ដោយ៖ ឡាយ សាមាន | ថ្ងៃចន្ទ ទី22 មិថុនា 2015, 04:47 PM
http://vodhotnews.com
ស្តាប់សំឡេង៖ |
ចម្លងទុក |
គណបក្សប្រជាជនកម្ពុជាប្រារព្ធខួបលើកទី៣៦ ថ្ងៃ៧មករា ក្នុងឆ្នាំ២០១៥នេះ
អ្នកវិភាគនយោបាយ លើកឡើងថា ឥទ្ធិពល ៧មករា របស់គណបក្សប្រជាជនកម្ពុជាលែងមានប្រជាប្រិយភាពទាក់ទាញការគាំទ្រពីប្រជាពលរដ្ឋទៀតហើយ ដោយយល់ថា បក្សនេះគួរបង្កើតយុទ្ធសាស្ត្រថ្មី ដែលជាតម្រូវការចាំបាច់សម្រាប់ប្រជាពលរដ្ឋបច្ចុប្បន្ន ។
កាលពីថ្ងៃសៅរ៍ រដ្ឋមន្ត្រីក្រសួងព័ត៌មាន និងជាអ្នកនាំពាក្យរាជរដ្ឋាភិបាល លោក ខៀវ កាញារីទ្ធ បានសរសេរលើបណ្តាញសង្គមរបស់លោកថា ក្នុងឱកាសសន្និបាតលើកទី ៣៨ នៃគណៈកម្មាធិការកណ្តាលរបស់គណបក្សប្រជាជនកម្ពុជា លោកនាយករដ្ឋមន្ត្រីហ៊ុន សែន ថ្លែងថា «សូមមន្ត្រីគណបក្សប្រជាជនកម្ពុជាកុំដេកស៊ីកេរ ៧ មករា តែត្រូវសកម្មលើកកម្ពស់ការបម្រើ ពិសេសតម្រូវការពលរដ្ឋដែលវិវត្តតាមសម័យកាល» ។
សាស្ត្រាចារ្យនយោបាយលោក សូ ចន្ថា មានប្រសាសន៍ថា កន្លងទៅគណបក្សប្រជាជនកម្ពុជា បានប្រើយុទ្ធសាស្ត្រ ៧មករា ដើម្បីទាក់ទាញការគាំទ្រ ជាពិសេសអ្នកដែលធ្លាប់ឆ្លងកាត់សង្គ្រាម និងមនុស្សចាស់ៗជាដើម ។ តែលោកថា បច្ចុប្បន្ននេះ យុវជនភាគច្រើនមិនឲ្យតម្លៃថ្ងៃ៧មករា នោះឡើយ ។
លោក សូ ចន្ថា មានប្រសាសន៍ថា «ឥទ្ធិពលនៃថ្ងៃ៧មករា គឺលែងមានទៀតហើយ ជាពិសេសក្រុមយុវជនដែលទើបគ្រប់អាយុទៅបោះឆ្នោត ។ ក្រុមយុវជនហ្នឹង គេអត់ស្គាល់អត់យល់ពី ៧ មករាទេ ប៉ុន្តែអ្វីដែលគេចង់បាន គឺជីវភាពរស់នៅរបស់គេ ប្រសើរជាងមុនឲ្យមានយុត្តិធម៌សង្គម ជាពិសេសមានការងារធ្វើសម្រាប់យុវជនទាំងអស់ហ្នឹង ។ ចឹងហើយបានជានាយករដ្ឋមន្ត្រីប្រកាសថា កុំឲ្យផ្តេកផ្តួលលើ៧មករាពេក ដោយសារការផ្តេកផ្តួលទៅសមិទ្ធផល ៧មករា ហ្នឹងហើយ ដែលធ្វើឲ្យគណបក្សប្រជាជនបាត់បង់កៅអី ២០អាសនៈ» ។
លោក សូ ចន្ថា បន្ថែមថា មូលហេតុដែលធ្វើឲ្យបក្សប្រជាជនមានការគាំទ្រច្រើនក្រោយ ៧ មករានោះ ដោយសារពួកគេជាមនុស្សចាស់ៗ និងពលរដ្ឋមួយចំនួនគិតថា ៧មករា ជាថ្ងៃរំដោះជាតិ តែលោកថាបច្ចុប្បន្នអ្នកគាំទ្រ និងអ្នកប្រឡូកឆាកនយោបាយជាយុវជនជំនាន់ក្រោយ ទើបធ្វើឲ្យបក្សកាន់អំណាចមួយនេះ ធ្លាក់ចំនួនអាសនៈ និងងាកមកប្រើយុទ្ធសាស្ត្រថ្មី ។
សម្រាប់អ្នកវិភាគឯករាជ្យ លោក អ៊ូ វីរៈ យល់ថា ជារឿងល្អមួយដែលគណបក្សប្រជាជនចាំបាច់ឈប់ស៊ីកេរ៧មករា ដោយលោកយល់ថា ជារឿងហួសសម័យទៅហើយ ។ លោកថា គណបក្សប្រជាជនកម្ពុជាគួរជជែកពីបញ្ហាដែលកំពុងកើតមាននាពេលបច្ចុប្បន្ន និងស្វែងរកដំណោះស្រាយវិញទើបជាការប្រសើរ ។
