របាយការណ៏បឋមនៅល្ងាចថ្ងៃទី​២៥ ខែមីនា ឆ្នាំ២០១៣នេះ ហេតុការណ៍គ្រោះធម្មជាតិបានកើតឡើងខេត្តមួយចំនួន ក្នុងប្រទេសកម្ពុជា។ គ្រោះធម្មជាតិនេះបណ្តាលឲ្យរលំខូចផ្ទះប្រជាពលរដ្ឋអស់ជាច្រើនខ្នង មនុស្ស របួស៣នាក់ ខូចខាត់សម្ភារៈមួយចំនួនទៀត​។

គីំម
Wednesday 27 March 2013
The Free Press Magazine

គ្រោះធម្មជាតិនៅស្រុកអង្គ ស្នួល ខេត្តកណ្តាលល្ងាចថ្ងៃទី២៥ ខែមីនា ឆ្នាំ២០១៣ ។

យោងតាមរបាយការណ៏របស់មន្ត្រីអាជ្ញាធរមូលដ្ឋាន នៅតាមបណ្តាល ភូមិឃុំ ស្រុក ខេត្ត ដែលទទួលរងគ្រោះ ធម្មជាតិ ខ្យល់ព្យុះ លាយភ្លៀងទាំងនោះបានបព្ជាក់ឲ្យដឹងដូចខាងក្រោម ៖

១–ខេត្តបាត់ដំបងផ្ចះ១៧២ខ្នងត្រូវបានបំផ្លាញ

ស្រុកចំនួន៦ ក្នុងខេត្តបាត់ដំបង ទទួលរងគ្រោះធម្មជាតិ ខ្យល់ព្យុះ លាយភ្លៀង បណ្តាលឲ្យខូចផ្ទះ ១៧២ខ្នង មនុស្ស របួស២នាក់ ខូចខាត់សម្ភារៈមួយចំនួនទៀត។ ស្រុកចំនួន៦ ទទួលរងការខូចខាត ដោយ សារ ខ្យល់ព្យុះមាន៖ ១-ស្រុកសង្កែក្នុង ឃុំអន្លង់វិល ខូចខាតប៉ើង ដំបូល ១០ខ្នង។ ២-នៅស្រុកមោងឬស្សី ក្នុងឃុំព្រៃស្វាយ ខូចខាតប៉ើងដំបូល១៤ខ្នង ដួលរលំទាំង ស្រុង៤ខ្នង។ ៣-នៅស្រុកសំពៅ លូនក្នុងឃុំសេរីមានជ័យ ខូចខាតប៉ើងដំបូលអស់៧៨ខ្នង ដួលរលំទាំងស្រុង ចំនួន២៤ខ្នង របួសមនុស្ស២នាក់ ខូចម៉ូតូ២គ្រឿង និងគោយន្ត១គ្រឿង។ ៤-នៅស្រុកគាស់ក្រឡ ក្នុងឃុំធិបតីខូចខាតប៉ើងដំបូល៣០ខ្នង ដួលរលំទាំងស្រុងចំនួន៧ខ្នង។ ៥-នៅស្រុកថ្មគោលក្នុងឃុំអូតាគី ឃុំតាពូង ខូចខាត១៨ខ្នង ដួលរលំទាំងស្រុង៣ខ្នង និងទី៦ នៅស្រុកកំរៀងក្នុងឃុំតាហែនខូចខាតប៉ើងដំបូល២២ខ្នង ដួលរលំទាំងស្រុងចំនួន៤ខ្នង។

២–ផ្ចះ៥៧ខ្នងនៅខេត្តបន្ទាយមានជ័យត្រូវបានបំផ្លាញ

ហេតុការណ៍​នៅល្ងាចថ្ងៃទី​២៥ ខែមីនា ភ្លៀង​កក់ខែ​មួយ​មេទៀតជា​លើក​ទី​២ និង​មាន​ខ្យល់​ខ្លាំងបានបំផ្លាញផ្ទះប្រជាពល រដ្ឋឲ្យដួលរលំ ចំនួន​ ៥៧​ខ្នង នៅក្នុង​ភូមិ​គំរូ ឃុំ​គោក​រមៀត និង​ឃុំ​ភូមិ​ថ្មី ស្រុក​ថ្មពួក ​ខេត្តបន្ទាយមានជ័យ។

៣–ផ្ចះ២០ខ្នងខេត្តស្វាយរៀងត្រូវបានបំផ្លាញ

ល្ងាចថ្ងៃទី២៥ ខែមីនា បំផ្លាញផ្ទះប្រជាពល រដ្ឋឲ្យដួលរលំ និងខ្លះទៀត ប៉ើងដំបូលផ្ទះអស់ប្រមាណជិត ២០ខ្នង នៅក្នុងស្រុកក្រុងមួយចំនួន ក្នុងខេត្តស្វាយរៀង ក្នុង នោះស្រុកកំពង់រោទិ៍បានដួលរលំអស់ផ្ទះចំនួន៣ខ្នង ស្រុកស្វាយទាប ចំនួន៥ខ្នង ស្វាយជ្រំ ១ខ្នង ក្រុងស្វាយរៀង ចំនួន ៨ខ្នង និងស្រុករមាសហែកដួលរលំផ្ទះអស់ចំនួន៣ខ្នង ដែលសរុបទាំងអស់ទៅគឺមាន២០ខ្នង។

៤ –ខេត្តកណ្តាលផ្ចះ១០ខ្នងត្រូវបានបំផ្លាញ

គ្រោះធម្មជាតិមួយ បានកើតឡើង បណ្តាលរលំផ្ទះ១០ខ្នង និងដើមឈើជាច្រើន រួមទាំងរោងមាន់ បងគោលភ្លើងត្រូវរង ការខូចខាត ដោយសារ តែ ព្យុះខ្យល់ និងលាយភ្លៀងតិចៗ នៅក្នុងភូមិមួយចំនួន ក្នុងឃុំដំណាក់អំពិល ស្រុកអង្គស្នួល ខេត្តកណ្តាល នាល្ងាចថ្ងៃទី២៥ ខែមីនា ប៉ុន្តែ​សំណាងល្អមិន បណ្ដាលឲ្យមនុស្សណាម្នាក់ រងរបួសនោះឡើយ។

ចំពោះករណី​ខាង​លើ​នេះ​កាក​បាទ​ក្រហម​ខេត្ត​សហការណ៍​ជាមួយ​ រដ្ឋបាល​ខេត្ត​កំពុង​ចុះ​សួរ​សុខ​ទុក្ខ ​និង​ចែក​អំណោយ ៕​