Fri, 2 January 2015
ម៉ៃ ទិត្យថារ៉ា
ភ្នំពេញប៉ុស្តិ៍
ភ្នំពេញៈ ព្រះមហាក្សត្រព្រះបាទនរោត្តមសីហមុនី ប្រោសព្រះរាជទាននូវគ្រឿងឥស្សរិយយស «ឯករាជ្យជាតិ» ដល់មន្ត្រីជាន់ខ្ពស់នគរបាលជាតិចំនួន ៣រូប ក្នុងចំណោមមន្ត្រីនគរបាលជាតិចំនួន ១៤ រូបដែលបានទទួលគ្រឿងឥស្សរិយយសផ្សេងគ្នាចំនួន ៥ប្រភេទ។ នេះបើយោងទៅតាមព្រះរាជក្រឹត្យដែលភ្នំពេញប៉ុស្តិ៍ទើបតែទទួលបានពីម្សិលមិញ។
យោងទៅតាមព្រះរាជក្រឹត្យដែលបានប្រថាប់ព្រះរាជលញ្ជករនៅថ្ងៃទី ២៧ ខែធ្នូ ឆ្នាំ២០១៤ បានឲ្យដឹងថា មន្ត្រីនគរបាលជាតិជាន់ខ្ពស់ ៣ រូបដែលទទួលបាននូវគ្រឿងឥស្សរិយយស «ឯករាជ្យជាតិ» មានឯកឧត្តមនាយឧត្តមសេនីយ៍ នេត សាវឿន អគ្គស្នងការនគរបាលជាតិ ឯកឧត្តមនាយឧត្តមសេនីយ៍ កង សុខន អគ្គស្នងការរងនគរបាលជាតិ និងឯកឧត្តម ឧត្តមសេនីយ៍ឯក ម៉ក់ ជីតូ អគ្គស្នងការរងនៃអគ្គស្នងការដ្ឋាននគរបាលជាតិ។
ព្រះរាជក្រឹត្យឲ្យដឹងទៀតថា ក៏មានមន្ត្រីចំនួន ១១ នាក់ផ្សេងទៀត ទទួលបាននូវគ្រឿងឥស្សរិយយស ជាតូបការ គ្រឿងឥស្សរិយយសព្រះរាជាណាចក្រកម្ពុជា ថ្នាក់មហាសិរីវឌ្ឍន៍ គ្រឿងឥស្សរិយយស ព្រះរាជាណាចក្រកម្ពុជាថ្នាក់មហាសេនា និងគ្រឿងឥស្សរិយយសព្រះរាជាណាចក្រកម្ពុជាថ្នាក់សេនា។
លោក គៀត ច័ន្ទថារិទ្ធ អ្នកនាំពាក្យនគរបាលជាតិពុំអាចទាក់ទងបានទេ។
ទាក់ទិនទៅនឹងការទទួលបាននូវគ្រឿងឥស្សរិយយស «ឯករាជ្យជាតិ» នេះ លោក នី ចរិយា ប្រធានផ្នែកសិទ្ធិមនុស្សនិងច្បាប់របស់អង្គការការពារសិទ្ធិមនុស្សអាដហុកបានថ្លែងឲ្យដឹង ថា លោកពុំដឹងថា តើពាក្យថាឯករាជ្យជាតិបានមកពីណានោះទេ។ ប្រទេសណាក៏ដោយការប្រគល់គ្រឿងឥស្សរិយយសទៅដល់មន្ត្រីលុះត្រាតែមានស្នាដៃក្នុងការបម្រើជាតិ។
លោកថ្លែងថា៖«តាមមតិខ្ញុំដែលរដ្ឋាភិបាលប្រគល់គ្រឿងឥស្សរិយយសនោះ ដោយសារតែ នៅក្នុងឆ្នាំ២០១៤ កន្លងមកគឺមានព្រឹត្តិការណ៍ធំៗចាប់ពីខែមករាគឺបាញ់សម្លាប់កម្មករក្នុងការតវ៉ាដោយអហិង្សា ចាប់សហជីពដាក់ពន្ធនាគារ វាយមកលើប្រជាពលរដ្ឋនៅស្ពាននាគ។ នេះគឺជាស្នាដៃដែលរដ្ឋាភិបាលប្រគល់ជូន ពីព្រោះយើងតែងតែសង្កេតឃើញដូច្នេះ»។
