ដោយ៖ ខាន់ លក្ខិណា
ថ្ងៃចន្ទ ទី12 មករា 2015
http://vodhotnews.com
មន្ទីរពេទ្យដែលជួយសង្គ្រោះកុមារដ៏ធំនៅកម្ពុជា ស្នើឲ្យរាជរដ្ឋាភិបាលទទួលស្គាល់សេវាព្យាបាលកុមាររាប់ម៉ឺននាក់ក្នុងមួយឆ្នាំៗ ដោយឥតគិតថាជា តំបន់មន្ទីរពេទ្យព្យាបាលពិសេស ។
តាមលិខិតចំហមួយច្បាប់របស់ប្រធាន និងស្ថាបនិកនៃមន្ទីរពេទ្យគន្ធបុប្ផា វេជ្ជបណ្ឌិត លោក បេអាត រីចឆ្នីរ ដែល VOD ទទួលបាននៅថ្ងៃទី១២ ខែមករា ឆ្នាំ២០១៥ នេះលើកឡើងថា ដោយសារតែសេវាព្យាបាលជំងឺនៅតែល្អជាងគេនោះ លោកស្នើឲ្យរដ្ឋាភិបាលកម្ពុជាគួរតែប្រកាសដាក់មន្ទីរពេទ្យគន្ធបុប្ផានៅភ្នំពេញ និងខេត្តសៀមរាម ជាតំបន់មន្ទីរព្យាបាលពិសេស ។
លិខិតដដែលបញ្ជាក់ថា ក្នុងឆ្នាំ២០១៤នេះ គ្មានមន្ទីរពេទ្យដ៏ទៃទៀតក្នុងពិភពលោកបានពិនិត្យព្យាបាលកុមារបាន ៦៩ ៦៣២៩ករណី ដែលក្នុងនោះកុមារមានជំងឹធ្ងន់ធ្ងរៗក្នុងមន្ទីរពេទ្យព្យាបាលបាន ១២២ ០៨៦ នាក់ ។
លិខិតបញ្ជាក់ថា រាល់ការព្យាបាលទាំងអស់គឺមិនគិតថ្លៃនោះទេ ដោយសារគ្រួសារអ្នកជំងឺភាគច្រើនមានជីវភាពទាល់ក្រ ហើយបើតម្រូវបង់ថ្លៃព្យាបាល នោះនឹងបំផ្លាញជីវភាពក្រីក្ររបស់ពួកគាត់ ៕
សូមសរសេរមកកញ្ញា ខាន់ លក្ខិណា តាមរយៈ khanleakhena@yahoo.com