ពុធ 20 មិថុនា 2012
សិលាពល
ទស្សនាវដ្តីសារព័ត៌មានសេរី
តាមរយៈជំនួយពីសហគមន៏អឺរ៉ុប នគរបាលប្រទេសកម្ពុជា បានប្រាប់ឲ្យដឹងកាលពីម្សិលមិញថា ខ្លួនបានបំពាក់រួចហើយនូវប្រព័ន្ធកុំព្យូទ័រ សម្រាប់ត្រួតពិនិត្យ បទឧក្រិដ្ឋឆ្លងដែននៅអាកាសយាន្តដ្ឋានអន្តរជាតិ និងច្រកព្រំដែនអន្តរជាតិ ។
ច្រកទ្វារអន្តរជាតិប៉ោយប៉ែត ដែលបានបំពាក់ប្រព័ន្ធកុំព្យូទ័ររួចហើយ
លោក កែវ វណ្ណថន ប្រធានការិយាល័យនគរបាលអន្តរជាតិរបស់កម្ពុជា បានថ្លែងប្រាប់ក្រុមអ្នករាយការណ៏ព័ត៌មានថា ” នៅពេលណាព័ត៌មានកម្អិតដាក់បញ្ជូលក្នុងកុំព្យូទ័រនេះហើយ ដូចជាលិខិតឆ្លងដែនក្លែងក្លាយ វានឹងបង្ហាញថា ក្លែងក្លាយ ព័ត៌មានទាក់ទងនឹងជនដែលគេតាមចាប់ខ្លួននិងបង្ហាញឡើងផងដែរ ។ ហើយព័ត៌មានទាក់ទងនិងរថយន្តចោលួច ឬ ប្លន់ ក៏បា្រប់ឲ្យដឹងផងដែរ “។
បើតាមមន្ត្រីនគរបាលកម្ពុជារូបនេះថា មានបទឧក្រិដ្ឋប្រហែលជាង៣០លានករណី ដែលបានកើតឡើងក្នុងប្រទេសចំនួន១៩០ ត្រូវបានកត់ត្រាទុកក្នុងប្រពន្ធទិន្នន័យនេះ ។ ក្នុងនោះជនឧក្រិដ្ឋដែលនគរបាលអន្តជាតិកំពុងតាមចាប់ខ្លួន ប្រហែល៨ម៉ឺននាក់ និងរថយន្តដែលត្រូវបានចោរប្លន់ ឬ លួច ប្រហែល៧លាន គ្រឿង ត្រូវបានដាក់់បញ្ចូលក្នុងទិន្នន័យនេះ ៕