ដោយ៖ ស៊ុន ណារិន | ថ្ងៃអង្គារ ទី23 មិថុនា 2015
http://vodhotnews.com
ថ្នាក់ដឹកនាំប្រទេសចំនួន៤ដែលជាប្រទេសសមាជិកអាស៊ានមានការអភិវឌ្ឍតិចតួច(មីយ៉ាន់ម៉ា កម្ពុជាឡាវ និងវៀតណាម) បានឯកភាពគ្នាក្នុងការជំរុញកិច្ចសហប្រតិបត្តិការរួមលើផ្នែកសំខាន់ៗមួយចំនួន ដើម្បីឈានទៅរកសមាហរណកម្មសេដ្ឋកិច្ចអាស៊ាននៅចុងឆ្នាំ២០១៥។ នេះបើយោងតាមសេចក្តីថ្លែងការណ៍រួមរបស់ប្រទេសទាំង៤ នៅក្នុងកិច្ចប្រជុំកំពូលមួយ ដែលធ្វើឡើងនៅប្រទេសមីយ៉ាន់ម៉ា កាលពីថ្ងៃចន្ទ។
លោកនាយករដ្ឋមន្ដ្រី ហ៊ុន សែន កាលពីថ្ងៃចន្ទ បានដឹកនាំគណៈប្រតិភូកម្ពុជាទៅចូលរួមកិច្ចប្រជុំនៅប្រទេសមីយ៉ាន់ម៉ា រួមមានកិច្ចប្រជុំកំពូលស្ដីអំពីយុទ្ធសាស្ដ្រកិច្ចសហប្រតិបត្ដិការសេដ្ឋកិច្ចអាយ៉េយ៉ាវ៉ាឌី ចៅប្រាយ៉ា មេគង្គលើកទី៦(Aveyavady-Chao Praya-Mekong Economic Cooperation Stradegy-ACMECS) កិច្ចសន្ទនារវាងថ្នាក់ដឹកនាំអេកម៉ិក និងវិស័យធុរៈកិច្ច និងកិច្ចប្រជុំកំពូលលើកទី៧ កម្ពុជា ឡាវ មីយ៉ាន់ម៉ា និងវៀតណាម ។
បើតាមសេចក្តីថ្លែងការណ៍រួម ប្រទេសទាំង៤បានយល់ព្រមក្នុងការលើកកម្ពស់កិច្ចសហប្រតិបត្តិការទៅលើទំនាក់ទំនងជំនួញ ការវិនិយោគ ការដឹកជញ្ជូន កសិកម្ម ទេសចរណ៍ និងការអភិវឌ្ឍធនធានមនុស្ស។ សេចក្តីថ្លែងការណ៍បន្តថាថ្នាក់ដឹកនាំប្រទេសទាំង៤ ក៏បានអំពាវនាវឲ្យមានការសម្របសម្រួលស៊ីជម្រៅមួយ ដើម្បីទទួលបានប្រយោជន៍ដ៏ច្រើនពីសេដ្ឋកិច្ចតាមព្រំដែន ការសម្រួលការឆ្លងព្រំដែន(ទាំងការដឹកជញ្ជូនទំនិញ និងការធ្វើដំណើររបស់ប្រជាជន) និងការធ្វើឲ្យងាយស្រួលការធ្វើដំណើរតាមផ្លូវអាកាស តាមរយៈទំនាក់ទំនងទេ្វភាគី និងពហុភាគី។
សេចក្តីថ្លែងការណ៍រួមឲ្យដឹងទៀតថាថ្នាក់ដឹកនាំប្រទេសទាំង៤ក៏បានយល់ព្រមក្នុងការសម្របសម្រួលទៅវិញទៅមកលើការវិនិយោគលើវិស័យកសិកម្ម ឧស្សាហកម្ម ថាមពល បច្ចេកវិទ្យា និងទូរគមនាគមន៍ តាមរយៈការជំរុញទៅលើផ្នែកសំខាន់ៗមួយចំនួន ដូចជាការអភិវឌ្ឍសហគ្រាសខ្នាតតូច និងមធ្យម ថាមពលកកើតឡើងវិញ និងការរុករកធនធានរ៉ែជាដើម។
របាយការណ៍ឲ្យដឹងថាចំនួនភ្ញៀវទេសចរនៅក្នុងប្រទេសទាំង៤ មានចំនួន១៩,៦លាននាក់ ក្នុងឆ្នាំ២០១៤ ដែលកើនឡើង១១,៤ភាគរយ បើប្រៀបធៀបនឹងឆ្នាំមុន។ ចំណែកទំនាក់ទំនងពាណិជ្ជកម្មនៃប្រទេសទាំង៤ បានកើនពី១២,៤ភាគរយ ទៅ១៤,១ភាគរយនៃទំហំជំនួញរបស់អាស៊ានទាំងមូល សម្រាប់ឆ្នាំ២០១៤។
សេចក្ដីប្រកាសព័ត៌មានរបស់ក្រសួងការបរទេសកម្ពុជា ចេញផ្សាយកាលពីថ្ងៃទី១៦ ខែមិថុនា ឲ្យដឹងថា នៅពេលបញ្ចប់នៃកិច្ចប្រជុំកំពូលនេះ ឯកសារចំនួន៣នឹងត្រូវអនុម័ត រួមមាន សេចក្ដីថ្លែងការណ៍រួមនៃកិច្ចប្រជុំកំពូលលើកទី៧ កម្ពុជា ឡាវ មីយ៉ាន់ម៉ា និងវៀតណាម សេចក្ដីថ្លែងការរដ្ឋធានីណៃពីដោនៃកិច្ចប្រជុំកំពូលស្ដីពីយុទ្ធសាស្ដ្រកិច្ចសហប្រតិបត្ដិការសេដ្ឋកិច្ច អាយ៉េយ៉ាវ៉ាឌី ចៅប្រាយ៉ា មេគង្គ លើកទី៦ និងផែនការសកម្មភាពនៃយុទ្ធសាស្ដ្រ កិច្ចសហប្រតិបត្ដិការសេដ្ឋកិច្ច អាយ៉េយ៉ាវ៉ាឌី-ចៅប្រាយ៉ា មេគង្គ ឆ្នាំ២០១៦ឆ្នាំ២០១៨ ៕
សរសេរមកកាន់លោក ស៊ុន ណារិន តាមរយៈsun_narin@vodhotnews.com
All 4 communist countries…
I wonders why MIYANMA want to joint UNITED ENDOCHEN whit these three country. if MIYANMA want to join THAILAND have to be first. it is image to see all these country so scare whit Vietnamese military powers. it will be fun just like old SOVEIT UNION but when it breaking up world war will happen.
ពួកអាសុំទានចងសម្ព័ន្ធមិត្តជាមួយគ្នាព្រោះពួកអាមេដឹកនាំទាំង៤នេះមិនអាចមានមុខឡើងទ្រនុំចុះសំរុង
ជាមួយប្រទេសអាស៊ានដែលមានមេដឹកនាំគេរីកចំរើនជឿនលៀនឡើយ !