដ្ឋកាលីហ្វ័រនីញ៉ា សហរដ្ឋអាមេរិក បណ្ឌិត អៀ សុផល វាយតម្លៃថា ជនជាតិចិនបានកាន់កាប់សេដ្ឋកិច្ចនៅក្រុងព្រះសីហនុស្ទើរតែទាំងស្រុងព្រោះពួកគេមានសណ្ឋាគារចំនួន១៥០ ក្នុងចំណោម១៥៦ ភោជនីយដ្ឋាន ៤១៤ ក្នុងចំណោម៤៣៥កន្លែង កាស៊ីណូ ៤៨ ក្នុងចំណោម៦២កន្លែង ក្លិបខារ៉ាអូខ ៤១ និងហាងម៉ាស្សា៤៦។ ជនជាតិចិនកើនឡើងនៅកម្ពុជាខ្លាំងក្នុងឆ្នាំ២០១៧ គឺកើនឡើងនៅខេត្តព្រះសីហនុ។ ចំណែកឆ្នាំ២០១៩ជនជាតិចិនហូរចូលកាន់តែច្រើនតាមខេត្តផ្សេងទៀតដូចជា ខេត្តកំពត កែប តាកែវ សៀមរាបនិងបន្ទាយមានជ័យជាដើម ខណៈពលរដ្ឋ និងអាជីវករឱ្យដឹង ថាជនជាតិចិននៅក្រុងព្រះសីហនុសឹងតែមានចំនួនច្រើនជាងពលរដ្ឋខ្មែរទៅហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ប្រជាពលរដ្ឋខ្មែរកំពុងភ័យខ្លាចអំពីឥទ្ធិពលចិននៅកម្ពុជា
- ចិនផ្ដល់ជំនួយ ៨៤លានដុល្លារ ដើម្បីពង្រឹងវិស័យកងទ័ពនៅកម្ពុជា
- កម្ពុជាអះអាងថា បានបញ្ជូនជនជាតិចិនជិត ៩០០នាក់ ដែលផ្ទុយពីរបាយការណ៍ទូតចិន
- ទូតចិនបង្ហាញរបាយការណ៍ថា ជនជាតិរបស់ខ្លួនជាង ១ពាន់នាក់ត្រូវបានបណ្ដេញពីកម្ពុជា
- សមត្ថកិច្ចខេត្តស្វាយរៀងឃាត់ជនជាតិចិនពីរនាក់ពីបទបង្ខាំងមនុស្សខុសច្បាប់
- សមត្ថកិច្ចខេត្តព្រះសីហនុឃាត់ជនជាតិចិន ៤នាក់ពីបទប្លន់
- សមត្ថកិច្ចខេត្តព្រះសីហនុឃាត់ជនជាតិចិន ២នាក់ពីបទមនុស្សឃាត
- ក្រុមយុវជនគ្រោងធ្វើក្បួនយាត្រាពីភ្នំពេញទៅក្រុងព្រះសីហនុសុំឱ្យអាជ្ញាធរវាយកម្ទេចកាស៊ីណូ ជីន ទីង
- ក្រសួងការងារអនុញ្ញាតឱ្យជនបរទេសប្រកបមុខរបរដូចធម្មតាវិញ ក្រោយចេញបម្រាមជាង ១ខែ
- សង្គមស៊ីវិល និងពលរដ្ឋបារម្ភពីឃាតកម្មប្រព្រឹត្តដោយជនជាតិចិននៅខេត្តព្រះសីហនុ
Send to facebook
វាជារឿងដែលគួរឲ្យអស់សំណើច ដែលអាមូស( Anonymous)
គឺជាតួអង្គអាក្បត់ជាតិសមរង្ស៊ី និយាយមកកាន់ខ្ញុំបែបនេះ ?
*******
Anonymous
October 28, 2019 at 8:12 pm
I like you so much SO SOCHEATH please let me know your identity or give me your address. I will sending you 1,000.00 US $ just to shut you up not speaking this animal word again . shame on me to have you as Khmer have born at the same country. don’t you understand why we hat you . stop talking that kind of animal word you have the right to speak on some thing you do not like but in human word. in this world every one have their right to express their filling that what I call freedom and human right. do you understand what I mean ??
so socheath
October 29, 2019 at 5:53 am
ហាស ! ហាស
ចង់យកលុយ ១ ០០០ ដុល្លារមកបិទមាត់អញផង ?
កុំថាឡើយ លុយ ១ ០០០ ដុល្លារ មួយកោដិដុល្លារ ក៏អញមិនត្រូវការដែរ ។
អញខ្ពើមណាស់ លុយទុច្ចរឹត បំផ្លាញជាតិ ក្បត់ជាតិ របស់ពួកអ្ហែង អាមូស ! (Anonymous)