ដោយ សេក បណ្ឌិត
2020-07-20
RFA
លោក វេង សាខុន រដ្ឋមន្ត្រីក្រសួងកសិកម្ម រុក្ខា ប្រមាញ់ និងនេសាទ។
រូប៖ ហ្វេសប៊ុករដ្ឋមន្ត្រីក្រសួងកសិកម្ម រុក្ខា ប្រមាញ់ និងនេសាទ
ក្រសួងកសិកម្មចុះMOUជាមួយក្រុមហ៊ុនចំនួនពីរដែលសហការគ្នា គឺក្រុមហ៊ុន Nippon Express Cambodia និង ក្រុមហ៊ុន យ៉ាម៉ាតូ ហ្គ្រីន (Yamato Green Co., Ltd) ថ្ងៃទី១៩ ខែកក្កដា ដើម្បីផលិតកម្មបន្លែសម្រាប់ផ្គត់ផ្គង់ទីផ្សារក្នុងស្រុក និងបម្រើដល់ការនាំចេញទៅកាន់ទីផ្សារក្រៅប្រទេស។
ការចុះ MOU នេះ ខណៈផលិតកសិកម្ម របស់កសិករនៅតំបន់មួយចំនួនគ្មានទីផ្សារ និងមានការនាំចូលពីក្រៅប្រទេសច្រើនដូចជា ប្រទេសវៀតណាម និងថៃ ជាដើម និងស្របពេលពិភពលោកកំពុងប្រឈមខ្លាំង នឹងបញ្ហាជំងឺកូវីដ-១៩។
ទំព័រហ្វេសប៊ុក របស់រដ្ឋមន្ត្រីក្រសួងកសិកម្ម លោក វេង សុខុន ចុះផ្សាយថា ក្រសួងកសិកម្មចុះMOUនេះ ដើម្បីជំរុញការអភិវឌ្ឍបន្លែសុវត្ថិភាពកម្ពុជាឱ្យទាន់សភាពការណ៍បច្ចុប្បន្ន និងតម្រូវការទីផ្សារ។
ទំព័រហ្វេសប៊ុកដដែលសរសេរទៀតថា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន បានដឹកនាំសហការីធ្វើទស្សនកិច្ចស្វែងយល់អំពីដំណើរការអាជីវកម្មផ្នែកដឹកជញ្ជូន ឃ្លាំងស្តុក ទូត្រជាក់ របស់ក្រុមហ៊ុន Nippon Express Cambodia ស្ថិតក្នុងតំបន់សេដ្ឋកិច្ចពិសេសភ្នំពេញ ដែលក្រុមហ៊ុននេះជាដៃគូជាមួយក្រុមហ៊ុន Yamato Green ដែលបានចូលរួមសហការវិនិយោគដើម្បីអភិវឌ្ឍវិស័យផលិតកម្មបន្លែនៅកម្ពុជា។
លោក វេង សាខុន បានបញ្ជាក់ប្រាប់តំណាងក្រុមហ៊ុនក្នុងឱកាសនោះថា វិស័យផលិតកម្មបន្លែកម្ពុជាកំពុងប្រឈមនឹងបញ្ហាមួយចំនួន ដូចជាមធ្យោបាយដឹកជញ្ជូនគ្រប់ប្រភេទ ទាំងខ្នាតតូច ខ្នាតធំ ឃ្លាំងស្តុក ទូត្រជាក់ រថយន្តដឹកបន្លែបំពាក់ដោយម៉ាស៊ីនត្រជាក់ជាដើម។
ប៉ុន្តែ តំណាង ក្រុម ហ៊ុនទាំងពីរ គឺក្រុមហ៊ុន Nippon Express Cambodia និងក្រុមហ៊ុន Yamato Green បញ្ជាក់ថា បញ្ហាទាំងនេះ ក្រុមហ៊ុនបានត្រៀមទុករួចជាស្រេចអស់ហើយក្នុងទិសដៅធ្វើទំនើបភាវូបនីយកម្មបន្លែគ្រប់ខ្សែច្រវាក់ផលិតកម្ម ប្រែក្លាយផលិតកម្មបែបលក្ខណ:គ្រួសារ ទៅជាផលិតកម្មបែបកសិ-ឧស្សាហកម្ម ដើម្បីធានាបរិមាណផ្គត់ផ្គង់ គុណភាព និងសុវត្ថិភាពតាមតម្រូវការក្នុងស្រុក និងការនាំចេញនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- “កម្ពុជាខាតបង់ថវិកាជាង ៤០០លានដុល្លារក្នុងមួយឆ្នាំដោយសារតែការនាំចូលជ្រូកពីក្រៅប្រទេស”
- ប្រជាពលរដ្ឋខ្មែរចាត់ទុកថា ទំនិញគ្រប់ប្រភេទនាំចូលពីប្រទេសចិនគ្មានគុណភាព
- រដ្ឋាភិបាលខ្ចីបុលធនាគារពិភពលោក (World Bank) ១០០លានដុល្លារ យកមកកែលម្អផ្លូវនៅតំបន់ជនបទ
- ក្រុមអង្គការសង្គមស៊ីវិលរក្សាជំហរមិនកែប្រែរបាយការណ៍របស់ខ្លួនស្តីពីបញ្ហាបំណុលពលរដ្ឋ
- ភ្ញៀវទេសចរបរទេសមកលេងកម្ពុជាធ្លាក់ចុះជិត ៦០% ក្នុងអំឡុង ៥ខែដើមឆ្នាំ២០២០
- អាជ្ញាធរថៃដាក់លួសបន្លាតាមព្រំដែនទប់ស្កាត់ពលករខ្មែរឆ្លងដែនសុខច្បាប់ដើម្បីការពារកុំឱ្យឆ្លងជំងឺកូវីដ១៩
- លោក ហ៊ុន សែន ប្រកាសផ្ដល់ទុនចិញ្ចឹមត្រី ឲ្យកម្មករ និងពលករ ដែលបាត់បង់ការងារ ដោយសារវិបត្តិជំងឺកូវីដ១៩
- អាជីវករខ្មែរអាចចូលទៅលក់ដូរនៅផ្សាររុងក្លឿឡើងវិញ ចាប់ពីថ្ងៃទី១៥ កក្កដា
- រដ្ឋាភិបាលចាប់ផ្ដើមខ្ចីបុលពីស្ថាប័នហិរញ្ញវត្ថុអន្តរជាតិ យកទៅទប់ទល់នឹងវិបត្តិកូវីដ១៩
- លោក សម រង្ស៊ី ស្នើឱ្យគ្រឹះស្ថានមីក្រូហិរញ្ញវត្ថុជាតិ និងអន្តរជាតិ ឈប់កេងប្រវ័ញ្ចញើសឈាមពលរដ្ឋខ្មែរ
OH GOD let me laughing my ass off just one second pleas……………………….. last year Cambodian grove vegetable no bodies bough it . they rather late it come from those one million years friend .comical vegetable for Cambodian to eat for all of them can die soon so that they can take their land . please look at around you VIETCONG’s accretion is so intent to take over Cambodia right now . let see where all those AH CHESSTU .. CAMBODIA COMMUNIST PARTY will go