Thu, 7 August 2014
គឹម សារុំ
ភ្នំពេញប៉ុស្តិ៍
ភ្នំពេញៈ ខ្មាន់កាំភ្លើងមិនស្គាល់អត្តសញ្ញាណពីរនាក់ បានធ្វើការបាញ់រះជាច្រើនគ្រាប់ ទៅលើស្រ្តីម្នាក់ដែលកំពុងជិះម៉ូតូឌុបម្តាយ បណ្តាលឲ្យខ្ទាតធ្លាក់ពីលើម៉ូតូស្លាប់ភ្លាមៗ នៅតាមផ្លូវ ម្តុំវត្តអង្គតាមីញ សង្កាត់កាកាប ខណ្ឌ ពោធិសែនជ័យ កាលពីព្រឹកម្សិលមិញ។
អ្នកស្រី សួង សោភ័ណ្ឌ អាយុ ៤៦ ឆ្នាំ មានទីលំនៅក្បែរកន្លែងកើតហេតុ បានឲ្យដឹងថា ក្នុងហេតុការណ៍អំពើបាញ់ប្រហារនោះ បើនិយាយទៅ ហាក់មិនជឿថា មានអំពើសាហាវបែបនេះកើតឡើងទេ ព្រោះវាស្តែងនឹងភ្នែកពេក «ហើយខ្ញុំក៏មិននឹកស្មានថា គេហ៊ានសម្លាប់មនុស្សឆៅៗ បែបនេះដែរ»។
អ្នកស្រីបញ្ជាក់ថា៖ «ខ្ញុំស្លុត ខណៈស្រ្តីរងគ្រោះដួលស្លាប់នៅមុខខ្ញុំបន្ទាប់ពីខ្ញុំឮស្នូរកាំភ្លើងជាច្រើនគ្រាប់ ហើយសំឡេងម៉ូតូឮខ្លាំង ចេញពីកន្លែងកើតហេតុ»។
អ្នកស្រីភ័ណ្ឌ រៀបរាប់ថា ក្នុងហេតុការណ៍ដែលបានកើតឡើងកាលពីព្រឹកម៉ោងជាង ៩ នោះ អ្នកស្រី កំពុងអង្គុយនៅមុខផ្ទះ ហើយបានឃើញមនុស្សប្រុស ២ នាក់ពាក់មួកសុវត្ថិភាពទាំង ២ នាក់ជិះម៉ូតូធំមួយគ្រឿងមកអែបនឹងម៉ូតូ អាយខន ពណ៌ត្រួយចេក ពាក់ស្លាកលេខភ្នំពេញ 1X-4366 របស់ស្រ្តីរងគ្រោះ ខណៈនាងកំពុងជិះម៉ូតូឌុបស្រ្តីចំណាស់ម្នាក់។ បន្ទាប់មកបុរសដែលមានមាឌ មិនសូវធំទាំង ២ នាក់នោះ សម្លឹងមើលមុខស្រ្តីរងគ្រោះ ធ្វើឲ្យអ្នកស្រីសង្ស័យថា ជនទាំង ២នាក់អាចឆក់ខ្សែ ក ជនរងគ្រោះ ព្រោះករណីនេះ តែងតែកើតឡើង។ ប៉ុន្តែទៅជាបុរសជិះខាងក្រោយដកកាំភ្លើងខ្លីបាញ់សំដៅស្រ្តីរងគ្រោះ បណ្តាលឲ្យដួលទាំងម៉ូតូ និងមនុស្សស្លាប់ភ្លាមៗ តែម្តង ហើយជននោះជិះម៉ូតូគេចខ្លួនបាត់។
អ្នកស្រីបន្តថា៖ «ជនដៃដល់មុនដំបូងហាក់ស្ទាក់ស្ទើរមិនទាន់ដកកាំភ្លើងបាញ់ភ្លាមៗទេ ប្រហែលខ្លាចច្រឡំមនុស្ស តែក្រោយមក ក៏បាញ់ស្រ្តីរងគ្រោះទៅ។ ខ្ញុំហាក់ដូចជានៅមិនអស់ចិត្តពីរឿងនេះទេ ព្រោះវាសាហាវពេក»។
លោក យឹម សារ៉ាន់ អធិការនគរបាលខណ្ឌពោធិ៍សែនជ័យ បានឲ្យដឹងក្រោយពេលកើតហេតុថា ស្រ្តីរងគ្រោះឈ្មោះគឹម សុជាតា អាយុ ៣៦ ឆ្នាំ មានប្តី ហើយគាត់មានទីលំនៅ នៅសង្កាត់មិត្តភាពខណ្ឌ ៧មករា
រាជធានីភ្នំពេញ។
សមត្ថកិច្ច បានពិនិត្យកន្លែងកើតហេតុឃើញថាមានបន្សល់ទុកសម្បបកាទួសមួយចំនួននៅក្បែរសាកសព ហើយជនល្មើស បានប្រើអាវុធខ្លីបាញ់ប្រហារស្រ្តីរងគ្រោះចំនួន ៦ គ្រាប់ ប៉ុន្តែត្រូវចំជនរងគ្រោះតែ ២គ្រាប់ទេ។ ដោយមួយគ្រាប់ចំខាងក្រោមដោះធ្លាយមកឆ្អឹងជំនីរខាងក្រោយ និងមួយគ្រាប់ទៀត ត្រូវចំភ្លៅធ្លាយមកក្បាលជង្គង់ដួលស្លាប់ក្នុងថ្លុកឈាមបន្ទាប់ពីខ្ទាតចេញពីម៉ូតូប៉ុន្មានម៉ែត្រ។
ចំពោះមូលហេតុនៃការបាញ់សម្លាប់នេះលោកយឹម សារ៉ាន់បញ្ជាក់ថា៖«សមត្ថកិច្ចបានដាក់ការសង្ស័យថា ជារឿងគំនុំគិតទុកជាមុន ហើយក៏មិនទាន់សន្និដ្ឋានថា ជាស្នេហាត្រីកោណដែរ»។
លោកអធិការបានឲ្យដឹងទៀតថា ករណីបាញ់ប្រហារនេះ គឺជនល្មើសប្រើមធ្យោបាយជិះម៉ូតូធំមួយគ្រឿងពណ៌ខ្មៅ ហើយសមត្ថកិច្ចកំពុងដុតដៃដុតជើងដើម្បីស្រាវជ្រាវរឿងនេះ៕
សូមជួយចាប់មនុស្សសំលាប់គេកំុអោយរួចខ្លួន
ក្រោមការគ្រប់គ្រងរបស់ក្រុមជនដែលគ្មានសម្មតភាព អំពើរលួចប្លន់ កាប់សម្លាប់ មិនចេះអស់មិនចេះហើយ ។
Sambo ប្រសិនជាក្រុមឯងកាន់កាប់អំណាច អាចនឹងវេទនាជាងនេះឆ្ងាយដាច់អាល័យមិនខាន ព្រោះគ្រប់គ្រងសង្គមទាំងមូល មិនដូចគ្រួសារតូចទេ គ្រាន់តែអំភេវរកម្មក៏ឈឺក្បាលដោះមិនចេញទៅហើយ !គ្រាន់តែសំនូមពរសមត្ថកិច្ចជួយរកមុខឃាតករ ឱយអស់សមត្ថភាព!?
Borimey, how many cases has your goverment found justice to victims included: Piseth Pilika, Chea Vichea, Touch Srey Nich, voilence at Chbar Ampov Bridge, violence at Stueng Mean Chey, violence at Veng Sreng, and many more that I could not recal….?
បក្សសង្រ្គោះជាតិទេដឹង!..