ដោយ អ៊ុង សេរីវុទ្ធ
2016-06-10
RFA
សាលាដំបូងរាជធានីភ្នំពេញ។ រូបថតថ្ងៃទី៣០ ខែមេសា ឆ្នាំ២០១៦ (RFA/Brach Chev)
ចៅក្រមសើបសួរនៃសាលាដំបូងរាជធានីភ្នំពេញ សម្រេចឃុំខ្លួនប្រធានក្រុមហ៊ុន ប៊ុណា្ណ រៀលធី លោក ស៊ឹង ប៊ុណ្ណា ពីបទមិនបំពេញកាតព្វកិច្ចចំពោះឧបករណ៍អាចជួញដូរបាន។
ព្រះរាជអាជ្ញារង និងជាអ្នកនាំពាក្យសាលាដំបូងរាជធានីភ្នំពេញ លោក លី សុផាណា ឲ្យដឹងនៅថ្ងៃទី១០ មិថុនា ថា លោក ស៊ឹង ប៊ុណ្ណា ត្រូវបានព្រះរាជអាជ្ញារងលោក សេង ហៀង ចេញដីកាបង្គាប់ឱ្យចូលខ្លួន ករណីចេញមូលប្បទានប័ត្រគ្មានសាច់ប្រាក់ ឬសែកស្អុយ។
យ៉ាងណាក៏ដោយលោក លី សុផាណា មិនទាន់បញ្ជាក់ថា ចំនួនទឹកប្រាក់នៃសែកស្អុយនោះមានចំនួនប៉ុន្មានទេ ប៉ុន្តែសារពត៌មានក្នុងស្រុកផ្សព្វផ្សាយថា សែកនោះមានទឹកប្រាក់ជាង៤០ម៉ឺនដុល្លារ តាមបណ្តឹងរបស់ឧកញ៉ា កែវ ហ៊ុន។
មាត្រា២៣១ នៃច្បាប់ស្ដីពី ឧបករណ៍អាចជួញដូរបាន និងប្រតិបត្តិការទូទាត់សងប្រាក់ ចែងថា បុគ្គលណា មិនបំពេញកាតព្វកិច្ចចំពោះឧបករណ៍អាចជួញដូរបាន នៅពេលឥណប្រតិទាន ដោយមានបំណង និងដោយមានចេតនាធ្វើឲ្យខូចប្រយោជន៍អ្នកដទៃ នឹងត្រូវផ្ដន្ទាទោសពិន័យជាប្រាក់ ពី ២លាន ដល់៦លានរៀល និងជាប់ពន្ធនាគារពី ១ឆ្នាំ ដល់៣ឆ្នាំ ដោយមិនទាន់គិតដល់កាតព្វកិច្ចទូទាត់សំណងចំនួនប្រាក់ នៃឧបករណ៍អាចជួញដូរបាននោះទៅអ្នកកាន់។
ក្រុមហ៊ុន ប៊ុណា្ណ រៀលធី ជាក្រុមហ៊ុនផ្នែកអចលនទ្រព្យដ៏ធំមួយនៅកម្ពុជា ដែលបានចាប់ផ្ដើមដំណើររបស់ខ្លួនតាំងពីឆ្នាំ១៩៩៩មក ដោយចាប់ផ្ដើមពីការិយាល័យដ៏តូចជាមួយតុ និងម៉ូតូចាស់មួយប៉ុណ្ណោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- អ្នករត់ឡានឈ្នួលប្ដឹងមន្ត្រីគយក្រុងប៉ោយប៉ែតរឿងធ្វើទារុណកម្មបង្ខំឲ្យបង់ប្រាក់
- អ្នកបឹងកក់គ្មានជំនឿលើចំណាត់ការរបស់ក្រសួងមហាផ្ទៃពាក់ព័ន្ធហិង្សាកាលពី៣ឆ្នាំមុន
- ស្ត្រីបឹងកក់១០នាក់នឹងចូលបំភ្លឺនៅក្រសួងមហាផ្ទៃពាក់ព័ន្ធហិង្សាកាលពី៣ឆ្នាំមុន
- សាលាឧទ្ធរណ៍សម្រេចតម្កល់សាលក្រមលើសកម្មជនបក្សប្រឆាំងខេត្តពោធិ៍សាត់ម្នាក់
- សាលាឧទ្ធរណ៍គ្រោងប្រកាសសាលដីកាលើសកម្មជនបក្សប្រឆាំងនៅខេត្តពោធិ៍សាត់
- សមត្ថកិច្ចបញ្ជូនជនជាតិថៃ២នាក់ដែលចាប់អាជីវករខ្មែរនៅផ្សាររ៉ុងក្លឿទៅតុលាការ
- តុលាការខេត្តសៀមរាបចោទមន្ត្រីរដ្ឋបាលជលផលម្នាក់ពីបទប្រព្រឹត្តអំពើពុករលួយ
- ក្រុមអ្នកច្បាប់និងអ្នកការពារសិទ្ធិមនុស្សថាតុលាការជាឧបករណ៍នយោបាយ
- ឧត្ដមក្រុមប្រឹក្សានៃអង្គចៅក្រមតែងតាំងអនុប្រធានសាលាឧទ្ធរណ៍២រូប
- តុលាការសម្រេចដោះលែងអតីតអ្នកបើកឡានកាពីតូលនិងសមាជិកសមាគមកម្មករឲ្យនៅក្រៅឃុំ