ថ្ងៃ សុក្រ 08 មិថុនា 2012
ដោយ លាង ដឺលុច
RFI
ការតវ៉ារបស់អ្នកភូមិបឹងកក់ និងអ្នកភូមិបុរីកីឡា នៅតែមានមិនចេះចប់។ នៅថ្ងៃសុក្រនេះប្រជាជនដែលអះអាងថា ជាជនរងគ្រោះនៃការបណ្តេញចេញ រួមទាំងកុមារតូចៗ ដែលមានម្តាយត្រូវតុលាការកាត់ទោសផង បាននាំគ្នាដង្ហែញត្តិស្នើសុំអន្តរាគមន៍ពីរដ្ឋាភិបាលជប៉ុន។ មន្ត្រីស្ថានទូតជប៉ុនបានទទួលសំណើរបស់ពួកគេ។
ប្រជាជន បឹងកក់ និង អ្នក នៅបុរីកីឡា តវ៉ា នៅថ្ងៃ តែមួយ នៅថ្ងៃ សុក្រ នេះ ដើម្បី សុំ អន្តរាគមន៍ ក្នុង រឿង ជម្លោះដីធ្លី របស់ ពួកគេ ©RFI/ siv channa
ក្រុមអ្នកតវ៉ាមកពីតំបន់បឹងកក់ និងបុរីកីឡាបានរំសាយការដង្ហែក្បួនភា្លមបន្ទាប់ពីស្ថានទូតជប៉ុនបានទទួលយកញត្តិរបស់ពួកគេដែលស្នើសុំអន្តរាគមន៍ពីរដ្ឋាភិបាលជប៉ុននៅព្រឹកថ្ងៃសុក្រ។
ក្រុមអ្នកតវ៉ាទាំងពីរមានសំណើ២ផ្សេងគ្នា។ អ្នកភូមិបឹងកក់ ព្រមទាំងកុមារតូចបានស្នើសុំអោយស្ថានទូតជប៉ុនអន្តរាគមទៅរដ្ឋាភិបាលកម្ពុជាដើម្បីដោះលែងស្ត្រីអ្នកភូមិបឹងកក់ទាំង១៣នាក់ និងអ្នកការពារសិទ្ធិមនុស្ស២នាក់ទៀត។ រីឯ អ្នកភូមិបុរីកីឡាវិញបានសុំអោយរដ្ឋាភិបាលជប៉ុនអន្តរាគមធ្វើយ៉ាងណាអោយក្រុមហ៊ុនផាន អ៊ីម៉ិចសង់អគារគេហដ្ឋាន២ទៀតតាមការសន្យាដើម្បីពួកគេបានរស់នៅទីនោះ។
ការតវ៉ារបស់អ្នកភូមិបឹងកក់ និងអ្នកបុរីកីឡានៅតែមានជារៀងរាល់ថ្ងៃ។ កាលពីថ្ងៃម្សិលមិញ អ្នកភូមិបឹងកក់បាននាំគ្នាបន់ស្រន់ ដើម្បីរកអន្តរាគមន៍ពីអ្នកតាម្ចាស់ទឹកម្ចាស់ដីឲ្យជួយដោះស្រាយបញ្ហារបស់ពួកគេ។ ការបន់ស្រន់នេះមានទាំងការដាក់បណ្តាសាដល់អ្នកយកដីរបស់ពួកគេផងដែរ។ កុមារ និងអ្នកភូមិបានជួបជុំគ្នានៅកន្លែងទីសក្ការៈមួយក្នុងភូមិបឹងកក់ ផ្ទាល់តែម្តងដើម្បីរៀបចំពិធីបែបអបិយជំនឿនេះ។ កាលពីថ្ងៃអង្គារ ពួកគេបាននាំគ្នាទៅលុតជង្គង់ពីមុខព្រះបរមរាជវាំងដើម្បីសុំ ព្រះរាជអន្តរាគមន៍ ពីព្រះមហាក្សត្រ។
