ដោយ អ៊ុំ រង្សី
2016-04-01
RFA
ជ័រកៅស៊ូដែលបង្ហូរចេញពីដើមកៅស៊ូរបស់ពលរដ្ឋនៅស្រុកមេមត់ ខេត្តត្បូងឃ្មុំ។ រូបថតកាលពីខែមេសា ឆ្នាំ២០១៥ (RFA/Saut Sokprathna)
សហគមន៍កៅស៊ូអន្តរជាតិ (IRCO) ព្រួយបារម្ភពីនិរន្តរភាពនៃផលិតកម្មកៅស៊ូធម្មជាតិនៅពេលអនាគត។ ទន្ទឹមគ្នានេះ សហគមន៍កៅស៊ូអន្តរជាតិ ដែលមានប្រទេសថៃ ឥណ្ឌូនេស៊ី ម៉ាឡេស៊ី និងវៀតណាម ប្ដេជ្ញាខិតខំធ្វើយ៉ាងណាអនុវត្តវិធានការកាត់បន្ថយតម្លៃកៅស៊ូដែលបានប្រែប្រួលឆាប់រហ័សក្នុងប៉ុន្មានឆ្នាំចុងក្រោយនេះ។
សេចក្ដីថ្លែងការណ៍របស់សហគមន៍នេះ បញ្ជាក់ដែរថា ដើម្បីដោះស្រាយវិបត្តិធ្លាក់ថ្លៃកៅស៊ូនេះ រដ្ឋាភិបាលប្រទេសថៃ ឥណ្ឌូនេស៊ី ម៉ាឡេស៊ី និងវៀតណាម ក្រៅពីប្រឹក្សាជាថ្នាក់តំបន់ ហើយបានព្រមព្រៀងគ្នាអនុវត្តគម្រោងបរិមាណនាំចេញដោយចាប់ផ្ដើមអនុវត្តពីថ្ងៃទី១ ខែមីនា រហូតដល់ខែសីហា ឆ្នាំ២០១៦។ សហគមន៍កៅស៊ូអន្តរជាតិ ក៏បានព្រមព្រៀងគ្នាបង្កើតទីផ្សារកៅស៊ូថ្នាក់តំបន់ដើម្បីធ្វើពាណិជ្ជកម្មកៅស៊ូធម្មជាតិ ក្នុងគោលបំណងផ្ដល់នូវយន្តការរកឃើញតម្លៃគួរឲ្យទុកចិត្តបាន និងធានានិរន្តរភាពនៃឧស្សាហកម្មកៅស៊ូក្នុងតំបន់។
ការប្ដេជ្ញាអនុវត្តវិធានការកាត់បន្ថយតម្លៃប្រែប្រួលកៅស៊ូរបស់សហគមន៍កៅស៊ូអន្តរជាតិ នៅពេលនេះ ធ្វើឡើងបន្ទាប់ពីមើលឃើញថា កៅស៊ូពិភពលោកបន្តធ្លាក់ថ្លៃ ៣ឆ្នាំជាប់គ្នា ចាប់ពី ៦.០០០ដុល្លារក្នុងមួយតោន មកត្រឹម ៨០០ ទៅ ១.០០០ដុល្លារក្នុងមួយតោន។
បញ្ហានេះ បណ្ដាលឲ្យវិនិយោគិនដំណាំកៅស៊ូនៅកម្ពុជា កំពុងអស់សង្ឃឹម និងជំរុញឲ្យពួកគេប្រឈមចំពោះការជំពាក់បំណុលធនាគារ មិនតែប៉ុណ្ណោះបណ្ដាលឲ្យចម្ការកៅស៊ូជាលក្ខណៈគ្រួសារត្រូវតែបោះបង់អាជីវកម្មរបស់ខ្លួន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ក្រសួងពាណិជ្ជកម្មត្រូវការថវិកា៣០លានដុល្លារអនុវត្តគម្រោងពាណិជ្ជកម្មរយៈពេល៥ឆ្នាំ
- ក្រុមហ៊ុន ម៉ុង ឬទ្ធី គ្រោងនាំចេញផ្លែស្វាយកែវរមៀតជាង២០០តោនទៅកាន់ទីផ្សារអឺរ៉ុប
- អ្នកដឹកផ្លែឈើពីថៃមកកម្ពុជាតាមច្រកអន្តរជាតិដូងចោទមន្ត្រីគយប្រព្រឹត្តអំពើពុករលួយ
- ADB៖ សេដ្ឋកិច្ចកម្ពុជានឹងរក្សាកំណើនក្នុងរង្វង់អត្រា៧%ក្នុងឆ្នាំ២០១៦-២០១៧
- ក្រុមហ៊ុន ម៉ុង ឬទ្ធី នឹងដាក់ដំណើរការរោងចក្រច្នៃកៅស៊ូក្រេបនៅខេត្តព្រះស៊ីហនុក្នុងខែមិថុនា
- ចិនផ្ដល់មូលនិធិ១០ប៊ីលានដុល្លារសម្រាប់ប្រទេសតាមដងទន្លេមេគង្គ
- ចិនសន្យាតម្កល់មូលនិធិមួយចំនួនដើម្បីជួយអភិវឌ្ឍប្រទេសតាមដងទន្លេមេគង្គ
- ធនាគារជាតិនឹងដាក់ឲ្យដំណើរការប្រព័ន្ធប្រតិបត្តិការប្រាក់រៀលយ៉ាងយូរឆ្នាំ២០១៧
- ពលរដ្ឋរិះគន់អាជ្ញាធរមិនទប់ស្កាត់ទំនិញខូចគុណភាពនាំចូលតាមច្រកទ្វារចាំយាមខេត្តកោះកុង