លោក អ៊ូ វីរៈ បន្ថែមថា «៧មករា យូរជ្រុលពេកហើយ ហើយនៅស៊ីកេរមិនដឹងដល់ណាបន្តទៀត ចឹងគួរតែព្យាយាមជជែកពីបញ្ហាដែលកំពុងប្រឈមបច្ចុប្បន្នហើយរកមើលដំណោះស្រាយ ដើម្បីទស្សនៈវិស័យ ដើម្បីជំរុញទៅអនាគតឲ្យប្រសើរជាង ធ្វើម៉េចយើងមើលទៅមុខខ្លះផង រឿង៧មករា តាមពិតមិនគួរបំភ្លេចចោលទេ ប៉ុន្តែតែជាការស្រាវជ្រាវយល់ដឹងរបស់យុវជន និងប្រជាពលរដ្ឋខ្មែរទូទាំងប្រទេស ហើយទទួលស្គាល់នូវការពិតទាំងឡាយ ។ ៧មករាជាប្រវត្តិសាស្ត្រ ប៉ុន្តែមិនគួរមកពាក់ព័ន្ធជាមួយនឹងការសម្រេចចិត្តគោលនយោបាយនៅពេលបច្ចុប្បន្ន ព្រោះនយោបាយបច្ចុប្បន្នវាទាក់ទង ថាតើយើងនឹងធ្វើអីដោះស្រាយបញ្ហាអី តើយើងមានទស្សនៈវិស័យយ៉ាងម៉េចសម្រាប់ប្រទេសកម្ពុជាយើងទៅអានាគត នេះគឺជាប្រធានបទនយោបាយបច្ចុប្បន្ន» ។
អ្នកនាំពាក្យគណបក្សប្រជាជនកម្ពុជាលោក ឈឹម ផលវរុណ ប្រាប់VOD ដោយបញ្ជាក់បន្ថែមថា អ្វីដែលជាសមិទ្ធផលជាតិ និងជាស្នាដៃរបស់គណប្រជាជនកម្ពុជាគឺផ្តើមចេញពីថ្ងៃ ៧មករា និងឈានដល់មានសន្តិភាពរហូតដល់សព្វថ្ងៃនេះ ។ លោកបន្តថា ក្រោយពី ៧ មករា បក្សប្រជាជនបានកសាងសមិទ្ធផលជាច្រើនទៀតរួមមាននយោបាយឈ្នះៗ សន្តិភាព និងសិទ្ធិសេរីភាពជូនប្រជាពលរដ្ឋផងដែរ ។
លោក ឈឹម ផលវរុណ បន្ថែមថា «យើងមានសមិទ្ធផលច្រើន នៅក្នុងនោះផ្តើមចេញពី ៧ មករា ១៩៧៩ តែយើងមិនមែនមានតែ ៧មករា ១៩៧៩ទេ យើងមានច្រើនទៀតដែលកើតចេញក្រោយ៧មករា ១៩៧៩ ចឹងហើយសរុបន័យមកថា យើងមិនត្រូវស៊ីតែកេរ៧មករាទេ យើងមានកេរក្រោយផ្សេងៗទៀត បានន័យថាយើងមានសមិទ្ធផលផ្សេងៗទៀតក្រោយ៧មករារហូតមកដល់ពេលនេះ ដែលយើងត្រូវរំឭករំលេចឲ្យអស់កុំផ្អែកលើ ៧មករាតែមួយ យើងមានកេរសមិទ្ធិផលស្នាដៃរបស់យើងផ្សេងៗទៀត» ។
បើតាមលោក ឈឹម ផលវរុណ ការដែលលោកនាយករដ្ឋមន្ត្រី ប្រាប់សមាជិកបក្សកុំឲ្យពឹងលើតែគុណសម្បត្តិ ៧ មករានោះ មិនមែនជាយុទ្ធសាស្ត្រថ្មីរបស់បក្សនោះទេ គ្រាន់តែចង់បង្ហាញជូនសាធារណជនឲ្យបានឃើញពីស្នាដៃផ្សេងៗរបស់រដ្ឋាភិបាលតាំងពីឆ្នាំ ១៩៧៩ ដល់បច្ចុប្បន្ន និងសម្រាប់អានាគត ។
គណបក្សប្រជាជនកម្ពុជាបានចាត់ទុក ថ្ងៃ៧ ខែមករា ឆ្នាំ១៩៧៩ ជាជ័យជន្នះលើរបបខ្មែរក្រហម ដោយមានការគាំទ្រពីកងទ័ពវៀតណាម ។ ប៉ុន្តែក្រុមអ្នករិះគន់នៅតែចាត់ទុកថា ៧ មករា ជាថ្ងៃដែលវៀតណាមឈ្លានពានទឹកដីខ្មែរ៕
