ជនសង្ស័យ ជាចោរលួចពង្រាត់ទារកចេញពីទ្រូងម្តាយ ១ម៉ោងក្រោយសមត្ថកិច្ច ចាប់ខ្លួនបាន កាលពីវេលាម៉ោង២និង៤០នាទីរសៀលថ្ងៃទី២៤ មីនានោះ ជាស្ដ្រីជនជាតិវៀតណាម។
វឍ្ឍតី
Wednesday 27 March 2013
The Free Press Magazine
ជនសង្ស័យស្ត្រីវៀតណាម ជាចោរលួចពង្រាត់ទារកចេញពីទ្រូងម្តាយ នៅមន្ចីរពេទ្យ មិត្ដ ភាពកម្ពុជា-សូវៀត កាលពីរសៀលថ្ងៃទី ២៤ មីនា។
យោងតាមមន្ដ្រីនគរបាលស្រុកលើកដែកបានឱ្យ ដឹងថា ស្ដ្រីជនជាតិវៀតណាមដែលត្រូវ បានឃាត់ខ្លួន ឈ្មោះ ធិច ជីថាយ អាយុ ៤៥ឆ្នាំ មានទីលំនៅភូមិ មេសស ឃុំយី តឿង ស្រុកកុងង៉ាំង ខេត្ដទីយិន ប្រទេស វៀតណាម ។ ចំណែកឯម្ដាយទារលឈ្មោះ ប៉ែន សុវណ្ណ អាយុ៣៣ឆ្នាំ និងឪពុកឈ្មោះ ប៉ឹង ពិសី អាយុ៣៧ឆ្នាំ មានទីលំនៅក្នុង ភូមិយាវ ឃុំកំពង់ចាម ស្រុកសំបូរ ខេត្ដ ក្រចេះ។
មន្ត្រីបានបន្ដថា ក្នុងប្រតិបត្ដិការឃាត់ខ្លួនជនសង្ស័យនេះធ្វើឡើងបន្ទាប់ពីសមត្ថកិច្ចនគរបាល ទទួលបានព័ត៌មាន ថា មានករណីស្ដ្រីម្នាក់ ធ្វើសកម្មភាពលួចយកទារកដែលទើប កើតពីផ្ទៃម្ដាយនៅឯមន្ទីរពេទ្យមិត្ដភាពកម្ពុជា-សូវៀត រត់ជិះរថយន្ដតាក់ស៊ី ចេញពីក្នុងមន្ទីរពេទ្យ។ ខណៈកំពុងត្រួតពិនិត្យនោះសមត្ថកិច្ច នគរបាលបានប្រទះឃើញមានស្ដ្រីម្នាក់ ពទារកនៅក្នុងដៃ ជិះរថយន្ដតាក់ស៊ី ឈប់នៅក្បាលស្រឡាងត្រើយខាងលិច ស្ថិតក្នុងភូមិកំពង់ចម្លង ឃុំព្រែកទន្លាប់ ស្រុកលើកដែក មានភិនភាគដូនមាន នៅក្នុងព័ត៌មានបានរាយការណ៍។ ភ្លាមៗ នោះសមត្ថកិច្ចនគរបាលក៏បានឃាត់ ស្ដ្រីសង្ស័យនាំយកមកកាន់អធិការដ្ឋាន នគរបាលស្រុកលើកដែកដើម្បីសាកសួរ។
ជនសង្ស័យបានឆ្លើយសារភាពថា រូបគេ ពិតជាបានលួចយកទារកពីប្ដីប្រពន្ធ២ នាក់ ដែលបានទៅសម្រាលកូននៅ ក្នុងមន្ទីរពេទ្យមិត្ដភាពកម្ពុជា-សូវៀត រាជធានីភ្នំពេញប្រាកដមែន ។ កាល ដែលរូបគេលួចយកទារកមកនេះក៏ ព្រោះតែខ្លួនគ្មានកូនចិញ្ចឹម ហើយក៏បាន ទៅតាមមន្ទីរពេទ្យក្នុងគោលបំណងលួច យកកូនក្មេងទៅចិញ្ចឹមនៅប្រទេស វៀតណាម ។
សមត្ថកិច្ចបញ្ជាក់ថា បន្ទាប់ពីសាកសួរជនសង្ស័យ រួចមកសមត្ថកិច្ចនករបាលជំនាញបាន ប្រគល់ទារកទៅឱ្យឪពុកម្ដាយវិញ រីឯ ស្ដ្រីសង្ស័យត្រូវបានកសាងសំណុំរឿង បញ្ជូនទៅតុលាការខេត្ដដើម្បីចាត់ការតាមច្បាប់៕