ដោយ៖ បាន វិទ្យា
ថ្ងៃពុធ ទី9 កក្កដា 2014
http://vodhotnews.com
ក្រសួងអប់រំ យុវជន និងកីឡា ប្រគល់សិទិ្ធជូនគ្រឹះស្ថានឧត្តមសិក្សាចុះហត្ថលេខាលើការបញ្ជាក់វិញ្ញាបនបត្របណ្តោះអាសន្ន និងសន្លឹកសញ្ញាបត្រថតចម្លង។
លិខិតរបស់ក្រសួងចេញផ្សាយនៅថ្ងៃទី៣ ខែកក្កដា បានឲ្យដឹងថា ដើម្បីលើកកម្ពស់ស្វ័យភាព និងការទទួលខុសត្រូវរបស់គ្រឹះស្ថានឧត្តមសិក្សា ក្រសួងប្រគល់សិទិ្ធជូន សាកលវិទ្យាធិការ នាយកគ្រឹះស្ថានឧត្តមសិក្សា ចុះហត្ថលេខាបញ្ជាក់វិញ្ញាបនបត្របណ្តោះអាសន្ន និងសន្លឹកសញ្ញាបត្រថតចម្លង ដោយមិនចាំបាច់មានការចុះហត្ថលេខាបញ្ជាក់ពីក្រសួងអប់រំទៀតឡើយ។
គួរបញ្ជាក់ថា កន្លងទៅ លោកនាយករដ្ឋមន្ត្រី ហ៊ុន សែន បញ្ជាឲ្យរដ្ឋមន្ត្រីក្រសួងអប់រំបញ្ឈប់ការចុះហត្ថលេខាលើសញ្ញាបត្រនិស្សិត ដើម្បីជាការបង្ហាញការយកចិត្តទុកដាក់របស់គ្រឹះស្ថានអប់រំឧត្តមសិក្សាអប់រំមួយៗ។ ការបញ្ឈប់នេះ ដើម្បីឲ្យគ្រឹះស្ថានអប់រំ ចុះហត្ថលេខាទទួលស្គាល់លើគុណភាពអប់រំដោយខ្លួនឯង៕
សូមសរសេរមកកាន់កញ្ញា បាន វិទ្យា តាមរយៈ vitcheaban77@gamil.com