ភ្នំពេញ: ប្រជាពលរដ្ឋសហគមន៍បុរីកីឡា និងប្រជាពលរដ្ឋភ្នំបាត អតីតអ្នករស់នៅសហគមន៍បុរីកីឡា នៅព្រឹកថ្ងៃទី១៣ ខែសីហា ឆ្នាំ២០១២ បានធ្វើពិធីបួងសួង និងដាក់បណ្ដាសា ដល់ក្រុមហ៊ុនផានអ៊ីម៉ិច ដែលបានឈូសឆាយផ្ទះសម្បែងរបស់ពួកគេ ដោយមិនមានសំណងសមរម្យ។
ថ្ងៃទី 13 សីហា 2012
ដោយ: លីនណា
CEN
ពលរដ្ឋបុរីកីឡា រួមទាំងកុមារតូចៗ ក៏បានលើកបដា និងថ្លែងសាទុក្ខ ក្នុងពេលជួបជុំ នៅមុខខ្ទមអ្នកតាក្នុងប្លុកបុរីកីឡា ខាងជើងស្តាតអូឡាំពិក នៅព្រឹកថ្ងៃចន្ទ ទី១៣សីហា ឆ្នាំ២០១២ ផងដែរ។
សេចក្ដីថ្លែងការណ៍របស់ប្រជាពលរដ្ឋសហគមន៍បុរីកីឡា បានលើកឡើងថា ចាប់តាំងពីថ្ងៃទី៣ ខែមករា ឆ្នាំ២០១២ ក្រុមហ៊ុនផានអ៊ីម៉ិច បានឈូសឆាយកម្ទេច ផ្ទះសម្បែងរបស់ពួកគេ ដោយគ្មានប្រកាសប្រាប់ជាមុន។ សព្វថ្ងៃនេះ ប្រជាពលរដ្ឋទាំងអស់គ្នារស់នៅរងទុក្ខវេទនាគ្រប់បែបយ៉ាង គ្មានផ្ទះសម្បែង គ្មានមុខរបររកស៊ី កូនៗបាត់បង់ការសិក្សា អាហារហូបចុកមិនគ្រប់គ្រាន់ កូនក្មេងតូចៗ និងមនុស្សចាស់ជរា កើតជំងឺគ្រោះគ្មានទឹកងូត និងគ្មានអនាម័យ។
សេចក្ដីថ្លែងការណ៍ បានឲ្យដឹងថា ប្រជាពលរដ្ឋទាំងអស់គ្នា សូមលើកដៃដប់ សូមអំពាវនាវដល់រាជរដ្ឋាភិបាល អង្គការជាតិ និងអន្តរជាតិ សូមមេត្តាជួយជំរុញឲ្យក្រុមហ៊ុន ផានអ៊ីម៉ិច គោរពនូវកិច្ចសន្យា សាងសង់អគារទី៩ និងទី១០ សម្រាប់សហគមន៍បុរីកីឡា ពីព្រោះយើងទាំងអស់គ្នារងទុក្ខវេទនារស់ពិបាកជាងស្លាប់ទៅទៀត៕ S
ខ្ញុំលឺគេថា ខំបួងសួងដល់ទេវតាឋានណាក៍វាមិនសាកសិទ្ធដែរ។ បើចង់អោយក្រុមហ៊ុន
ផានអ៊ីុមិុចរលាយ បួងសួងដល់នាយករដ្ឋមន្ត្រីវិញអោយតែត្រូវ ២៤ម៉ោងរលាយខ្ទិច។
សព្វថ្ងៃនេះកុំថាឡើយ ព្រះឥន្ធ ព្រះព្រហ្ម ទេវតា សូម្បីព្រះករុណា កើតរឿងកាលណា
ស្តេចអាយវាចារ ព្រះករុណាបាយៗ ប្រុចប៉េកាំង(go away)។