មន្ត្រីអង្គការសេដាក បានឲ្យដឹងថា គេគ្រោងបញ្ជូនអង្កសរីរាង្គ ទៅកាន់ទីផ្សារអន្តរជាតិ ក្នុងទំហំធំជាងមុន ខណៈដែលអង្កផលិតតាមបែបផែនធម្មជាតិ ពេលនេះ កំពុងតែចូលខ្លួនជាបណ្ដើៗ បំរើនៅទីផ្សារ សហរដ្ឋអាមេរិក វៀតណាម និង អាល្លឺម៉ង់ ហើយនោះ។
សិលាពល
Tuesday 30 April 2013
The Free Press Magazine
ទីផ្សារលក់ផលិតផល សរីរាង្គរបស់សេដាក
យោងតាមសេចក្ដី ប្រកាសព័ត៌មានរបស់ សេដាក បានឲ្យដឹងថា នារដូវប្រមូលផលស្រូវឆ្នាំ ២០១២-២០១៣ អង្គការ នេះ បានគាំទ្រ ដល់សហគមន៍ អ្នកផលិតស្រូវ សរីរាង្គដោយ ប្រមូលទិញស្រូវបានប្រមាណ ១៥០តោន ពីប្រជាកសិករ ចំនួន ៦១០ គ្រួសារ មកពីខេត្ត តាកែវ កំពង់ស្ពឺ និង កំពង់ឆ្នាំង ដោយប្រើប្រាស់ទុនកម្ចី ពីធនាគារ អភិវឌ្ឍន៍ជនបទ និង ទុនរបស់សហគមន៍ ។
ស្រូវ ដែលប្រមូលទិញបានទាំងនោះ សុទ្ធសឹងតែត្រូវបានធ្វើការត្រួតពិនិត្យ គុណភាព ដោយ អង្គការ សេដាក និង ក្រុមហ៊ុន អាល្លឺម៉ង់ BCS សមស្របតាមស្តង់ដារ សរីរាង្គ និង ពាណិជ្ជកម្ម យុត្តិធម៌ របស់ សហរដ្ឋអាមេរិក និង សហគមន៍អឺរ៉ុប ៕