Written by ភ្នំពេញដេលីញូវ
Tuesday, 02 April 2013
ខ្ញុំនឹងមិត្តប្រុសរបស់ខ្ញុំធ្លាប់បានរួមភេទម្ដង។ ពេលនោះយើងទាំងពីរសុទ្ធតែស្រវឹងស្រាដូចគ្នា។ ពេលនោះ ខ្ញុំមិនបានដឹងអ្វីទាំងអស់ ហើយខ្ញុំក៏កំពុងមករដូវ។ នៅពេលដឹងខ្លួនថ្ងៃបន្ទាប់ ខ្ញុំពិតជាភ័យខ្លាច ហើយក៏ប្រញាប់លេបថ្នាំពន្យាកំណើតភ្លាម។ ប៉ុន្ដែ នៅពេលទៅបតជើងតូច ខ្ញុំមានការឈឺចាប់នៅត្រង់ពោះ ផ្នែកខាងក្រោម។ តើខ្ញុំមានបញ្ហាអ្វី?
ចម្លើយ ៖
យោងតាមការរៀបរាប់ខាងលើ ប្រហែលជាអ្នកមានរបួសបន្ដិចនៅត្រង់ប្រដាប់ភេទ។ នៅពេលដែលអ្នករួមភេទក្នុងស្ថាន ភាពស្រវឹង (ទាំងពីរនាក់) ប្រាកដជាមានជ្រុលជ្រួស ដោយការធ្វើសកម្មភាពខ្លាំងហួសកម្រិត។ ជាតិស្រវឹងនៅក្នុងខ្លួន
នឹង ធ្វើឱ្យអ្នកមិនអាចគ្រប់គ្រងបាននូវអារម្មណ៍ និងសកម្មភាព អ្នកទាំងពីរអាចនឹងបញ្ចេញកម្លាំងខ្លាំងដោយមិនដឹងខ្លួន បណ្ដាលឱ្យប្រដាប់ភេទត្រូវរងរបួស។ ការដែលអ្នកមិនមានការឈឺចាប់ក្នុងពេលរួមភេទ បែរជាឈឺនៅថ្ងៃបន្ទាប់នោះ ក៏ព្រោះតែអ្នករួមភេទក្នុងពេលកំពុងស្រវឹង ហើយនៅពេលដឹងខ្លួនអ្នកនឹងទទួលការឈឺចាប់បែបនេះ។
ម្យ៉ាងទៀត ក្នុងពេលមករដូវ ប្រភេទរបស់អ្នកពិតជាមានប្រតិកម្មជាងធម្មតា។ ដូច្នេះ ការរួមភេទក្នុងអំឡុងពេលនេះ វានឹងងាយធ្វើឱ្យរលាក និងឆ្លងរោគ ហើយនេះក៏ជាមូលហេតុដែលអាចបណ្ដាលឱ្យអ្នកឈឺចាប់បាន បន្ទាប់ទីបានរួមភេទ។ ល្អបំផុត អ្នកគួរតែទៅជួបគ្រូពេទ្យដើម្បីរកឱ្យឃើញនូវមូលហេតុពិត ដើម្បីធ្វើការព្យាបាល។