ដោយ លោក សូរ្យ ជ័យឧត្ដម | ថ្ងៃពុធ ទី១៩ ខែតុលា ឆ្នាំ២០១៦
http://vodhotnews.com
ការចុះបញ្ជីឈ្មោះបោះឆ្នោតពលរដ្ឋ (រូបភាពពីហ្វេសប៊ុក គ.ជ.ប)
គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានប្រកាសថាមានប្រជាពលរដ្ឋជិត៦លាននាក់ហើយ បានទៅចុះឈ្មោះបោះឆ្នោតនៅក្នុងរយៈពេល៤៨ថ្ងៃ នៃដំណើរការចុះឈ្មោះបោះឆ្នោតនៅទូទាំងប្រទេស។
ផ្អែកតាមប្រតិទិនរបស់ខ្លួន គ.ជ.ប បាន និងកំពុងរៀបចំចុះឈ្មោះបោះឆ្នោតប្រជាពលរដ្ឋរៀងរាល់ថ្ងៃ ចាប់ពីដើមខែកញ្ញា រហូតដល់ចុងខែវិច្ឆិកាខាងមុខនេះ។
លទ្ធផលបណ្ដោះអាសន្ននៃការចុះឈ្មោះបោះឆ្នោតចេញផ្សាយនៅព្រឹកថ្ងៃនេះ បានបង្ហាញថា គ.ជ.ប ចុះបញ្ជីប្រជាពលរដ្ឋបានជាង ៥លាន ៩២ម៉ឺននាក់ ឬស្មើនឹងជាង ៦១ភាគរយនៃចំនួនពលរដ្ឋគ្រប់អាយុបោះឆ្នោតសរុបជាង ៩លាន ៦៦ម៉ឺននាក់ នៅទូទាំងប្រទេស។
បើធៀបទៅថ្ងៃទី១៧ខែតុលា ចំនួនអ្នកចុះឈ្មោះបោះឆ្នោតនេះ បានកើនឡើងជាង ៧ម៉ឺន ៧ពាន់កាលពីថ្ងៃម្សិលមិញនេះ៕