សូមរំឭកផងដែរថា នាពេលកន្លងមក ពាក្យថា ឯករាជ្យជាតិ គឺមានតែអតីត សម្តេចព្រះបាទនរោត្តម សីហនុ ដែលត្រូវបានគេចាត់ទុកថា ជាបិតាឯករាជ្យនិងបង្រួបបង្រួមជាតិ ដោយព្រះអង្គជាឥស្សរជនលេចធ្លោបំផុត ក្នុងឆាកនយោបាយកម្ពុជា ក្នុងរយៈកាលប្រមាណជា ៧ទសវត្សរ៍កន្លងទៅ។ ព្រះអង្គគឺជាតួអង្គ និងជាសាក្សីដ៏ចម្បងបំផុតនៃប្រវត្តិសាស្រ្តខ្មែរសម័យទំនើប រាប់ចាប់តាំងពីកម្ពុជាស្ថិតក្រោមអាណានិគមបារាំង សម័យរុងរឿងក្រោយឯករាជ្យ ទំព័រខ្មៅងងឹតនៃរបបកម្ពុជាប្រជាធិបតេយ្យខ្មែរក្រហម រហូតដល់យុគសម័យសន្តិភាព ការផ្សះផ្សាជាតិ និងការបង្កើតរបបរាជានិយមអាស្រ័យរដ្ឋធម្មនុញ្ញក្នុងទសវត្សរ៍ទី ៩០ ហើយនៅថ្ងៃ ១៤ ខែ វិច្ឆិកា ឆ្នាំ១៩៩១ ពេលព្រះអង្គយាងចូលមកក្នុងប្រទេសកម្ពុជាវិញក្នុងឋានៈជាបិតាឯករាជ្យនិងបង្រួបបង្រួមជាតិ៕
I AGREE. INDEPENDENCE FROM WHO OR FROM WHAT? Why did the King have to give the medals?
ផ្កាយរះព្រោងព្រាតលេីវេហារ បំបាត់អន្ធការកម្ពុជាហេីយឬនៅ ពុករលួយគ្រប់ច្រកគ្រប់ដោយផ្លូវ ផ្កាយរះច្រេីនទៅរាស្ត្រកាន់ថ្ងូរ។
អ្នកមានជាន់ក ក្រតស៊ូ យកជីវិតប្តូរក្រែងបានធូរ ទាមទារសិទ្ធខ្លួនបរិបូណ៏ ថ្ងៃណាតស៊ូទទួលរាជ្យទាន?????។
កិត្តិយសផ្តល់អោយតែអ្នកធំ ពេលរាស្ត្រមកជុំសុំជួយខ្លួន ស្តេចនៅឯណាឬលាក់ខ្លួន យួនធ្វេីមន្ត្រីនៅកន្តេីយ។
សម័យសម្តេចតាសិទ្ធគាំទ្រ សមាជចំហរអាចសាកសួរ ដេញដោលមន្ត្រីដែលមិនគួរ សួរទាល់ភ្ញាក់ខ្លួនពីរឿងជាតិ។
ស័ក្តិបុណ្យៗ ឡេីងដូចផ្សិត ប្រទេសតូចពិតមន្ត្រីច្រេីន ចុះក្នុងបញ្ជីកាន់តែកេីន ខ្ចីប្រាក់គេច្រេីនចែកគ្នាចាយ។
សំនៀង
កណ្តុំឆែប,គួរអោយអាសូរស្រុកខ្មែរ!!
oh king under vietnam managed why we support him
Only one in the world useless king
ស្តេចចត្រង្គ អាចស៊ីអ្វី អ្វី ទាំងអស់ដែលប្រឆាំងនឹងខ្លួន ចុះស្ដេចល្ខោនវិញចាញ់យក្សចាញ់មារគ្រប់ពេល…ចេះតែរាំ១មុខ…
ទៅបួសប្រសើជាង…