ដោយ លោក សូរ្យ ជ័យឧត្ដម | ថ្ងៃអាទិត្យ ទី៥ ខែមីនា ឆ្នាំ២០១៧
http://vodhotnews.com
យ៉ាងហោចណាស់មនុស្ស ៤នាក់បានស្លាប់ និង ១៥នាក់រងរបួស នៅក្នុងគ្រោះថ្នាក់ចរាចរណ៍ទូទាំងប្រទេស កាលពីថ្ងៃម្សិលមិញនេះ។ នេះដោយយោងតាមរបាយការណ៍របស់នគរបាលចរាចរណ៍កម្ពុជា ដែលត្រូវបានចុះផ្សាយលើវេបសាយអគ្គស្នងការនគរបាលជាតិ។
វេបសាយដដែលនេះ បានឲ្យដឹងថា គ្រោះថ្នាក់ចរាចរណ៍ ១០ករណី បានកើតឡើងនៅទូទាំងប្រទេសកាលពីថ្ងៃម្សិលមិញនេះ ដោយបានសម្លាប់មនុស្ស ៤នាក់ ខណៈមនុស្ស ១២នាក់រងរបួសធ្ងន់ និង ៣នាក់ទៀតរងរបួសស្រាល។
របាយការណ៍ចរាចរណ៍ផ្លូវគោគ បានឲ្យដឹងថា ត្រឹមរយៈពេល ៤ថ្ងៃដំបូងដើមខែមីនានេះ មនុស្សដល់ទៅ ១៨នាក់ បានស្លាប់ និង ៦២នាក់ទៀត បានរងរបួសធ្ងន់ និងស្រាល នៅក្នុងគ្រោះថ្នាក់ចរាចរណ៍ ៤២ករណី នៅទូទាំងប្រទេស៕