ថ្ងៃ ចន្ទ 12 សីហា 2013
ដោយ រិទ្ធិ ម៉ូនីកា
RFI
គំរូបន្ទប់ស្ថានការណ៍ថ្ងៃបោះឆ្នោត
បន្ទប់ស្ថានការណ៍ថ្ងៃបោះឆ្នោត បានបង្ហាញថា ខ្លួនខកចិត្តជាខ្លាំងដែលគ.ជ.ប ធ្វើការប្រកាសលទ្ធផលបណ្តោះអាសន្ននៃការបោះឆ្នោត ដោយមិនទាន់មានការស៊ើបអង្កេតច្បាស់លាស់ពីភាពមិនប្រក្រតី។ លើសពីនេះការប្រកាសនេះ បានធ្វើឡើងនៅពេលដែល គណបក្សនយោបាយធំៗទាំងពីរនៅតែមានមិនយល់ស្របគ្នា។
ការប្រកាសនេះនឹងមិនផ្តលផលអ្វីទាំងអស់ ក្រៅពីបង្កើនភាពតានតឹងក្នុងប្រទេសកម្ពុជា នេះបើយោងតាមសេចក្ដីថ្លែងការណ៍មួយ របស់បន្ទប់ស្ថានការណ៍ថ្ងៃបោះឆ្នោត នៅក្នុងព្រឹកថ្ងៃចន្ទ ទី១២ សីហានេះ។ សូមបញ្ជាក់ថា បន្ទប់ស្ថានការណ៍ថ្ងៃបោះឆ្នោត ជាកន្លែងរាយការណ៍ព័ត៌មាន ឬភាពមិនប្រក្រតីផ្សេងៗ ដែលមានក្រុមអង្គការសង្គមស៊ីវិល ជាង៣០ រង់ចាំទទួល ពីអ្នកសង្កេតការណ៍បោះឆ្នោត៕