26 July 2012
ប៊ុត រស្មីគង្គា
ភ្នំពេញ ប៉ុស្តិ៍
ភ្នំពេញៈ សាលាដំបូងរាជធានីភ្នំពេញនៅរសៀលថ្ងៃព្រហស្បតិ៍នេះបានបើកសវនាការកាត់ទោសអតីតទីប្រឹក្សាសម្តេច ជា ស៊ីម ប្រធានព្រឹទ្ធសភាជាតិ ឲ្យជាប់ពន្ធនាគារចំនួនពីរឆ្នាំតែទោសត្រូវព្យួរ ពិន័យជាប្រាក់១០លានរៀល និងបង្គាប់ឲ្យសងសំណង ១៤០,០០០ដុល្លារអាមេរិក។
លោក គឹម ដានី ចៅក្រមជំនុំជម្រះសាលាដំបូងបានថ្លែងថា លោក ម៊ី រដ្ឋា អាយុ៣៩ឆ្នាំ ជាពាណិជ្ជករ និងជាអតីតទីប្រឹក្សាសម្តេច ជា ស៊ីម ត្រូវបានកាត់ទោសឲ្យជាប់ពន្ធនាគារចំនួន២ឆ្នាំតែទោសត្រូវព្យួរ ពិន័យជាប្រាក់ ១០លានរៀល (២,៥០០ដុល្លារ) និងត្រូវសងសំណងចំនួន ១៤០,០០០ដុល្លារអាមេរិកទៅលោក ឈន សារ៉ាណេដែលជាដើមបណ្តឹង។
សូមបញ្ជាក់ថាលោក ម៊ី រដ្ឋា ត្រូវបានតុលាការចោទប្រកាន់ កាលពីឆ្នាំ២០០៩ ពីបទរំលោភសេចក្តីទុកចិត្តក្នុងមាត្រា ៣៩១និង៣៩២ នៃក្រមព្រហ្មទណ្ឌទាក់ទងនឹងការចេញមូលប្បទានប័ត្រគ្មានសាច់ប្រាក់ចំនួន ២៥០,០០០ដុល្លារទៅលោកឈន សារ៉ាណេដែលជាពាណ្ជិករម្នាក់នៅភ្នំពេញតាំងពីឆ្នាំ២០០៨។លោកត្រូវបានប្តឹងដោយលោកឈន សារ៉ាណេក្នុងឆ្នាំ២០០៩។
នេះជាអ្នកមិនស្មោះនឹងបក្ស! នៅមានបន្តទៀតណា! សូមរងចាំទស្សនាភាគបន្ត! សូមអរគុណ!!!
នៅក្នុងបក្សមានពួក។បើកុំតែមានយួនត្រួតពីលើគណបក្សប្រជាជនបែកជា១០០ចំរៀក
យូរហើយ។