ភ្នំពេញ: លោក ឆែ វីរៈ ចៅក្រមស៊ើបសួរនៃសាលាដំបូងរាជធានីភ្នំពេញ កាលពី ថ្ងៃទី២៥ ខែមករា ឆ្នាំ២០១៣ បានចេញលិខិត ជូនដំណឹង ស្តីពីដីកា លើកលែងចោទប្រកាន់ ជំរាប លោក លោ ជុនធី និង កោក សំសុគន់ ដែលត្រូវជាមេធាវីការពារឲ្យ ជនត្រូវ ចោទឈ្មោះចាន់សុវេត (មន្ត្រីអង្គការសិទ្ធិមនុស្សអាដហុក)មានស្នាក់ការ នៅផ្ទះ លេខ៥១ផ្លូវលេខ៦០៨ សង្កាត់បឹងកក់២ខណ្ឌទួលគោក រាជធានីភ្នំពេញ ឲ្យបានជ្រាប់ដំណឹង។
ថ្ងៃទី 11 កុម្ភៈ 2013
ដោយ: រតនា
CEN
ត្បិតនៅក្នុងសំណុំរឿងព្រហ្មទណ្ឌ លេខ ២៤៨៧ចុះថ្ងៃទិ៣ខែសីហាឆ្នាំ២០១២នេះត្រូវបានលើកលែងចោទប្រកាន់ តាមដីកា លេខ២៤៨ ត ព្រ ចុះថ្ងៃទី… ខែមករា ឆ្នាំ២០១៣ ហើយ។
លោក ចាន់ សុវេត មន្ត្រីជាន់ខ្ពស់នៃអង្គការសិទ្ធិមនុស្សអាដហុក បានមានប្រសាសន៍បញ្ជាក់យ៉ាងនេះថា ៖ ការសម្រេចលុបចោល បទចោទប្រកាន់ ចំពោះលោក ពុំមានអ្វី ភ្ញាក់ផ្អើលធំទេ។
លោកបានមានប្រសាសន៍បញ្ជាក់យ៉ាងនេះថា ៖ “ស្ថានភាពដែលតុលាការ លើកលែងបទចោទប្រកាន់ចំពោះខ្ញុំ ក៏មិនមែនជាការឆ្លុះបញ្ចាំង លើដំណើរ ការនៃការកំណែទម្រង់ប្រពន្ធ័យុត្តិធម៌នៅកម្ពុជា ថាបានល្អនោះឡើយ។ គឺត្រវតែមានការពិនិត្យមើល នូវភាព មិនប្រក្រតី មួយចំនួន នៅក្នតប្រពន្ធ័តុលាការ ដូច ជាដោះលែងលោកម៉ម សូណង់ដូ សកម្មជនដីធ្លី និង សុខ សំអឿន ប៊នសំណាង និងពិនិត្យ បញ្ហា នីទណ្ឌភាព ទាក់ទងនិងឈូកបណ្ឌិត។ល”។
លោក ចាន់ សុវេត បានមានប្រសាសន៍បន្តទៀតថា ៖ ការដែលតុលាការក្រុងភ្នំពេញ ទំលាក់បទចោទប្រកាន់ចំពោះរូបលោកនោះ ដោយសារតែ តុលាការពុំមាន ភស្តុតាង អ្វីច្បាស់លាស់ សម្រាប់ធ្វើជា សំអាងរឹងមាំ ក្នុងការដាក់បន្ទុកបទចោទប្រកាន់មកលើ រូបលោក។
សូមបញ្ជាក់ថា នៅក្នុងលិខិតជូនដំណឹង ស្តីពីដីកា លើកលែងចោទប្រកាន់នោះ លោក ឆែ វីរៈ ចៅក្រមស៊ើបសួរ នៃសាលាដំបូងរាជធានី ភ្នំពេញ បានយោងតាមមាត្រា២៤៧នៃក្រមនីតិវិធីព្រហ្មទណ្ឌ និងបានឃើញសំណុំរឿង ព្រហ្មទណ្ឌ លេខ២៤៨៧ ចុះថ្ងៃទី៣ ខែសីហា ឆ្នាំ២០១២។ និងបានឃើញដីកា សន្និដ្ឋាន ស្ថាពរលេខ៥៩អយឆចុះថ្ងៃទី៩ ខែមករា ឆ្នាំ២០១៣ របស់តំណាង អយ្យការ អមសាលាដំបូង រាជធានីភ្នំពេញ៕