ដោយ ជីវិតា
2020-12-03
RFA
អ្នកស្រី មីឆែល បាឆេលែត (Michelle Bachelet) ឧត្ដមស្នងការសិទ្ធិមនុស្សអង្គការសហប្រជាជាតិ លើកស្លាកធ្វើយុទ្ធនាការពុះពារឧបសគ្គក្នុងវិស័យសិទ្ធិមនុស្ស ដោយមានឃ្លាថា “ក្រោកឡើង ដើម្បីសិទ្ធិមនុស្ស” នៅថ្ងៃទី១ ខែធ្នូ ឆ្នាំ២០២០។ រូប៖ ហ្វេសប៊ុកអ្នកស្រី Michelle Bachelet
ឧត្ដមស្នងការសិទ្ធិមនុស្សអង្គការសហប្រជាជាតិ អ្នកស្រី មីឆែល បាឆេលែត (Michelle Bachelet) នៅថ្ងៃទី២ ធ្នូ បញ្ចេញសារអំពាវនាវដល់ប្រជាជាតិទាំងអស់លើពិភពលោក ឱ្យក្រោកឈរឡើងដើម្បីសិទ្ធិមនុស្ស។ ការអំពាវនាវរបស់មន្ត្រីជាន់ខ្ពស់អង្គការសហប្រជាជាតិនេះ ធ្វើឡើងដើម្បីអបអរសាទរដល់ទិវាសិទ្ធិមនុស្សអន្តរជាតិ១០ ធ្នូ ឆ្នាំ២០២០ ដែលប្រព្រឹត្តទៅចំពេលពិភពលោកទាំងមូលកំពុងរងគ្រោះដោយជំងឺឆ្លងជាសាកលកូវីដ-១៩។
អ្នកស្រី មីឆែល បាឆេលែត មានប្រសាសន៍ក្នុងវីដេអូរយៈពេលជាង ២នាទីថា មនុស្សជាតិគ្រប់រូបត្រូវតែក្រោកឈរឡើងដើម្បីសិទ្ធិមនុស្ស ពីព្រោះសិទ្ធិមនុស្សផ្តល់ឱ្យសង្គមមួយនូវភាពរឹងមាំ និងភាពស្មើគ្នា ព្រមទាំងជាការឆ្លើយតបទៅនឹងវិបត្តិមនុស្សជាតិទាំងឡាយផងដែរ។ អ្នកស្រីទទូចដល់ប្រជាជាតិនីមួយៗ អនុវត្តឱ្យបាននូវចំណុច៤ ជាសំខាន់។ នោះគឺបញ្ចប់ការរើសអើងគ្រប់រូបភាព កាត់បន្ថយការកើនឡើងនៃភាពមិនស្មើគ្នាលើកទឹកចិត្តឱ្យមានការចូលរួម ជាពិសេសពីយុវជន ព្រមទាំងបង្កើន និងលើកកម្ពស់ការប្ដេជ្ញាចិត្ត និងកិច្ចខិតខំប្រឹងប្រែង ដើម្បីសម្រេចបានគោលដៅអភិវឌ្ឍន៍ប្រកបដោយចិរភាព។
កម្ពុជាដែលជារដ្ឋសមាជិករបស់អង្គការសហប្រជាជាតិដែរនោះ ត្រូវបានសហគមន៍ជាតិ និងអន្តរជាតិវាយតម្លៃថា មានករណីរំលោភសិទ្ធិមនុស្សធ្ងន់ធ្ងរ និងជាប្រព័ន្ធ កើតឡើងឥតឈប់ឈរ។ ក្រោមការដឹកនាំរបស់លោកនាយករដ្ឋមន្ត្រី ហ៊ុន សែន ជាច្រើនទសវត្សរ៍មកនេះ អ្នកនយោបាយបក្សប្រឆាំង សកម្មជនសិទ្ធិមនុស្ស មេដឹកនាំសហជីព អ្នកការពារបរិស្ថាន អ្នកសារព័ត៌មាន និងប្រជាពលរដ្ឋដែលមិនគាំទ្រការដឹកនាំរបស់លោក បានទទួលរងការវាយបង្ក្រាប ការគាបសង្កត់ បំបិទសិទ្ធិសេរីភាព ជាពិសេសសិទ្ធិពលរដ្ឋ និងសិទ្ធិនយោបាយ និងការចាប់ដាក់គុក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
សម្រាប់ដាស់តឿនពួកមីក្តឹតងាយ !
*******
នឹកឡើងត្រូវខ្មាស់ស្រីចំតិញ ជំទយគូថស្ញេញលេចប្រដាប់
គួរចេះខ្មាស់ញាតិមីត្រូវគ្រាប់ យ៉ាប់ពូជមីឡប់វង្វេងក្រោល ។
ត្រូវចេះនឹកខ្មាស់មុនហងជឿ កុំចេះតែល្ងើទយក្តឹតឲ្យ
អាស៊ី-អាខាវាលាត់សើយ ធើពីមុខ-ក្រោយឲ្យសន្យា ។
សន្យាខ្យល់ខ្ចប់ វាសាប់ដូចសប់ សាប់ញាប់ដូចឆ្កែ
សាប់ឲ្យសក្តិ៍ខ្យល់ ពួកអាតាប៉ែ ជាប់ងារក្តឆ្កែ
អាតិរច្ឆាន !