ក្រុង ញូវយ៉កៈ គូស្នេហ៍ទាំងឡាយដែលទម្លាប់បើកយុទ្ធនាការសិចនាពេលព្រឹកព្រលឹមនោះមិនត្រឹមតែជួយឲ្យអារម្មណ៍ពួកគេរីករាយស្រស់ស្រាយចិត្តប៉ុណ្ណោះទេ តែវាថែមទាំងមានប្រយោជន៍សំខាន់ជួយធ្វើឲ្យប្រព័ន្ធភាពស៊ាំនៃសព៌ាង្គកាយទៀតផង។
Wednesday, 24 April 2013
ភ្នំពេញប៉ុស្ត៍
ការស្រាវជ្រាវបានបញ្ជាក់ថា មនុស្សដែលចាប់ផ្តើមនូវវិធីប្រតិបត្តិការយកសិចធ្វើជាអាហារពេលព្រឹកប្រចាំថ្ងៃនោះនឹងមានប្រយោជន៍ដល់សុខភាពនិងទទួលបានអារម្មណ៍រីករាយជាងអ្នកដែលបានភ្ញាក់ពីដំណេកហើយញ៉ាំទឹកតែមួយពែងនិងនំប៉័ងជាអាហារពេលព្រឹកមុននឹងទៅធ្វើការជាទម្លាប់ធម្មតានោះ។
អារម្មណ៍ផ្នែកអ័រម៉ូនល្អដោយសារតែការកម្ចាត់នូវជាតិគីមីក្នុងខ្លួនបានល្អតាមរយៈការរួមភេទនាពេលព្រឹកព្រលឹមនេះឯង។ វាក៏អាចជួយឲ្យអ្នកមានសុខភាពល្អនិងអារម្មណ៍ស្រស់ស្រាយពេញមួយថ្ងៃផងដែរ។
តាមរយៈការសិក្សាដដែលនោះបង្ហាញថា វាមិនត្រឹមតែជួយឲ្យលោកអ្នកមានការប្រឈមមុខនឹងជំងឺផ្តាសាយនានាតិចប៉ុណ្ណោះតែវាថែមទាំងអាចជួយបង្កើននូវភាពរឹងមាំនៃគុណភាពសក់ស្បែកនិងក្រចកផងដែរ។
លោក វេជ្ជបណ្ឌិត ដេបប៊ី ហឺរប៊ិននីក អ្នកស្រាវជ្រាវផ្នែកវិទ្យាសាស្រ្តនិងប្រឹក្សាសិចរបស់អាមេរិកបាននិយាយថា៖«ការរួមភេទនៅពេលព្រឹកព្រលឹមជួយបង្កើតឲ្យលោកអ្នកមានអារម្មណ៍ល្អប្រសើរដោយបានកម្ចាត់នូវជាតិគីមីប្រភេទ អុកស៊ីតូស៊ីន។ វាបានជួយឲ្យគូស្នេហ៍មានអារម្មណ៍ស្រឡាញ់គ្នាបានយូរអង្វែង។ មិនតែប៉ុណ្ណោះការបើកយុទ្ធនាការពេលព្រឹកនោះ វាបានធ្វើឲ្យមានប្រយោជន៍ដល់ផ្នែកសោភណភាពនៃសម្រស់បានល្អប្រសើរជាងមុនផងដែរ។ ការប្រតិបត្តិការសិចពេលព្រឹកព្រលឹមជួយឲ្យប្រព័ន្ធភាពស៊ាំនៃសព៌ាង្គកាយមនុស្សយើងមានភាពរឹងមាំចៀសផុតពីជំងឺនានាដែរ។ លើសពីនេះវាក៏ អាចជួយកម្ចាត់ជាតិគីមីពីបំពង់អាហារចេញឲ្យអស់ដែលវាអាចបង្កើនដល់ភាពរឹងមាំផ្នែកសរីរាង្គសរសៃសក់និងស្បែកបានល្អទៀតផង»៕ PR