ថ្ងៃទី 19 មិថុនា 2013
ដោយ: ពិទូរ្យ
CEN
span>ភ្នំពេញ:
ដំណើរការចេញទៅច្រៀងក្រៅប្រទេសក្នុងរដូវវស្សានេះ បាននឹងកំពុងខិតជិតចូលមកដល់ហើយ ដោយតារាសម្តែង និងជាតារាចម្រៀង អេឡិច ចាន់ត្រា កំពុងតែរៀបចំបង្វិចដើម្បីទៅសម្តែង និងច្រៀងស្របពេលដែលការងារក្នុងស្រុករាងរយាលដៃ ដោយសារនេះ ជារដូវភ្លៀង ដូច្នេះវាជាឱកាសមួយសម្រាប់តារាទាំងឡាយដែលធ្វើដំណើរទៅកើបប្រាក់ក្រៅស្រុក។
បើមិនមានអ្វីផ្លាស់ប្តូរទេ តារាមួយក្រុមដែលរួមមាន អេឡិច ចាន់ត្រាផងនោះ នឹងធ្វើដំណើរទៅកាន់អូស្ត្រាលី ដើម្បីច្រៀងរាំ ជាការកំដរអារម្មណ៍បងប្អូនខ្មែរដែលរស់នៅក្រៅប្រទេស ដែលតែងតែលើកទឹកចិត្ត និងផ្តល់កម្លាំងចិត្តដល់រូបគេ។
តារាចម្រៀងរូបនេះ ត្រូវបាន Sponser ជាច្រើនប្រទេសកំពុងទំនាក់ទំនង តែតារាសម្តែងដែលមានរាងខ្ពស់ស្រលះរូបនេះ បដិសេដ ខ្លះៗទៅហើយជាក់ស្តែង ថ្មីៗនេះ តារាកូនកាត់ចិន ដែលមានហុងស៊ុយ ទាំងក្នុងនិងក្រៅស្រុក បានលុបគម្រោងទៅសម្តែងនៅអាមេរិកកាលពីអំឡុងខែមេសា ក៏ព្រោះតែការងារសិល្បៈក្នុងស្រុកមមាញឹករកពេលសម្រាកគ្មាន ទើបតែដើមខែ កក្កដា ២០១៣ នេះការងារក្នុងស្រុកក៏មានគេទាក់ទងឲ្យសម្តែងជាតួឯកតាមបណ្តាស្ថានីយ៍ទូរទស្សន៍មួយចំនួនដែរ តែត្រូវ អេឡិច បដិសេច ដោយហេតុផលថា មានបងប្អូននៅអូស្ត្រាលីជាច្រើនកំពុងតែទិញសំបុត្របណ្តើរៗហើយ ខណៈដែលតារាចម្រៀងយេយេ រូបនេះមិនទាន់នឹងបានជាន់ជណ្តើរយន្តហោះផង។
ដោយសារតែការសម្តែងនៅក្រៅប្រទេសធ្លាប់បានទទួលជោគជ័យជាច្រើនលើកច្រើនសាររួចមកហើយ ទើបធ្វើឲ្យកំលោះរូបសង្ហាដែលហ៊ុំព័ទ្ធទៅដោយពត៌មានជាមួយស្រីស្អាតច្រើនដួងរូបនេះ ទទួលបានគម្រោងយ៉ាងច្រើនសម្រាប់ការសម្តែង ក្រៅប្រទេស ។ អេឡិច ចាន់ត្រា ត្រូវបាន Sponsor នៅក្រៅប្រទេស ដែលធានារូបគេទៅសម្តែង ជាបន្តបន្ទាប់ ក្នុងនោះរួមមាន អូស្ត្រាលី បារាំង កាណាដា ជប៉ុន នេះបើតាមការអះអាងរបស់ ពិធីករមុខស្រស់ អេឡិច ចាន់ត្រា។
គេនៅចាំបានថា កាលពីថ្ងៃទី០៣ មេសា តារាចម្រៀងបីដួង រួមមាន អេឡិច ចាន់ត្រា ឆៃ លីដាឡែន និង រ៉ូលីន បានចាកចេញទៅសម្តែងនៅប្រទេសអូស្ត្រាលី ដើម្បីរកប្រាក់កសាងព្រះវិហារនៅ វត្តខ្មែរម៉េលប៊ន ក្រោមការឧបត្ថម្ភរបស់សហគមន៍ខ្មែរនៅប្រទេសអូស្ត្រាលី អ្វីដែលពិសេសនោះកំលោះរូបសង្ហាបានបង្ហាញខ្លួននៅថ្ងៃដំបូងប៉ុណ្ណោះ ប៉ុន្តែចំនួនមនុស្សដែលចូលរួមទស្សនា មានជាច្រើននាក់រហូតរកកន្លែងអង្គុយគ្មាន នេះជាការបង្ហាញពីភាពជោគជ័យ៕