ដោយ៖ លី បេឡា | ថ្ងៃអាទិត្យ ទី7 កុម្ភៈ 2016
http://vodhotnews.com
លោកនាយករដ្ឋមន្ត្រីបានអំពាវនាវឲ្យប្រជាពលរដ្ឋមានការប្រុងប្រយត្នខ្ពស់ កុំឲ្យមានអគ្គីភ័យ និងគ្រោះថ្នាក់ចរាចរណ៍កើតឡើង ក្នុងឱកាសបុណ្យចូលឆ្នាំចិនរយៈពេលបីថ្ងៃចាប់ពីថ្ងៃទី ៧-៩ ខែ កុម្ភះ ២០១៦ នេះ។
លោកនាយករដ្ឋមន្ត្រី ហ៊ុន សែន បានសរសេរនៅលើទំព័រហ្វេសប៊ុករបស់ខ្លួននៅថ្ងៃទី៧ ខែ កុម្ភៈនេះអំពាវនាវឲ្យពលរដ្ឋប្រយ័ត្នប្រយ៉ែងចំពោះភ្លើងទៀនធូប និងពេលដុតក្រដាស់សែនជាដើម គឺត្រូវមានការប្រុងប្រយ័ត្នដើម្បីចៀសវាងការឆាបឆេះ។
លោកនាយករដ្ឋមន្ត្រីក៏អំពាវនាវឲ្យពលរដ្ឋបើករបរដោយ គោរពច្បាប់ចរាចរណ៍ និង អំពាវនាវកុំបើឲ្យបើកបរក្នុងស្ថានភាពស្រវឹង។
គួរបញ្ជាក់ថា ក្នុងឱកាសបុណ្យចូលឆ្នាំចិនឆ្នាំ២០១៥ មនុស្សចំនួន២៩នាក់ស្លាប់ និង ១៥១នាក់រងរបួសក្នុងហេតុការណ៍គ្រោះថ្នាក់ចរាចរណ៍ទូទាំងប្រទេស ដោយសារបើកបរហូសល្បឿនកំណត់ បើកបរក្នុងសភាពស្រវឹង ការមិនគោរពភ្លើងសញ្ញា ឬ ផ្លាកសញ្ញាជាដើម៕
សូមសរសេរមកកាន់លោក លី បេឡា តាមរយៈ bela@vodhotnews.com