សូមសរសេរមកលោក ឡាយ សាមាន តាមរយៈ samean@vodhotnews.com
ផលវរុណ ចេះតែបកស្រាយបែបភ្លាវៗទៅកើត!!! កុំតែមាន ៧មករា កុំអីគ្មានការបំផ្លាញព្រៃឈើ និងបាត់បង់ដីតាមរយៈសន្ធិសញ្ញាព្រំដែន គ្មានអេដស៍ គ្មានការ៉ាអូខេ គ្មានពេស្យាចារច្រើនដូចថ្ងែនេះទេ។ ពាក្យដែលហ៊ុន សែន និយាយនេះ គឺខ្ញុំបាននិយាយមុនលោកហ៊ុន សែន យូរមកហើយ (រហូតមានសមាជិក CPP ខ្លះចោទខ្ញុំថាជា បក្សប្រឆាំងទៀតផង) តែនៅពេល ហ៊ុន សែន និយាយការពិត បែរជាអា ខ្មៅ វរុណ ក្រឡាច់អត្ថន័យទៅវិញ។
7 January 79 is simply a political trick.
Khmer believes in Buddhism. Gratitude is main part of teaching in Buddhism.
It becomes tradition in Buddhist. Any ceremonial function, gratitude is emphasized. It is a social link and also harmonies relationship in family, likewise in society.
To control, Vietnam has used it to curb Cambodians not to fight back.
Knowing khmer psychological patterns is vitally important. Anger is triggered by frustration. Frustration itself rooted by ignorance (due to less information and process oof information). That’s why 2.5 millions of Cambodians were turned to one another, in the name of ” ENEMY ” by so called ” Angkar. ”
This is proven by the last phase of ” Eradication. ” of last Cambodian Human resources.
Khmer compatriots still rise against colonization.
That’s why this CHEAP trick is not effective.
You can fool the blind once or twice but not Cambodian compatriots.
This is only believed by those who lost their conscience by dirty tricks , woman, Alcohol and gambling. Some are still being cheated by Enemy ideology.
Your time is up. Bad dream will never last forever.
Accept to the wrong you done is the best choice.
Please stop being ” Leehov ” who serve anyone by repay to a meal.
Samneang
“៧មករា” គឺជារបស់ខ្មែរទូទៅ។ ស៊ីភីភី នឹងអស់តំលៃ បើនៅតែព្យាយាមអោបក្រសោប “៧មករា” មកធ្វើជាកម្មសិទ្ធផ្តាច់មុខរបស់ខ្លួន។ ហើយCNRP ក៏កាន់តែសាបតំលៃ បើនៅតែចោទ “៧មករា” ថាជាសត្រូវរបស់ខ្លួន។