ដោយ៖ ដួង សុខា
ថ្ងៃព្រហស្បតិ៍ ទី7 ខែវិច្ឆិកា ឆ្នាំ2013
http://vodhotnews.com
គណៈកម្មាធិការលើកស្ទួយស្ត្រីក្នុងវិស័យនយោបាយ (គ.ស.ន) ដែលជាអង្គការក្រៅរដ្ឋាភិបាលក្នុងស្រុកមួយ រៀបចំសន្និបាតប្រចាំឆ្នាំ ពីថ្ងៃទី៧ ដល់ទី៨ ខែវិច្ឆិកា នៅមជ្ឈមណ្ឌល លីទ្បា ក្នុងសង្កាត់ផ្សារដើមថ្កូវ ខណ្ឌចំការមន ដើម្បីលើកកម្ពស់ និងពង្រឹងការចូលរួមរបស់ស្ត្រីក្នុងវិស័យនយោបាយ។
សេចក្តីប្រកាសព័ត៌មានរបស់ គ.ស.ន ចុះថ្ងៃទី៥ ខែវិច្ឆិកា ឲ្យដឹងថា សន្និបាតនេះក៏មានគោលបំណងលើកទឹកចិត្តស្ត្រីជាសមាជិកថ្មីរបស់ គ.ស.ន ឲ្យចូលរួមពិភាក្សាលើផែនការយុទ្ធសាស្ត្រ៣ឆ្នាំរបស់ គ.ស.ន ក្នុងការលើកកម្ពស់ស្ត្រីក្នុងវិស័យនយបាយ។
សេចក្តីប្រកាសព័ត៌មានបន្តថា សន្និបាតរយៈពេលពីរថ្ងៃនេះមានការចូលរួមពីតំណាងអង្គការក្រៅរដ្ឋាភិបាលក្នុងស្រុកពាក់ព័ន្ធ ព្រមទាំងស្ថាប័នផ្សេងទៀត ដើម្បីពិភាក្សាពីភាពជោគជ័យ និងបញ្ហាប្រឈមរបស់ គ.ស.ន៕
សូមសរសេរមកកាន់ លោក ដួង សុខា តាមរយៈ duong.sokha@vodhotnews.com