Wed, 22 October 2014
ភ្នំពេញប៉ុស្តិ៍
ភ្នំពេញៈ ក្រុមអង្គការសង្គមស៊ីវិលនិងតំណាងសហគមន៍តាមបណ្តាខេត្តមួយចំនួន បានធ្វើសន្និសីទកាសែតមួយរួមគ្នានៅព្រឹកថ្ងៃពុធ ទី២២ តុលានេះ នៅ Meta House (ផ្ទះមេត្តា) ដើម្បីសម្តែងកង្វល់របស់ពួកគេ អំពីការកើនឡើងនៃការកាប់ឈើខុសច្បាប់ និងការបំផ្លាញធនធានធម្មជាតិដែលជាផលវិបាកពីការផ្តល់សម្បទានដីសេដ្ឋកិច្ច។
តាមរយៈសន្និសីទនេះ ក្រុមអង្គការសង្គមស៊ីវិលនិងតំណាងសហគមន៍បានចេញសេចក្តីថ្លែងការណ៍មួយស្នើដល់រាជរដ្ឋាភិបាលកម្ពុជាចំនួន ៦ចំណុចដូចជាៈ
១-ស្នើឲ្យមានការរឹតបន្តឹង ចំពោះការអនុវត្តច្បាប់ លើការបង្ក្រាបបទល្មើសព្រៃឈើ ឲ្យកាន់តែមានប្រសិទ្ធភាព និងតម្លាភាព។
២- ស្នើសុំឲ្យរាជរដ្ឋាភិបាល រឹតបន្តឹងទៅលើការត្រួតពិនិត្យ រាល់ការផ្តល់អាជ្ញាប័ណ្ណ ដល់ក្រុមហ៊ុនឯកជន ក្នុងការនាំឈើចេញ និងបញ្ជាក់អំពីទីតាំង តម្លៃ បរិមាណ និងកាលបរិច្ឆេទ នៃការប្រមូលឈើ ដើម្បីធានាបាននូវតម្លាភាព និងគណនេយ្យភាព។
៣-ស្នើសុំឲ្យ មានការដាក់ចេញថ្លៃ ជាសាធារណៈ ចំពោះឈើ ដែលរដ្ឋប្រមូលរឹបអូសបាន ដោយមានការចូលរួម ពីសង្គមស៊ីវិល ព្រមទាំងបង្ហាញអំពី ចំណូលដែលទទួលបាន ពីការដេញថ្លៃ។
៤-ស្នើឲ្យរាជរដ្ឋាភិបាល ពន្លឿនក្នុងការអនុម័ត លើអនុក្រឹត្យគ្រប់គ្រង តំបន់ព្រៃឡង់ និងដាក់តំបន់ព្រៃឡង់ ទៅជាតំបន់រេដបូក ដើម្បីថែរក្សា សិក្សាពីធនធានសេនេទិច និងទុកឲ្យប្រជាជន ប្រើប្រាស់ប្រកបដោយនិរន្តរភាព ក្នុងការលើកកម្ពស់ជីវភាពរស់នៅ។
៥- ស្នើឲ្យមានការពន្លឿន ក្នុងការចុះបញ្ជី និងទទួលស្គាល់ សហគមន៍ព្រៃឈើ សហគមន៍តំបន់ការពារ សហគមន៍ជនជាតិដើមភាគតិច សហគមន៍នេសាទ សហគមន៍អេកូទេសចរណ៍ និងរដ្ឋ គួរមានកញ្ចប់ថវិកា គ្រប់គ្រាន់សំរាប់លំហូរ ឲ្យសហគមន៍ទាំងនោះ ក្នុងការគ្រប់គ្រង និងអភិវឌ្ឍន៍សហគមន៍របស់ខ្លួន។
៦-ស្នើឲ្យដាក់តំបន់ជួរ ភ្នំក្រវាញ ដែលជាតំបន់ព្រៃឈើ ចុងក្រោយ ទៅជាតំបន់អេកូទេសចរណ៍ និងតំបន់អភិរក្ស សម្រាប់ការបង្កាត់ពូជ និងអភិវឌ្ឍន៍ធនធានសេនេទិច។
សូមរង់ចាំអានព័ត៌មានពិស្តារ…