ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុន ប្រចាំព្រះរាជាណាចក្រកម្ពុជា បានសន្យាថា នឹងជំរុញឱ្យអ្នកវិនិយោគទុនជប៉ុន មកធ្វើការវិនិយោគឱ្យកាន់តែច្រើនទ្វេដងនៅក្នុងប្រទេសកម្ពុជា។
វ. វឍ្ឍន៏ះ
Saturday 04 May 2013
The Free Press Magazine
នេះជាការសន្យារបស់ ឯកអគ្គរាជទូត រូបនេះ ធ្វើឡើងនៅក្នុងជំនួបទ្វេភាគីមួយជាមួយនឹងលោកសាយ ឈុំ អនុប្រធានទី១ ព្រឹទ្ធសភាកម្ពុជា នា ព្រឹកថ្ងៃទី៣ ខែមេសា ឆ្នាំ២០១៣ នៅវិមានព្រឹទ្ធសភា ។
លោក ម៉ម ប៊ុននាង សមាជិកព្រឹទ្ធសភា និងជាអ្នកនាំពាក្យព្រឹទ្ធសភាបានថ្លែងប្រាប់ក្រុមអ្នកសារព័ត៌មាន នៅក្រោយជំនួបនោះថា ឯកអគ្គរាជទូតជប៉ុនលោកយូជិ គួម៉ាម៉ារ៉ូ បានសន្យាយ៉ាងមុតមាំថា លោកនឹងជំរុញឱ្យអ្នកវិនិយោគជប៉ុនដែលជាអ្នកវិនិយោគធំៗឱ្យមកដាក់វិនិយោគនៅក្នុងប្រទេសកម្ពុជា ដើម្បីចូលរួមចំណែកក្នុងការអភិវឌ្ឍប្រទេសកម្ពុជាឱ្យកាន់តែមានការរីកចម្រើនបន្ថែមទៀត៕
(ឆ្វេង)លោក យូជិ គួម៉ាម៉ារ៉ូ (Yuji KUMAMARU) ឯក អគ្គ រាជ ទូត ជប៉ុន(ស្តាំ)លោកសាយ ឈុំ អនុប្រធានទី១ ព្រឹទ្ធសភាកម្ពុជា នា ព្រឹកថ្ងៃទី៣ ខែមេសា ឆ្នាំ២០១៣ នៅវិមានព្រឹទ្ធសភា។