ទាក់ទងនឹងអ្នកភូមិបឹងកក់ដដែល អង្គការជាតិនិងអន្តរជាតិចំនួន៤៣ដែលធ្វើការលើបញ្ហាសិទ្ធិស្ត្រីនិងសមភាពយេនឌ័របានអំពាវនាវសាជាថ្មីទៀតអោយរដ្ឋាភិបាលដោះលែងស្ត្រីអ្នកភូមិបឹងកក់ទាំង១៥នាក់ ដើម្បីលើកស្ទួយកម្ពុជាខ្លួនឯងថា ជាប្រទេសប្រជាធិតេយ្យ និងគោរពសិទ្ធិមនុស្ស។ រីឯអ្នកទាំង១៥នាក់ដែលកំពុងជាប់ក្នុងពន្ធនាគារនោះ បើតាមការអះអាងរបស់គណៈកម្មាធិការប្រព្រឹត្តិកម្ម ពួកគេគំរាមធ្វើកូដកម្មអត់អាហាររហូតដល់មានការដោះលែងពួកគេ៕
—————————————————
We need to stop benefitting ourselves at the expense of hurting
others, for such only creates bad Karma that we have to repay
later. Even if we do not believe this, it will still happen. To correct
it, we need to constantly practice great compassion.—Buddhism យើងចាំបាច់ត្រូវបញ្ឈប់ខ្លួនយើងពីការកេងយកប្រយោជន៍លើការ
ចំណាយនៃជនដទៃទាំងឡាយដែលកំពុងរងឈឺចាប់, ព្រោះហេតុថា
អំពើអញ្ចឹងបានត្រឹមតែបង្កើតអកុសលកម្មដែលយើងត្រូវតែសងវិញ
នៅគ្រាក្រោយ ។ ទោះបីយើងមិនជឿកម្មផលនេះក្តី, ក៏គង់តែវានឹង
កើតឡើងបាន ។ ដើម្បីកែតម្រូវអកុសលកម្ម, យើងចាំបាច់ត្រូវតែ
អនុវត្តមហាមេត្តាចិត្តជារៀងៗ ។
ទោះជាល្បិច ឬជាល្ខោនសម្តែងរឿង« រហេមរហាម» ដើម្បីសុំលុយគេ ឬរដ្ឋអំណាចដឹងហើយចេតនាមិនខ្វល់ខ្វាយ វាមិនល្អសម្រាប់ខ្មែរទូទៅ។ ខ្សែរឿងបែបបនេះ វាសមតែនៅក្នុងសម័យសង្រ្គាមរាំរ៉ៃទើបសម តែសម័យនេះហើយប្រទេសជាតិជឿនលឿន ហេតុអ្វីមិនកែប្រែរាស្រ្តខ្មែរតាមស្ថានភាពនោះផង?។
a bo bo heng khmer or sas ke ban heng say like this a brain hach nis !\
តើលោកហុនសែនសប្បាយចិត្តទេនៅពេលកូនខ្មែររងទុក្ខទេវនាអត់បាយដើម្បីទាមទាយុត្តិធម
ទាំងបែបនេះលោកហុនសែនត្រូវយូនបិតមាត់ហើយមែនទេបានជាមិនព្រមចេញមកជួយកូន
ខ្មែរខ្លួនអែងលោកហុនសែនមិនមែនជាកូនខ្មែរទេដឹងបានជាធ្វើបាបកូនខ្មែរដល់ថ្នាក់និង
គ្មានថ្នាក់ដឹកនាំណាដែលគេធ្វើទង្វើបែបនេះជាមួយប្រជាជននោះទេមានតែលោកហុនសែន
មួយគាត់ដែលហានធ្វើអំពើរព្រៃផ្សៃមកលើប្រជាជននិងរំលោភសិទ្ឋមនុស្សរំលោភសិទ្ឋប្រជាជនគ្រប់យ៉ាងក៏ដូចរំលោភសិទ្ឋមនុស្សអន្តរជាតិផងដែរ