គ្រោះថ្នាក់ចរាចរណ៏នៅទូទាំងប្រទេសកម្ពុជា នាថ្ងៃទី២២ខែមេសា ឆ្នាំ២០១៣ បានឆក់ស្រូបជីវិតមនុស្សយ៉ាងហោចណាស់៩នាក់ ស្លាប់ និងរងរបួសធ្ងន់ស្រាល១៣នាក់ទៀត។ នេះបើតាមតួលេខដែលស្រង់បានដោយនាយកដ្ឋាន សណ្ដាប់់ធ្នាប់ចរាចរណ៏ នៃ អគ្គស្នងការនគរបាលជាតិ។
សណ្តាប់
Tuesday 23 April 2013
The Free Press Magazine
របាយការណ៏ដែលគេរកឃើញនៅលើគេហទំព័រ ស្នងការនគរបាលជាតិបានឲ្យដឹងថាគ្រោះថ្នាក់ចរាចរណ៍ទូទាំងប្រទេស កើតឡើងដល់ទៅ ១១លើក (យប់ ០៥លើក), បណ្តាលឲ្យមនុស្ស របួសធ្ងន់ ០៨នាក់ (ស្រី ម្នាក់) និងរបួសស្រាល ០៥ នាក់ (ស្រី ម្នាក់) ក្នុងនោះបានបង្កឲ្យខូចខាតយានយន្តសរុប ១៨គ្រឿង ក្នុងនោះម៉ូតូ ០៩គ្រឿង, រថយន្តធុនតូច ០៧គ្រឿង ,រថយន្តធុនធំ ០១គ្រឿង និងយាន្តផ្សេងៗ ០១គ្រឿង ។
របាយការណ៏ដដែលបន្តថា មូលហេតុដែលបណ្តាលឲ្យមានគ្រោះថ្នាក់ដល់ស្លាប់និងរងរបួសនេះ គឺបណ្តាលមកពីល្បឿន ០៥លើក , មិនគោរពសិទ្ធិ ០២លើក. មិនប្រកាន់ស្តាំ ០១លើក,បត់គ្រោះថ្នាក់ ០១លើក , ស្រវឹង ០១លើក , សុខភាពងងុយដេក ០១លើក ក្នុងនោះជិះម៉ូតូគ្រោះថ្នាក់មិនពាក់មួក ០៤នាក់ (យប់ ម្នាក់) ។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី២២ ខែមេសា ឆ្នាំ២០១៣នេះ មានចំនួន ១៣៧គ្រឿង គឺ រថយន្តទេសចរណ៍ ០៦គ្រឿង, រថយន្តដឹកអ្នកដំណើរធុនតូច ៤១គ្រឿង, រថយន្តដឹកអ្នកដំណើរធុនធំ ២០គ្រឿង , និង រថយន្តដឹកទំនិញធុនធំ ៧០គ្រឿង ។
រថយន្តទាំងអស់ខាងលើបានបង់ប្រាក់ពិន័យរួចរាល់ នៅ អធិការដ្ឋាននគរបាល ស្រុក/ខណ្ឌ ៥១គ្រឿង, និង នៅស្នងការដ្ឋាននគរបាល រាជធានី/ខេត្ត ២៨គ្រឿង និងនៅនាយកដ្ឋាន សណ្តាប់ធ្នាប់ ៥៨គ្រឿង ៕