ដោយ ហ៊ុំ ចំរើន
2016-06-09
RFA
សាកសពពលករខ្មែរចំនួន ៦នាក់ និងអ្នករបួសស្រាលចំនួន ១៦នាក់ ដោយគ្រោះថ្នាក់ចរាចរណ៍នៅខេត្តស្រះកែវ ប្រទេសថៃ ត្រូវបានសមត្ថកិច្ចថៃ បញ្ជូនមកដល់កម្ពុជា តាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ កាលពីយប់ថ្ងៃទី៨ ខែមិថុនា។
ប្រធានក្រុមការងារទំនាក់ទំនងព្រំដែនកម្ពុជា-ថៃ ច្រកទ្វារអន្តរជាតិប៉ោយប៉ែត លោក សៅ វាសនា ឲ្យដឹងនៅថ្ងៃទី៩ មិថុនា ថា ពលករដែលស្លាប់នោះមានស្រី ៣នាក់ និងប្រុស ៣នាក់។ ក្នុងនោះមាន ៣នាក់មកពីខេត្តសៀមរាប ម្នាក់មកពីស្រុកសង្កែ ខេត្តបាត់ដំបង ពីខេត្តកំពង់ឆ្នាំង ម្នាក់ និងខេត្តកោះកុងម្នាក់។
លោកបន្ថែមថា អ្នករងរបួសធ្ងន់ចំនួន ៦នាក់ទៀតកំពុងសម្រាកព្យាបាលនៅមន្ទីរពេទ្យខេត្តស្រះកែវ នៅឡើយ៖ «ពលករទាំងអស់គ្នានោះបានជិះរថយន្តឆ្លងដែនទៅធ្វើការងារនៅប្រទេសថៃ ដោយខុសច្បាប់។ នៅពេលធ្វើដំណើរនោះ រថយន្តបានបើកបុកសសរបង្គោលភ្លើងអគ្គិសនី ហើយបានក្រឡាប់ធ្លាក់ទឹកតែម្ដង»។
លោកអះអាងថា សមត្ថកិច្ចថៃ កំពុងស៊ើបអង្កេតករណីគ្រោះថ្នាក់ចរាចរណ៍នេះ ដើម្បីឲ្យអ្នកប្រព្រឹត្តទទួលខុសត្រូវ និងផ្ដល់សំណងដល់ជនរងគ្រោះ។ ចំណែកឯសាកសពពលករត្រូវបានសាច់ញាតិនាំយកទៅធ្វើបុណ្យនៅឯស្រុកកំណើត នៅយប់ថ្ងៃទី៨ ខែមិថុនា រីឯអ្នករងរបួសស្រាលបានវិលត្រឡប់ទៅផ្ទះរៀងៗខ្លួននៅយប់ដដែល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ពលករខ្មែរ៦នាក់ស្លាប់និង១៨នាក់របួសក្នុងហេតុការណ៍គ្រោះថ្នាក់ចរាចរណ៍នៅថៃ
- កម្មវិធីប្រកួតអត្ថបទអ្នកកាសែតស្ដីពីការពាក់មួកសុវត្ថិភាព
- មនុស្ស៨នាក់ស្លាប់និងជាង៣០នាក់របួសដោយសារគ្រោះថ្នាក់ចរាចរណ៍នៅបាត់ដំបង
- ចំនួនអ្នកស្លាប់និងរបួសដោយគ្រោះថ្នាក់ចរាចរណ៍នៅថ្ងៃ១៣ មេសា កើនឡើង
- អ្នកជំនាញខាងសុវត្ថិភាពចរាចរណ៍បារម្ភគ្រោះថ្នាក់ចរាចរណ៍កើនឡើង
- សមត្ថកិច្ចរឹតបន្តឹងការអនុវត្តច្បាប់ចរាចរណ៍ផ្លូវគោកថ្មី
- លោក ហ៊ុន សែន បន្តបញ្ជាឲ្យមានវិធានការលើករណីឡានដឹកអង្ករលើសចំណុះ
- គ្រួសារជនរងគ្រោះដោយគ្រោះថ្នាក់ចរាចរណ៍នៅខណ្ឌឫស្សីកែវកំពុងរង់ចាំយុត្តិធម៌
- គ្រោះថ្នាក់ចរាចរណ៍និងភ្លើងឆេះផ្ទះក្នុងពេលបុណ្យចូលឆ្នាំចិនកើនឡើងជាងឆ្នាំមុន
- ពលរដ្ឋនៅខេត្តកំពង់ឆ្នាំងសម្រុកទិញមួកសុវត្ថិភាព